سپیکر محمد سبطین خان سے برٹش ہائی کمیشن کی پولیٹیکل قونصلر زو ویئر (Zoe Ware) نے اسمبلی چیمبر میں ملاقات کی. ملاقات میں باہمی دلچسپی،ملکی صورتحال اور پارلیمنٹ کی بالادستی سمیت دیگر امور پر تبادلہ خیال کیا گیا۔
آرمی چیف جنرل قمر جاوید باجوہ سرکاری دورے پر برطانیہ پہنچ گئے
سپیکر پنجاب اسمبلی محمد سبطین خان نے کہا کہ پاکستان کے لئے مختلف شعبوں میں برطانوی اداروں کی شراکت لائق تحسین ہے۔ دو طرفہ تعاون کو انڈسٹری، زراعت اور دیگر شعبوں میں فروغ دینے کی گنجائش موجود ہے۔دونوں ملکوں میں دیرینہ تعلقات کے فروغ کیلئے باہمی رابطے،تجارت اور پارلیمانی وفود کے زیادہ سے زیادہ تبادلوں کی ضرورت ہے۔سپیکر محمد پاکستان کے ہر شعبے میں ہماری یوتھ کے ٹیلنٹ میں کوئی کمی نہیں انہیں اگر مناسب مواقع میسر ہوں تو بہترنتائج مل سکتے ہیں۔ برطانیہ اور پاکستان کے مابین دیرینہ تعلقات کو فروغ حاصل ہو رہا ہے۔
وزیراعلیٰ پنجاب پرویزالہٰی سے امریکی قونصل جنرل کی لاہور میں ملاقات
سپیکر پنجاب اسمبلی نے پولیٹیکل قونصلر کو پنجاب اسمبلی میں ہونیوالی قانون سازی اور کمیٹی سسٹم سے آگاہ کیا۔ برٹش ہائی کمیشن کی پولیٹیکل قونصلر زو ویئر نے ضمنی الیکشن میں پاکستان تحریک انصاف کی کامیابی اور محمد سبطین خان کو پنجاب اسمبلی کا سپیکرمنتخب ہونے پر مبارکباد دی۔
سپیکر سبطین خان نے کہآ کہ پنجاب میں ضمنی انتخابات میں عوام نے عمران خان کے بیانئے پر مہر لگائی۔ پاکستان تحریک انصاف فری اینڈ فیئر الیکشن پر یقین رکھتی ہے۔
برٹش ہائی کمیشن کی پولیٹیکل قونصلر زو ویئر نے کہا کہ انگلینڈ میں لاکھوں پاکستانی مختلف شعبوں میں شاندار طریقے سے خدمات سر انجام دے رہے ہیں۔ پولیٹیکل قونصلر زو ویئر نے سپیکر سبطین خان کے خیالات و جذبات کا خیر مقدم کیا۔برطانیہ اورپاکستان کے مابین خوشگوار تعلقات بڑھانے کے لیے ہم اپنا بھر پور کردار ادا کریں گے۔
ملاقات کرنے والے وفد میں برطانیہ کے پنجاب میں نمائندہ خصوصی ایلکس بلنگر (Alex Ballinger) اور پولیٹیکل ایڈوائز برٹش ہائی کمیشن طلال رضا بھی شامل تھے جبکہ سیکرٹری پنجاب اسمبلی عنایت اللہ لک اور سپیشل سیکرٹری علی عمران رضوی بھی اس موقع پر موجود تھے.سیکرٹری پنجاب اسمبلی عنائیت اللہ لک نے وفد کو پنجاب اسمبلی کی نئی بلڈنگ اور ایوان کا دورہ بھی کروایا۔
