پشاور:اختیار ولی نے اپنی پارٹی قیادت سے ناراضگی کا اظہار کیا ہے۔ ن لیگ کے پی کے مخلص ساتھیوں کے ساتھ ہاتھ ہونا شروع ہوگیا:بغاوت بھی شروع،اطلاعات کے مطابق صورت حال بہت خراب نظرآرہی ہے اور مخلص کارکنان نے پارٹی قیادت کی جابرانہ پالیسی کے خلاف نفرت کا اظہارکیا ہے
تفصیلات کے مطابق پاکستان مسلم لیگ ن خیبر پختونخوا کے ترجمان اختیار ولی نے اپنی پارٹی قیادت سے ناراضگی کا اظہار کرتے ہوئے کہا ہے کہ ن لیگ کی تاریخ میں ہے کہ اپوزیشن میں لڑنے مرنے والوں کو بیک بینچر بنا دیا جاتا ہے اور بعد میں دروازے بند کر کے باہر کردیا جاتا ہے۔
مسلم لیگ ن کا واحد المیہ یہ ہے کہ اپوزیشن میں لڑنے مرنے والوں کو سب سے پہلے بیک بینچرز بنادیا جاتا ہے اور بعد میں دروازے سے باہر کردیا جاتا ہے۔ قیادت کو ایک خاص طبقہ اپنے حصار میں رکھتا ہے انہیں خبر بھی نہی ہوتی کہ کس کے گلے پر کس نے کہاں چھری پھیر دی۔
امید ہے اب ایسا نہی ہوگا۔— Ikhtiar Wali (@ikhtiarwali) April 15, 2022
انہوں نے کہا کہ پارٹی قیادت کو ایک خاص طبقہ اپنے حصار میں رکھتا ہے، قیادت کو پتہ نہیں چلتا کے کس نے کس کے گلے پر چھُری پیری ہے، امید کرتا ہوں اس بار ایسا نہیں ہوگا۔
دوسری طرف یہ بھی اطلاعات ہیں کہ ن لیگ کے پی کے پُرانے اورمخلص ساتھیون نے پارٹی قیادت کے رویے کے خلاف سخت غصے کا اظہارکرتے ہوئے کہا ہے کہ اگرپارٹی نے ہوش کے ناخن نہ لیے توپھرہمارا ردعمل بہت سخت ہوگا ، یہ بھی سُننے میں آرہا ہے کہ ابھی تک ن لیگ کی قیادت نے کسی پُرانے کارکن کی کسی بات پرتوجہ نہیں دی اور نہ ہے اسے اہمیت دی ہے ، جس کا آنے والے دنوں میں سخت ردعمل ہوسکتا ہے
