سپریم کورٹ نے فضائی آلودگی کے باعث خیبر پختونخوا کے 3 کرشنگ پلانٹس بند کرنے کا حکم دے دیا ہے
سپریم کورٹ نے 11 جولائی کو ہونے والی سماعت کا تحریری حکم نامہ جاری کر دیا ہے، 17 صفحات پر مشتمل حکم نامہ جسٹس منصور علی شاہ نے تحریر کیا،سپریم کورٹ نے تحریری حکمنامے میں کہاکہ دنیا میں ہر 9 سے ایک موت فضائی آلودگی کی وجہ سے ہوتی ہے، ڈبلیو ایچ او کے مطابق فضائی آلودگی سالانہ 70 لاکھ اموات کا باعث بن رہی ہے، بنگلہ دیش، بھارت، نیپال اور پاکستان دنیا کے آلودہ ترین ممالک ہیں، دنیا کی کل آبادی کا 22.9 فیصد بنگلادیش، بھارت، نیپال اور پاکستان میں ہے، ایئر کوالٹی رپورٹ کے مطابق پاکستان دنیا کا دوسرا آلودہ ترین ملک ہے، صاف شفاف ماحول میں رہنا ہر شہری کا بنیادی اور آئینی حق ہے،ماحولیاتی آلودگی کے سبب انسانوں کے ساتھ ساتھ جانوروں اور درختوں کو بھی خطرات لاحق ہیں، ماحولیاتی آلودگی کے سبب کینسر اور دل کی مہلک بیماریاں جنم لے رہی ہیں۔
تحریری حکمنامے میں کہا گیا ہے کہ رپورٹ کے مطابق کے پی میں 3 اسٹون کریشر سنگین ماحولیاتی آلودگی پھیلانے کا سبب بن رہے ہیں، کے پی کے ان 3 کریشنگ پلانٹس کو فوری بند کرایا جائے، عدالت کو بتایا گیا خیبرپختوںخوا میں مزید 900 اسٹون کریشنگ پلانٹس کام کر رہے ہیں، صوبائی ماحولیاتی تحفظ ایجنسی 900 اسٹون کریشنگ پلانٹس کا جائزہ لے، ماحولیاتی آلودگی پھیلانے والے اسٹون کریشنگ پلانٹس کے خلاف آزادانہ کارروائی کی جائے، آلودگی سے متعلق قواعد کی خلاف ورزی کرنے والے کرشنگ پلانٹس کے خلاف کارروائی کی جائے، سپریم کورٹ نے وفاقی اور صوبائی حکومتوں کو فضائی آلودگی سے متعلق قواعد کی تجدید کا حکم دے دیا اور پیش رفت رپورٹ طلب کر لی،کیس کی مزید سماعت نومبر کے پہلے ہفتے میں ہو گی۔
بنوں واقعہ پر وزیراعلیٰ خیبر پختونخوا کا تحقیقاتی کمیشن بنانے کا اعلان
بنوں واقعہ،تحقیقات کر کے ذمہ داران کو سز ا دی جائیگی،بیرسٹر سیف
بنوں حملہ،ایک اور دہشت گرد کی شناخت،افغان شہری نکلا
دہشت گرد عثمان اللہ عرف کامران کا تعلق افغانستان کے صوبہ لوگر سے تھا۔
بنوں میں دہشت گردی کی گھناؤنی کارروائی حافظ گل بہادر گروپ نے کی ہے،
بونیر،سیکورٹی فورسز کا آپریشن،دہشتگردوں کا سرغنہ جہنم واصل،دو جوان شہید
ڈی آئی خان، سیکورٹی فورسز کا آپریشن، 8 دہشتگرد جہنم واصل
ڈی آئی خان ،دھماکے میں دو جوان شہید،پنجگور،ایک دہشتگرد جہنم واصل
شمالی وزیرستان، دہشتگردوں کیخلاف آپریشن،کمانڈر سمیت 8 جہنم واصل
شمالی وزیرستان ، چوکی پر حملہ، لیفٹیننٹ کرنل اور کیپٹن سمیت 7 جوان شہید
بنوں،امن مارچ کو انتشاری ٹولے نے پرتشدد بنایا،عوام شرپسندوں سے رہیں ہوشیار
