عدالت نے اورنگی ٹاؤن میں تاجر کے گھر پولیس ڈکیتی کے کیس میں گرفتار ملزم عمیر طارق بجاری کو عدالتی ریمانڈ پر جیل بھیج دیا
گرفتار ڈی ایس پی عمیر طارق سمیت 4 ملزمان کو جوڈیشل مجسٹریٹ غربی کی عدالت میں پیش کیا گیا ،عدالت نے تفتیشی افسر سے استفسار کیا کہ ملزم عمیر بجاری سے ان دو دنوں میں کیا تفتیش کی؟ تفتیشی اافسر نے عدالت میں کہاکہ ملزم کی مدد سے دو تین جگہوں پر چھاپے مارے ہیں اور مزید تفتیش کر رہے ہیں،عدالت نے استفسار کیا کہ کیا آپ نے ایس ایس پی عمران قریشی سے تفتیش کی؟ جس پر تفتیشی افسر نے عدالت میں کہا کہ کل عمران قریشی سے تفتیش کا ایک سیشن کیا ہے، عمران قریشی سے انویسٹی گیشن کے بعد ہی ان تینوں ملزمان کو گرفتار کیا، ملزم ڈی ایس پی کے وکیل نے عدالت میں کہا کہ عمران قریشی کی نشاندہی پر 3 ملزمان گرفتار کیے لیکن اسے کچھ نہیں کہا گیا
عدالت نے تفتیشی افسر سے استفسار کیا کہ تفتیش کی ڈائری ہے اور کتنے ملزمان کے بیان ریکارڈ کیے ہیں؟تفتیشی افسر نے کہا کہ ڈائری نہیں ہے اور نہ ہی بیان عدالت میں لایا ہوں،عدالت نے تفتیشی افسر سے ملزمان سے تفتیش سے متعلق ڈائری اور بیان طلب کر لیے اور آج ہی عدالت میں بیان اور ڈائری پیش کرنے کی ہدایت کی،تفتیشی افسر نے عدالت سے ملزمان کے مزید جسمانی ریمانڈ کی استدعا کی، عدالت نے ملزم عمیر طارق بجاری کو عدالتی ریمانڈ پر جیل بھیج دیا،عدالت نے محفوظ حسن سمیت 3 ملزمان کو 26 نومبر تک جسمانی ریمانڈ پر پولیس کی تحویل میں دے دیا
واضح رہے کہ شہر قائد کراچی میں حاضر سروس ایس ایس پی کی سربراہی میں چلنے والا ڈی ایس پی سمیت دیگر پولیس ملازمین کا ڈکیت گینگ رنگے ہاتھوں پکڑا گیا، ڈی ایس پی کو حوالات میں بند کردیا گیا،کراچی کے علاقے اورنگی ٹاؤن میں تاجر کے گھر ڈکیتی کی تحقیقاتی رپورٹ کے مطابق زیرِ تربیت ڈی ایس پی کی سربراہی میں ڈکیتی میں افسران کے ملوث ہونے کی تصدیق ہوئی ہے۔ ایس ایس پی ساؤتھ عمران قریشی کو عہدے سے ہٹا دیا گیا، زیرِ تربیت ڈی ایس پی عمیر طارق کو گرفتار کرلیا گیا۔ پولیس حکام کے مطابق اورنگی ٹاؤن میں تاجر شاکر خان کے گھر پولیس ڈکیتی کا مقدمہ پیرآباد تھانے میں درج کرلیا گیا جبکہ ڈی ایس پی عمیر طارق کو ڈکیتی کے الزام میں گرفتار کرلیا گیا ہے ، ڈی ایس پی کے ساتھی پولیس اہلکار بھی مقدمے میں گرفتار ہیں۔
جیلوں میں 140 نوزائیدہ بچے بھی ماؤں کے ہمراہ قید، جیلوں میں ایڈز کے مریض کتنے؟
پنجاب میں ایڈز کے مریضوں کی تعداد کے حوالے سے رپورٹ پنجاب اسمبلی میں جمع
شیخ رشید کی جانب سے سندھ کو ایڈزستان کہنے پر بلاول نے کیا کام کیا؟
بلاول کے شہر لاڑکانہ میں مزید 617 افراد میں ایڈز کی تشخیص
نیب متحرک، ایڈزکنٹرول پروگرام کے مالی امور،فنڈنگ کی تفصیلات طلب
