پاکستان فلم انڈسٹری کی معروف اداکارہ میرا کا کہنا ہے کہ میرے جھوٹے نکاح کے کیس کی وجہ سے فلم انڈسٹری کو اربوں روپے کا نقصان ہوا۔

باغی ٹی وی : اداکارہ میرا نے لاہور کی سیشن عدالت میں پیشی کے بعد میڈیا سے گفتگو کرتے ہوئے کہا کہ مجھ پر یہ کیس نہ ہوتے، تو بہت سی فلمیں سیٹ پر ہوتیں، اورانڈسٹری بند نہ ہوتی۔

میرا نے کہا کہ شوٹنگ میں جو کچھ ہوتا ہے وہ جھوٹ ہوتا ہے، جب ہم شوٹ کرتے ہیں تو ہم جھوٹ بول رہے ہوتے ہیں شوٹنگ کو حقیقت سے نہیں جوڑا جاسکتا، ہم جھوٹ کا کام کرتے ہیں۔

تکذیب نکاح کیس: کمرہ عدالت میں اداکارہ میرا کی رو رو کر انصاف کے لئے دہائیاں

واضح رہے کہ سیشن کورٹ لاہور میں اداکارہ میرا کی تکذیب نکاح اپیل پر سماعت ہوئی اداکارہ کمرہ عدالت میں رو روکر انصاف کے لیے دہائیاں دیتی رہیں اور کہا جج صاحب میں دس سال سے انصاف کے لیے در بدر پھر رہی ہوں جج صاحب میں امریکا کی عدالت میں پیش ہوئی تو وہاں میری بات کو مکمل سنا گیا۔

عدالت نے اداکارہ میرا کو چیخ چیخ کر بولنے سے منع کر دیا اور ترمیمی شواہد پر وکلا کو بحث کے لیے طلب کرتے ہوئے سماعت 5 اکتوبر تک ملتوی کردی۔

واضح رہے کہ فیملی کورٹ نے اداکارہ میرا کو عتیق الرحمان کی بیوی قرار دیا تھا تاہم اداکارہ میرا نے فیملی کورٹ کے فیصلے کے خلاف اپیل دائر کررکھی ہے۔

اداکارہ میرا نے اپیل میں موقف اختیار کیا کہ انہوں نے عتیق الرحمان سے نکاح نہیں کیا عتیق الرحمان نے فیملی کورٹ کو گمراہ کیا فیملی کورٹ نے حقائق کے برعکس فیصلہ سنایا لہذاعدالت فیملی کورٹ کے فیصلے کو کالعدم قرار دے-

پروجیکٹ نہ ملنے کا دکھ، حرا مانی کا سٹاف پر تشدد، گندی گالیوں کی چیٹ منظر عام پر