سمارٹ لاک ڈاؤن والے علاقوں میں سختی ، حکومت کا اہم قدم

سمارٹ لاک ڈاؤن والے علاقوں میں سختی کردی گئی

باغی ٹی وی : بڑھتے کرونا کیسز کی وجہ سے سمارٹ لاک ڈاؤن کے علاقوں میں سختی کردی گئی ہے . لاہور کے لاک ڈاؤن والے علاقوں میں کسی بھی قسم کی نقل و حرکت پر مکمل طور پر پابندی عائد کردی گئی۔

سمارٹ لاک ڈؤن میں سختی کے بعد ڈپٹی کمشنر لاہور نے کورونا ایس او پیز کے معاملے میں کوتاہی نہ کرنے کی ہدایت کی ہے۔ڈپٹی کمشنر نے کہا کہ لاہور کے ہاٹ اسپاٹ ایریاز کو لاک ڈاؤن کیا گیا ہے۔

ڈی سی لاہور نے ہدایت دیتے ہوئے کہا کہ متعلقہ افسران لاک ڈاؤن والے علاقوں میں ایس او پیز پر عمل کرائیں۔ڈپٹی کمشنر راولپنڈی نے ضلع راولپنڈی کے دس مختلف علاقوں میں کورونا کیسز میں خطرناک حد تک ہونے والے اضافے کو مدنظر رکھتے ہوئے تین مئی تک دس روز کیلئے سمارٹ لاک ڈائون لگا دیا ہے،

ان علاقوں میں راولپنڈی کی گلستان کالونی، ڈیفنس روڈ، افشاں کالونی، عسکری ii، علامہ اقبال کالونی، چکلالہ سکیم تھری، کوٹھہ کلاں، تخت پڑی کے علاوہ ڈبلیو 8اور ڈبلیو 6 ٹیکسلا کینٹ اور گوجر خان کے علاقے چنگا بنگیال و بگوال کونتریلہ شامل ہیں