تھائی لینڈ میں پھنسے پاکستانی فنکاروں کی اپنی ٹیم کے ہمراہ آج وطن واپسی
پاکستان کے نامور اداکار محب مرزا، صنم سعید، سارہ لورین اور شمعون عباسی گزشتہ 2 ہفتوں سے اپنی ٹیم کے ہمراہ کورونا وائرس کے باعث تھائی لینڈ میں پھنسے ہوئے ہیں اور اب آخر کارحکومت نے ان لوگوں کی سُن لی ہے اور یہ لوگ ملک واپس آنے کے لیے تیار ہیں
باغی ٹی وی : پاکستان کے نامور اداکار محب مرزا، صنم سعید، سارہ لورین اور شمعون عباسی گزشتہ 2 ہفتوں سے اپنی ٹیم کے ہمراہ تھائی لینڈ میں پھنسے ہوئے ہیں یہ تمام اداکار اپنی ٹیم کے ہمراہ تھائی لینڈ میں فلم عشرت میڈ ان چائنا کی شوٹنگ میں مصروف تھے تاہم کورونا وائرس کے باعث کئی ممالک میں لگے لاک ڈاؤن اور پروازیں معطل ہونے کے بعد یہ پاکستان واپس نہیں آپائے
لہذا اب تھائی لینڈ میں دیگر اداکاروں کے ساتھ پھنسے شمعون عباسی نے اپنے سماجی رابطے کی ویب سائٹ ٹوئٹر اپنے اکاؤنٹ پراپنی ٹیم کی وطن واپسی کے حوالے ایک بین الاقوامی میڈیا کی خبر شیئر کی
Pakistani film crew stranded in Thailand due to corona virus finally making their way home https://t.co/ng1hY0mv47
— Shamoon Abbasi (@shamoonAbbasi) April 13, 2020
اداکار نے نے ٹوئٹر پر یہ خبر شیئر کرتے ہوئے لکھا کہ کورونا وائرس کی وجہ سے تھائی لینڈ میں پھنسے پاکستانی فلم انڈسٹری کا عملہ آخر کار وطن واپس آرہے ہیں
دوسری جانب اس خبر کا اعلان اداکارہ سارہ لورین نے بھی اپنے ٹویٹر اکؤنٹ پر کیا
Finally some light in these tough times .Thank you to the Pakistani authorities.just been informed that we will be flying back to our homes tomorrow .( Tuesday 14th April 2020) @ImranKhanPTI @PTIofficial
— Mona Liza (@saraloren101) April 13, 2020
انہوں نے لکھا کہ آخر کار اس مشکل وقت میں ہمیں ایک امید کی روشنی نظر آئی ہے
سارہ لورین نے پاکستانی حکام کا شکریہ ادا کرتے ہوئے لکھا کہ پاکستانی حکام کا بہت شکریہ جنکی جانب سے ہمیں اطلاع دی گئی ہے کہ ہمیں 14 اپریل منگل کے روز ایک خصوصی پرواز کے ذریعے وطن واپس لایا جائے گا
واضح رہے کہ اداکار محب مرزا اور شمعون عباسی نے حکومت سے اپیل کی تھی کہ انہیں تھائی لینڈ سے فوری پاکستان واپس لایا جائے کیوں کہ ان کے پاس اتنے وسائل موجود نہیں کہ وہاں مزید دن گزارے جاسکیں