Home›بین الاقوامی›تحقیقات میں ایسا کوئی ثبوت نہیں ملا جسکی بنیاد پر کہا جاسکے کہ سوشانت سنگھ کو قتل کیا گیا ہے سی بی آئی

تحقیقات میں ایسا کوئی ثبوت نہیں ملا جسکی بنیاد پر کہا جاسکے کہ سوشانت سنگھ کو قتل کیا گیا ہے سی بی آئی

عائشہ ذوالفقار

ستمبر 1, 2020

بالی وڈ کے 34 سالہ آنجہانی اداکار سوشانت سنگھ راجپوت کی پراسرار موت کے حوالے سے سی بی آئی کی جانب سے ایک اور پیش رفت سامنے آئی ہے۔

باغی ٹی وی : بھارتی میڈیا رپورٹ کے مطابق سوشانت سنگھ راجپوت کے کیس کی تحقیقات کرنے والے سی بی آئی کے افسران نے بھارتی میڈیا واضح طور پر بتایا ہے کہ اب تک ہونے والی تمام تحقیقات میں انہیں ایسا کوئی ثبوت نہیں ملا ہے جس کی بنیاد پر یہ کہا جاسکے کہ سوشانت سنگھ راجپوت کو قتل کیا گیا ہے۔

سی بی آئی افسران کا مزید کہنا ہے کہ اس حوالے سے تحقیقات اب بھی جاری ہے اورسی بی آئی نے خودکشی کے زاویئے پر اپنی توجہ مرکوز کررکھی ہے اور وہ یہ جانچ رہے ہیں کہ کیا یہ کیس خودکشی کی ترغیب دینے پر مبنی تو نہیں ہے۔

اس سے قبل ہسپتال کے ایک اسٹاف ممبر نے بھارتی میڈیا کو باتایا تھا کہ ریا چکربورتی اسپتال آئیں تھیں ریا اور اُن کے ساتھ موجود ایک اور شخص نے مجھے سوشانت کی باڈی دکھانے کو کہا ریا نے سوشانت کی باڈی دیکھی اور اُن سے معافی مانگی تھی۔

اسٹاف ممبر نے مزید بتایا کہ اُنہیں یہ خودکشی نہیں بلکہ قتل لگتا ہے کیونکہ سوشانت کےگلے پر 15 سے20 سوئی کے نشان تھے اس کے علاوہ اُن کے گلے پر ایک سیلو ٹیپ کا ٹکڑا بھی چپکا ہوا تھا۔

انہوں نے کہا کہ نہ صرف وہ بلکہ کوپر اسپتال کے بڑے بڑے ڈاکٹرز بھی یہی بات کررہے ہیں کہ یہ خودکشی نہیں بلکہ قتل ہے انہوں نے مزید بتایا تھا کہ سوشانت کی باڈی پر گلے کے علاوہ بھی کئی جگہ پر نشان موجود تھے اس کے علاوہ اُن کے پاؤں کے تلوؤں پر بھی سوئیاں چبھانے والے نشان تھے۔

واضح رہے کہ بالی وڈ کے نوجوان اداکار سوشانت سنگھ راجپوت نے رواں ماہ 14 جون کو ممبئی کے علاقہ باندرہ میں اپنی رہائش گاہ پر خود کُشی کر کے اپنی زندگی کا خاتمہ کر لیا تھا۔خود کشی کی وجہ اداکار کو ذہنی ڈپریشن میں مبتلا قراردیا تھا تاہم اداکار کی موت کی تحقیقات تو ابھی تک جاری ہے لیکن اب تک خودکشی کرنے کی کوئی اور وجہ سامنے نہیں آئی اور اب اُن کی خودکشی کی وجوہات جاننے کے لیے بھارت کی مرکزی تفتیشی ایجنسی سینٹرل بیورو انویسٹی گیشن (سی بی آئی) اس معاملے کی تفتیش کر رہی ہے۔