پٹرول، ڈیزل، گیس، گھی، دالیں، آٹا، چینی اور بجلی کے نرخوں میں اضافہ صرف مہنگائی بڑھنے کا ہی نہیں بلکہ گداگری اور غربت میں اضافے کا بھی دوسرا نام ہے۔ لوگ مہنگائی کے سبب پیٹ کاٹ کاٹ کر جینے پر مجبور ہیں۔ بیشتر گھرانے ایسے ہیں، جہاں مہینے کا اکھٹا سامان لانے کا رواج دن بہ دن ختم ہوتا جا رہا ہے۔
ملک میں جاری دو تین سرویز کے مطابق گزشتہ 3 سالوں میں گھریلو جھگڑوں اور سٹریٹ کرائم سمیت چوری کی وارداتوں میں اضافہ ہوا ہے۔
ان مسائل کو کون حل کرے گا عمران خان صاحب نے اپنی 22 سالہ جدوجہد پہ پانی پھیرتے ہوئے عوام کو الٹی چھری سے ذبح کرنے کا تہیہ کر رکھا ہے وزرا و ترجمان کہتے ہیں مہنگائی پوری دنیا میں ہوئ جناب بیرون ملک لوگوں کی آمدنی بھی تو زیادہ ہے پاکستان میں آمدنی آٹھانی خرچہ روپیہ والی صورتحال ہے پاکستانی قوم کو روز لولی پاپ دیے جاتے ہیں سونے پہ سہاگہ ان کے اپنے اتحادی روز انہیں بلیک میل کرتے ہیں وزارتیں لیتے پیسے بناتے مزے کر رہے ہیں یعنی اس حکومت کے ابھی اپنے مسائل ختم ہونے کا نام نہیں لے رہے ہیں جو کام روٹین کا ہوتا ہے اسے بحرانی کیفیت تک لے جاتے ہیں دنیا بھر میں جگ ہنسائی ہوی آ رہی ہے جناب وزیراعظم صاحب آپ خود فرماتے تھے کے تین سال مشکل تھے سیکھ رہے ہیں بھائ آپکو انٹرنشپ کے لیئے نہیں لایا گیا تھا ٹریننگ آپ کے پی کے میں کر چکے تھے آپ مہنگائی کی ذمہ داری لیں یہ نہ لیں بھیانک اثرات تو عوام تک پہنچ چکے ہیں وزیراعظم عمران خان نے بھی دیگر سیاسوں کی طرح الیکشن مہم میں کچھ نعرے لگائے اور اب کچھ اور کر رہے ہیں کسی نے روٹی کپڑا مکان کا نعرہ لگا کر قوم کو بے وقوف بنایا کسی نے سستی روٹی ایشین ٹائیگر بنانے کے نام پر بے وقوف بنایا اور عمران خان نے اپنی بائیس سالہ جدوجہد تبدیلی و نیا پاکستان کا نعرہ لگا کر عوام سے مکر گئے اور عوام کو ریلیف دینے کے بجائے الٹا عوام پر ظلم و ستم ڈھائے جا رہے ہیں اور مہنگائی کر کے معیشت کو بہتر بنانے کی ناکام کوشش کی جا رہی ہے پٹرول بجلی گیس آٹا چینی ڈالڈا اور دیگر اشیا ضروریہ کے نرخ میں نہ صرف تین سالوں میں 400 فیصد تک اضافہ ہوا بلکہ مہنگائی کا سلسلہ بدستور جاری ہے جس نے گزشتہ ستر سال ریکارڈ توڑ ڈالا مڈل کلاس و سفید پوش طبقہ پس کر رہ گیا تبدیلی و نیا پاکستان بنانے والوں نے پرانے پاکستان و عوام کا ستیا ناس کر کے رکھ دیا احساس پروگرام سے صرف دو فیصد لوگ مستفید ہو رہے ہیں جبکہ عوام کی اکثریت جو کروڑوں میں ہے احساس پروگرام سے مستفید ہونا یہ اس پروگرام میں شامل ہونے کا سوچ بھی نہیں سکتے کیونکہ عزت نفس مجروح ہوتی ہے یہ لوگ بھوک و افلاس سے مر تو سکتے ہیں لیکن خیرات زکوۃ و احساس پروگرام سے مستفید ہونے کا سوچ بھی نہیں سکتے اگر حکومت واقعی غریب عوام سے ہمدردی رکھتی ہے تو آج ہی اعلان کرے 200 یونٹ تک بجلی استعمال کرنے والوں کو بجلی مفت دی جائے گی تا کے اس مہنگائی میں انھیں ریلیف مل سکے احساس پروگرام لنگر خانے پناہ گاھیں اور دیگر اس قسم کے عزت نفس مجروح کرنے والے پروگرام فی الفور ختم کیے جائیں اربوں روپے احساس پروگرام بیت المال لنگر خانے پناہ گاہوں سے سفید پوش مڈل کلاس کو کیا فائدہ بلکہ عوام کو روز مرہ استعمال کی اشیاء ضروریہ پر خصوصی سبسڈی دی جائے اصل خبر یہ ہے وزیر خزانہ شوکت ترین کی بطور وزیر خزانہ مدت پوری ہو رہی ہے اور اب انہیں مشیر خزانہ بنایا جا رہا ہے اور پھر خیبر بختون خوا سے سینٹ کا الیکشن لڑوا کر دوبارہ وزیر بنایا جائے گا اس مشق فضول سے عوام کا لینا دینا ہے عوام کے دن پھرنے کے تو دور دور تک آثار نظر نہیں آتے ابھی تک عمران خان کی معاشی ٹیم اپنی مہارت کا کوئ کرشمہ نہیں دکھا سکی باہر سے درآمد کی گئ ٹیم بھی عام آدمی کی زندگی میں بہتری کا کوئ کمال نہیں دکھا سکی حقیقت یہ ہے کے ملک کے معاشی معاملات عملی طور پر آی ایم ایف نے اپنے کنٹرول میں رکھے ہوئے ہیں حکومت کے دعوے اور باتیں اب عمل میں ڈھلنے کا تقاضا کر رہی ہیں ملکی معیشت کو مضبوط اور پائیدار بنیادوں پر استوار کرنے کے بجائے دن گزارنے کی اس پالیسی نے پاکستان کی معیشت کو لاغر کر دیا ہے اب کوئ دست مسیحا ہی زبوں حالی کی ان پستیوں سے ملکی معیشت کو دوبارہ بہتری کی بلندیوں تک لے جا سکتا ہے یہ روایتی طور طریقوں کا معاملہ نہیں رہا ایک بھرپور آپریشن کا متقاضی ہے ملک کی بڑی جماعتیں ابھی اس حوالے سے کوئ ٹھوس بات نہیں کر سکیں پیپلزپارٹی اور مسلم لیگ تو ایڈہاک ازم کے طور پر ملکی معیشت کو چلانے کی زمہ دار رہی ہیں اور ان سے اب توقع ہی عبث ہے مگر تحریک انصاف بھی ملکی معیشت کو سہارا دینے کے حوالے سے مخمصے کا شکار نظر آتی ہے پٹرولیم مصنوعات کی قیمتوں میں ہوش ربا اضافے کو ملک کے معاشی حالات کی وجہ قرار دیا جا رہا ہے یہ عذر کچھ عرصہ تو چل سکتا ہے مگر تا ریر ماضی کے حکمرانوں کو دوش دے کر عوام کو مطمئن نہیں کیا جا سکتا
Leave a reply
