fbpx

سوشل میڈیا پر وہی دکھتا ہے جو آپ دکھانا چاہتے ہیں سارہ خان

پاکستان کی معروف اداکارہ سارہ خان کا کہنا ہے کہ لوگوں کو آپ کے بارے میں وہی سب کچھ نظر آتا ہے، جو آپ انھیں دکھانا چاہتے ہیں۔

باغی ٹی وی : رقص بسمل کی زہرہ اور ثبات کی میرال نے حال ہی میں ایک انٹرو یو کے دوران کہا کہ ’سوشل میڈیا پر وہی دکھتا ہے جو آپ دکھانا چاہتے ہیں سارہ خان نے بتایا کہ سوشل میڈیا پر اپنی زندگی کی تشہیر کرنے سے اکثر افراد انھیں روکتے بھی ہیں کیونکہ سارہ اپنے ہنی مون کے فوراً بعد بیمار ہو گئی تھیں۔

اداکارہ کے مطابق لوگ مجھے کہتے ہیں کہ تم نے اپنی پوری زندگی سوشل میڈیا پر ڈال دی ہے اسی لیے تم بیمار ہوئی تھی، لیکن میں انھیں کہتی ہوں کہ اگر کچھ لوگ برائی کرتے ہیں تو اتنے سارے افراد دعائیں بھی تو کرتے ہیں جس کے باعث مجھے بہت جلد صحتیابی بھی مل گئی تھی۔

سارہ نے کہا کہ اگر میں کچھ سوشل میڈیا پر ایسا شیئر کرتی ہوں جس پر لوگ بات کرتے ہیں تو یقیناً میں چاہتی ہوں کہ وہ ایسا کریں وہی دکھتا ہے جو آپ دکھانا چاہتے ہیں۔

انہوں نے کہا کہ جب لوگ کہتے ہیں کہ میرا شوہر بھی فلک جیسا ہو تو تو مجھے بہت اچھا لگتا ہے کیونکہ میں چاہتی ہوں کہ میری بہنوں کا شوہر بھی فلک جیسا ہواس لیے میں شادی کو ایک خوبصورت رشتے کے طور پر دکھانا چاہتی ہوں۔

سوشل میڈیا پر اکثر باتیں چھپانا بھی خاصا دشوار ہو جاتا ہے جیسے ان کے حالیہ ڈرامے کے ایک سین میں بدلتے جھمکے حال ہی میں لوگوں کی دلچسپی کا باعث بن گئے۔

اس حوالے سے سوال ہوا تو سارہ نے قہقہہ لگایا اور بتایا کہ کیونکہ یہ سین تین ماہ کے وقفے سے مختلف کٹس میں عکس بند ہوا تھا اس لیے ان کی ٹیم سے یہ غلطی نظرانداز ہو گئی۔

جس دن فلک پھول نہیں دیتے میرا دن نہیں گزرتا سارہ خان

سارہ خان نے فلک کا پرپوزل کیوں ریجیکٹ کیا تھا؟

جواب چھوڑیں

آپ کا ای میل ایڈریس شائع نہیں کیا جائے گا.