بجلی کے بلوں میں سرچارجز کے علاوہ بھی متعدد ٹیکسز وصولی کا انکشاف
تمام صارفین سے 18فیصد جنرل سیلز ٹیکس وصول کیا جا رہا ہے
اسلام آباد: بجلی کے بلوں میں سرچارجز کے علاوہ 8 قسم کے ٹیکسز وصولی کا انکشاف ہوا ہے۔
باغی ٹی وی: رپورٹ کے مطابق 8 قسم کے ٹیکسز فیول پراس ایڈ جسٹمنٹ ، سہ ماہی ایڈجسٹمنٹس اور دیگر سرچارجز ٹیکسز کے علاوہ صارفین سے وصول کئے جاتے ہیں جن میں تمام صارفین سے 18فیصد جنرل سیلز ٹیکس وصول کیا جا رہا ہے،کمرشل وصنعتی صارفین 19 سے 20 ہزار روپے کے بل پر10 فیصد انکم ٹیکس دیتے ہیں۔
اسی طرح نان فائلرگھریلو صارفین 25 ہزارروپے سے زائد بل پر 7.5 فی صد ایڈوانس انکم ٹیکس دیتے ہیں، کمر شل وصنعتی غیر فعال صارفین پر5 سے 7 فیصد اضافی سیلز ٹیکس بھی لگایا جاتا ہے کمرشل صارفین20 ہزارسے زائد بل پر 7.5 فیصدریٹیلرز سیلز ٹیکس ادا کرتے ہیں۔