پاکستانشوبز

ہمارے بچپن کو یادگار بنانے والے رخصت ہو گئےطارق عزیز کی وفات پر شوبز فنکار اور معروف شخصیات غمزدہ

6 سال قبل
6 سال قبل

پاکستان شوبز اںڈسٹری کے ماضی کے معروف اداکار کمپئیر اور ہر دلعزیز طارق عزیز شو کے میزبان طارق عزیز اس دنیا سے رخصت ہو گئے ہیں ان کی وفات پر شوبز فنکار، کرکٹر اور معروف شخصیات اپنے غم کا اظہار کرتے ہوئے سوشل میڈیا پر ان کے اہل خانہ سے تعزیت اور پی ٹی وی کیلئے ان کی خدمات کا اعتراف کرتے ہوئے انہیں خراج تحسین پیش کررہے ہیں۔

باغی ٹی وی : مسحور کن شخصیت کے مالک اور ناظرین و حاضرین کو اپنی گفتگو کے سحر میں جکڑ لینے والی ہر دلعزیز شخصیت کی وفات سے ایک خلا پیدا ہو گیا ہے جسے پُر کرنا ناممکن ہو گا-ان کی وفات پر جہاں ان کے مداح غمگین ہیں وہیں شوبز شخصیات سمیت پاکستانی کرکٹر اور معروف شخصیات بھی غمزدہ ہیں اور اپنے غم کا اظہات اپنے سوشل میڈیا پیغامات کے ذریعے کر رہی ہیں –


علی ظفر نے اٹویٹر پر اپنے پیغام میں لکھا کہ اللہ آپ کی روح کو سکون دے آپ نے ہمیں یادوں سے بھرا بچپن تحائف اور بہت کچھ دیا-گلوکار نے لکھا کہ ہماری قوم اپنے ہیروز کو بہت جلد بھول جاتی ہے لیکن طارق عزیز کی شخصیت کبھی نہیں بھلائی جائے گی۔آپ کے ساتھ ہی ایک عہد بھی اختتام پزیر ہوا ہے-


معروف میزبان و اداکار واسع چوہدری نے ابھی طارق عزیز کو خراج عقیدت پیش کیا۔


اداکارہ ماورہ حسین نے اپنے پیغام میں لکھا کہ’میرے بچپن کو یادگار بنانے میں اہم کردار ادا کرنے والے طارق عزیز آج دنیا سے رخصت ہوگئے، اللہ آپ کو دائمی سکون عطا کرے۔ ہمیں اپنے گیم شوز اور اس سب کے لئے جس سے اپ نے ہمیں لطف اندوز کیا آپ کا شکریہ انہوں نے طارق عزیز کا معروف ڈائیلاگ ’دیکھتی آنکھوں اور سنتے کانوں کو طارق عزیز کا سلام‘ بھی تحریر کیا-


اداکارہ صبا قمر نے لکھا کہ ایک اور دن ایک اور بڑا نقصان انہون نے لکھا کہ وہ طارق عزیز کی وفات کی خبر سننے کے بعد شدید دل شکستہ ہیں۔


اداکار بلال اشرف نے طارق عزیز کی موت کو ایک بڑا نقصان قرار دیتے ہوئے لکھا کہ طارق عزیز کو ہمیشہ یاد رکھا جائے گا۔


علی رحمن خان نے لکھا کہ میری زندگی کی نہایت معزز اور دل چسپ شخصیات میں سے ایک طارق عزیز اب ہم میں نہیں ہیں اللہ ان کی روح کو سکون دیں ہمیشہ ہمارے دلوں میں زندہ رہیں گے-


اداکارہ منشا پاشا نے بھی طارق عزیز کو خراج عقیدت پیش کیا-


اداکارہ ماہرہ خان نے طارق عزیز کی وفات پر گہرے دُکھ کا اظہار کرتے ہوئے کہا کہ طارق عزیز کی پاکستان کیلئے کی گئی خدمات ناقابلِ فراموش ہیں۔ لیجنڈ طارق عزیز نے طویل عرصے تک پاکستان کی خدمت کی جس کے ہم سب مقروض ہیں۔ طارق عزیز کی وفات کے ساتھ ہی فن کی دنیا کا ایک عہد اختتام پذیر ہوا ہے۔
https://twitter.com/AftabIqbaI/status/1273178836667154433?s=19
آفتاب اقبال نے لکھا کہ پاکستان نے آج ایک ہیرا کھودیا ہے افسوس اس ملک میں ہیروں کی قدر تب ہوتی ہے جب وہ اس دنیا فانی سے کوچ کر جاتے ہیں پاکستان ٹیلی ویژن پر سب سے پہلی سنے جانے والی آوز طارق عزیز کی تھی وہ اکیلا شخص ہی پوری ٹیلی ویژن انڈسٹری تھا اللہ انکو جوارِ رحمت میں جگہ عطا فرمائے آمین-


اداکار فیروزخان نے بھی افسوس کا اظہار کیا-


ڈاکٹر شائستہ لودھی نے تعزیت کا اظہار کرتے ہوئے طارق عزیز کا مشہور ڈائیلاگ لکھا وہ تالیوں کی گونج میں دوڑتا ہوا آتا شروع اللہ کے نام سے کرتا، سُنتے کانوں اور دیکھتی آنکھوں کو سلام کرتا، عوام میں خوشیاں اور معلومات بانٹتا، پاکستان پائندہ باد کا نعرہ لگا کر آئندہ ملاقات کا وعدہ کرکے چلا جاتا۔۔


اداکارہ اشنا شاہ نے طارق عزیز کے دوستوں اور اہل خانہ کے ساتھ تعزیت کا اظہار کرتے ہوئے ان کے لئے دائمئ سکون کی دعا کی-


گلوکار ابرارالحق نے افسوس کا اظہار کرتے ہوئے لکھا کہ الوداع طارق عزیز صاحب-


اداکارہ وینا ملک نے اپنے تعزیتی پیغام میں طارق عزیز کو ان کی خدمات کے صلے میں سرکاری اعزاز کے ساتھ دفنانے کا مطالبہ کیا اور لکھا کہ افسوس جب وہ زندہ تھے تب ہم نے انکی قدر نا کی۔ انکی خدمات کے بدلے انہیں قومی سبز ہلالی پرچم میں سپرد خاک کیا جانا چاہیئے وہ اپنے پروگرام کے آخر میں جس جوش اور محبت سے پاکستان زندہ باد کا نعرہ لگواتے تھے وہ کبھی نہیں بھولےگا-اللہ انکو جنت میں اعلی مقام عطا فرمائے۔آمین


رابی پیرزادہ نے افسوس کا اظہار کرتے ہوئے لکھا کہ طارق عزیز مجھے ہمیشہ کہتے تھے کہ شوبز تمہارے لئے نہیں اور شاید وہ صحیح کہتے تھے-


جرنلسٹ جویریہ صدیقی نے لکھا کہ میزبانی کا عہد ختم ہوا –


صنم جنگ نے لکھا کہ طارق عزیز کے انتقال کے بارے میں سن کر انتہائی افسوس ہوا –


کرکٹر حسن علی نے اپنے تعزیتی پیغام میں لکھا کہ ہم آپ کی جادوئی آواز کو ہمیشہ یاد رکھیں گے اللہ آپ کے درجات بلند کرے اور جنت میں اعلی مقام عطا فرمائے-


جرنلسٹ احتشام الحق نے اپنے پیغام میں لکھا کہ طارق عزیز صاحب انتقال فرماگئے ھیں۔اللہ ان کے درجات بلند فرمائے ۔آمین


سابق کرکٹر شعیب اختر نے لکھا کہ آج صبح لیجنڈری اینکر طارق عزیز صاحب کی افسوس ناک خبر سنی۔ اللہ ان کا آگے کا سفر آسان بنائے۔ وہ پاکستان ٹیلی وژن کا پہلا چہرہ تھے۔


اداکار عمران عباس نے ایک طویل تعزیتی نوٹ شئیر کیا اور لکھا کہ دیکھتیآنکھوں سنتے کانوں آج جیسے پاکستان ٹیلی ویژن کے سر سے کسی بزرگ کا سایہ اٹھ گیا ہے-انہوں نے لکھا طارق عزیز صاحب آپ جیسا کوئی اب کوئی نہیں آئے گا انہوں نے ایک شعر بھی لکھا کہ :ہم وہ سیاہ بخت ہیں طارق کے شہر میں ، کھولیں دوکان کفن کی تو سب مرنا چھوڑ دیں-


عدنان صدیقی نے دکھ کا اظہار کرتے ہوئے لکھا کہ طارق عزیز صاحب کا نام آتے ہی ہیں میرے ذہن میں نیلام گھر آجاتا ہے اور وہ آواز گونجنے لگتی ہے جو طارق عزیز صاحب اپنے پروگرام کے ابتدا میں کہتے تھے۔ ”دیکھتی آنکھوں سنتے کانوں کو طارق عزیز کا سلام”۔ اب نہ وہ دیکھتی آنکھیں رہیں اور نہ ہی وہ سنتے کان رہے۔ طارق عزیز صاحب رخصت ہوگئے-


ہمایوں سعید نے تعزیتی پیغام میں لکھا کہ طارق عزیز صاحب ایک سچے لیجنڈ اور قوم کی شبیہہ تھے۔ انکی روح کو سکون ملے آمین-

یاد رہے کہ آج صبح ماضی کے معروف اور لیجنڈری اداکار و میزبان کمپئیر اور سیاستدان طارق عزیز کا انتقال ہو گیا تھا ان کا نماز جنازہ گارڈن ٹاؤن میں بعد نماز عصر ادا کیا جائے گا-

طارق عزیز شو بز اور ادب کی دنیا کا لیجنڈ بقلم:محمد نعیم شہزاد

"یوں لگتا ہے جیسے وقت تھم گیا ہو” چند گھنٹے قبل ٹویٹ کرنے والے طارق عزیز کیلئے وقت تھم گیا از طہ منیب

ماضی کے معرف کمپئیر طارق عزیز انتقال کر گئے

ٹیگز:
Shares:

مزید خبریں