ترقی کا راز۔ تحریر: سریر عباس

کسی بھی ملک کی ترقی کا راز خاص طور پہ تین چیزوں پر مشتمل ہوتا ہے۔

پہلےنمبر پہ بجلی

دوسرے پہ پانی

اور تیسری چیز سڑک ہوتی ہے

جس ملک میں لوڈشیڈنگ نہیں ہوتی اس ملک میں تمام انڈسٹریز کام کرتی ہیں اور برابر کرتی ہیں

کیونکہ انڈسٹریل جتنی بھی چیزیں یا انڈسٹریل ایریا ہوتا ہے وہاں پہ ہر قسم کی فیکٹریاں لگائی جاتی ہیں ان فیکٹریوں میں مزدور لگائے جاتے ہیں 

اس سے بے روزگاری ختم ہوتی ہے اور ہنر مند افراد جنم لیتے ہیں جو کسی بھی معاملے میں کامیابی سے پیچھے نہیں رہتے

موجودہ دور چونکہ انٹرنیٹ کا دور ہے تو انٹرنیٹ کا تعلق بھی براہ راست بجلی کے ساتھ ہے

انٹرنیٹ کے زریعے اگر کوئی انسان ترقی کرنا چاہتا ہے تو اس کیلئے تعلیم کا ہونا انتہائی اہم ہے 

ورنہ وہ ہنر مند تو ہوسکتا ہے لیکن انٹرنیٹ میں آگے بڑھنے کیلئے کسی کا سہارا لے گا۔

موجودہ دور میں تعلیم بھی جدید طریقہ کار سے دی جارہی ہے یعنی اس میں بھی مکمل انٹرنیٹ کا استعمال ہوتا ہے اور انٹرنیٹ کا براہ راست تعلق بجلی سے وابستہ ہے۔

اس کے علاوہ سینکڑوں ایسی چیزیں  ہیں جنکا تعلق بجلی کے ساتھ ہے۔

پاکستان پچھلے دس بارہ سال سے انتہائی بہران کا شکار ہے جسکی اصل وجہ بجلی کی فراہمی کا نہ ہونا اور انڈسٹریوں کا بند ہوجانا ہے

موجودہ حکومت یقیناً اس معاملے میں سنجیدگی دکھا رہی ہے جس کے نتیجے میں لوڈ شیڈنگ میں کمی (گزشتہ دو ماہ چھوڑ کے) اور انڈسٹریز بھی 60فیصد تک چل پڑی ہیں۔

دوسرے نمبر پہ ہے "پانی”

پانی اللہ تعالیٰ کی نعمتوں میں سے ایک خاص نعمت ہے

پانی انسانی زندگی کیلئے انتہائی اہم ہے

یعنی اگر زندہ رہنا ہے تو پانی کے ساتھ ہی رہ سکتے ہیں

صرف پینے کیلئے روزانہ ہر شخص اوسطاً دو سے تین لیٹر پانی کا استعمال کرتا ہے

اسکے علاوہ وضو، غسل اور دیگر معاملات میں ہر شخص اپنی ضرورت کے مطابق پانی کو استعمال کرتا ہے

اگر کسی شخص کو چند گھنٹوں کیلئے پانی میسر نہ ہو تو اسکی زندگی اجیرن بن جاتی ہے

انسانی زندگی میں بجلی اور پانی کا اتنا فرق  ضرور ہیکہ بجلی کے بغیر زندگی ہے جبکہ پانی کے بغیر زندگی ممکن نہیں۔۔

پانی ازل سے ہے اور بجلی بعد کی ایجاد ہے جو انسانی زندگی میں آسانی لائی ہے۔

پانی کی ضروریات یا اسلامی رو سے پانی کو ایک نعمت کے طورپہ ذکر کرنا تو شائد نا ممکن ہی ہیکہ اللہ کی اس نعمت کے فضائل کتنے ہیں۔

پانی کی قدر و قیمت پاکستان میں سب سے زیادہ "تھر” کے لوگ جانتے ہیں جو ایک ایک بوند کو ترس جاتے ہیں

حکومت پاکستان کو اس پر سنجیدگی کے ساتھ کام کرنا چاہئے اور انسانی زندگیوں کو پروان چڑھانا چاہئے۔

موجودہ دور میں ترقی یافتہ ممالک کیلئے تیسری بڑی اور اہم چیز "سڑک” ہے 

سڑک فاصلے کو تو کم کرتی ہے یا نہیں لیکن فاصلے کو طے کرنے میں دنوں کا سفر گھنٹوں اور گھنٹوں کا سفر منٹوں میں ممکن ہوجاتا ہے۔

مثال کے طورپہ

میں پچھلے چند سالوں میں بیرون ممالک قیام پذیر ہوں حصول رزق کی خاطر تو 

یہاں میرا پیشہ ایک ڈرائیور کی حیثیت سے ہے 

اب یہاں کے روڈز کا موازنہ اگر پاکستان کے روڈز کے ساتھ کیا جائے تو کافی فرق دکھائی دیتا ہے

یعنی جو سفر پاکستان میں دو سے تین گھنٹوں میں طے ہوتا ہے وہ یہاں پہ چالیس پچاس منٹوں میں طے ہوجاتا ہے

وجہ یہ ہے کہ یہاں روڈز بڑے اور کھلے ہیں

جیسا کہ پاکستان میں موٹروے اور عام روڈ میں زمین و آسمان کا فرق ہے۔

موجودہ حکومت اور اس سے پچھلی حکومت نے جس قدر روڈز کی طرف توجہ دی یقینی طورپہ آنے والے کچھ سالوں میں یہ منصوبہ جات ملک کی ترقی کیلئے اہم کردار اداء کریں گے

جن میں بالخصوص پاک چین اقتصادی راہ داری ہے

@1sareer