لندن میں کورونا وائرس کے ویرینٹ اومی کرون کے پیش نظر ٹین ڈاؤننگ اسٹریٹ نے کرسمس پارٹی منسوخ کردی۔
باغی ٹی وی :برطانوی وزیر اعظم بورس جانسن کے ترجمان کا کہنا ہے کہ اس سال برطانوی وزیر اعظم کے ڈاؤننگ اسٹریٹ آفس میں کرسمس پارٹی کا کوئی منصوبہ نہیں ہے کیونکہ حکومت کورونا کے پھیلاؤ سے نمٹنے پر توجہ مرکوز کیے ہوئے ہے۔
16 اور 17 سال کی عمر کے لوگوں کے لیے فائزر کووڈ بوسٹر کی اجازت دے دی گئی
برطانوی ہیلتھ سیکورٹی ایجنسی نے خبردار کیا ہے کہ اومی کرون پھیلنے کی موجودہ شرح برقرار رہی تو رواں ماہ کے آخر تک 10 لاکھ سے زائد افراد ویرینٹ سے متاثر ہوسکتے ہیں برطانوی ہیلتھ سیکورٹی ایجنسی کے مطابق اومی کرون کے خلاف کورونا ویکسین کی تیسری ڈوز 75 فیصد تک مؤثر ہے۔
اس سےقبل برطانوی وزیر اعظم بورس جانسن نے رواں ہفتے ہی بڑھتے اومی کرون کیسز کے باعث ملک میں پلان بی کے نفاذ کا اعلان کیا تھا۔ انہوں نے کہا تھا کہ برطانیہ میں اومی کرون کیسز رپورٹ ہونے والے کیسز سے کہیں زیادہ ہے اس لیے پرانی پابندیوں کو دوبارہ نافذ کیا جار ہا ہے۔
بل گیٹس کی کورونا وبا سے متعلق نئی پیشگوئی
پابندیوں کا اعلان کرتے ہوئے انہوں نے ماسک کے استعمال کو لازمی قراردیا تھا۔ جبکہ نائٹ کلبز اور رش والی جگہوں پر جانے کے لیے کوویڈ پاس دکھانا لازمی ہو گا۔ ورکرز کےلیے گھر سے کام کرنے کی آپشن بھی دوبارہ سے لاگو کر دی گئی ہے۔