معروف کامیڈین عمر شریف کے انتقال پرسیاستدانوں نے انتہائی افسوس کا اظہار کیا ہے ۔
باغی ٹی وی : عمر شریف کے انتقال پر افسوس کا اظہار کرتے ہوئے پی پی پی چیئرمین بلاول بھٹو زرداری نے کہا کہ عمر شریف کا انتقال باعثِ صدمہ ہے صد افسوس، رونے والوں کو بھی ہنسنے پر مجبور کرنے والا طنز و مزاح کا آفتاب آج غروب ہوگیا-
بلاول بھٹو زرداری نے کہا مرحوم نے پاکستان میں فنِ مزاح کو نئی جہت بخشی، بلندیوں پر پہنچایا مرحوم عمر شریف کی دنیائے فن کے لیئے خدمات تادیر یاد رکھی جائیں گی دعاگو ہوں، اللہ تعالیٰ مرحوم کی مغفرت اور انہیں اپنے جوار رحمت میں جگہ عطا فرمائے: بلاول بھٹو زرداری
پی پی پی چیئرمین نے مرحوم عمر شریف کے اہلخانہ سے تعزیت کا اظہار اور ان کے لیئے صبر جمیل کی دعا کی ہے بلاول بھٹو زرداری نے مرحوم عمر شریف کے دنیا بھر میں موجود لاکھوں سوگوار پرستاروں سے بھی ہمدردی کا اظہار کیا-
اسٹیج کے بے تاج بادشاہ کامیڈی کنگ عمر شریف انتقال کرگئے
وزیراعلیٰ پنجاب عثمان بزدار نے شدید دکھ کا اظہار کرتے ہوئے کہا کہ عمر شریف بہترین فنکار تھے، ان کی کمی تادیر محسوس کی جائے گی۔
وزیراعلیٰ سندھ مراد علی شاہ کا کہنا تھا کہ عمر شریف کی فن مزاح میں خدمات پوری دنیا میں یاد رکھی جائیں گی۔
وفاقی وزیراطلاعات فواد چودھری نے کہا ہےکہ عمرشریف پاکستان کا اثاثہ تھے انہوں نے ہمیشہ قہقے بکھیرے، ان کا خلا پر نہیں ہو سکتا، ان کا اسٹیج کی دنیا میں ایک مقام ہے، ان کے انتقال پر ساری قوم افسردہ ہے۔
وزیراعظم کے معاون خصوصی شہبازگل نے کہا کہ عمر شریف کو اپنے کام کے باعث کامیڈی کی دنیا میں منفرد مقام حاصل رہا،،انہوں نے شاندار کام سے نسل در نسل ناظرین کے دِل جیتے، وہ عوام کےدلوں میں ہمیشہ زندہ رہیں گے۔
عمر شریف کے بیرون ملک علاج معالجے کے لیے ایئر ایمبولینس کی کب تک آمد متوقع ہے؟
ایم کیو ایم کے رہنما خالد مقبول صدیقی نے کہا کہ پاکستان آج ایک قیمتی اثاثے سے محروم ہو گیا۔
وفاقی وزیر امین الحق نے کہا کہ کروڑوں چہروں پر ہنسی بکَھیرنے والے عمر شریف جیسے فنکار صدیوں میں پیدا ہوتے ہیں۔
سابق وزیرِداخلہ سینیٹر رحمان ملک نے بھی عمر شریف کے وفات پر گہرے دکھ اور افسوس کا اظہار کیا کہا کہ اللہ تعالٰی مرحوم عمر شریف کی مغفرت اور غمزدہ خاندان کو صبر و جمیل عطا فرمائے،عمر شریف زندگی بھر لوگوں کے چہروں پر مسکراہٹیں بکھیرتے رہے-
انہوں نے کہا کہ عمر شریف نے ہمیشہ اداس چہروں پر خوشیاں لانے کی کوشش کی،عمر شریف کے خاندان کے غم میں برابر کے شریک ہیں-
میرے جھوٹے نکاح کے کیس کی وجہ سے فلم انڈسٹری کو اربوں روپے کا نقصان ہوا میرا
