وزیراعظم کواچھی اطلاع دے دی گئی

اسلام آاباد :وزیراعظم کواچھی اطلاع دے دی گئی ،اطلاعات کے مطابق شوگر ملز ایسوسی ایشن نے وزیراعظم کو چینی کی جلد پروڈکشن کی یقین دہانی کرادی
وزیر اعظم عمران خان نے کہا ہے کہ حکومت اپنا کام کرے گی شوگرانڈسڑی اپنا کام کرے۔

بعض ذمہ دار ذرائع نے دعویٰ کیا ہے کہ کسی نے عمران خان کواچھا مشوریہ دیا اور انہوں نے تصادم کی بجائے مفاہمت کا راستہ اختیار کیا ہے ،یہ بھی معلوم ہوا ہے کہ عمران خان سے ملاقات میں شوگر ملز ایسوسی ایشن نے 20 نومبر سے پہلے چینی کی پروڈکشن شروع کرنے کا یقین دلادیا۔

ایسوسی ایشن کے چیئرمین ذکا اشرف نے بتایا کہ حکومت اور شوگر انڈسٹری کے تمام معاملات حل ہوگئے ہیں، وزیراعظم کو ملک میں چینی کی قیمتوں میں استحکام کے لیے مل کر کام کرنے کا کہا، حکومت سے شکوہ تھا جو دور ہو گیا۔

ایسوسی ایشن کے چیئرمین ذکا اشرف نے کہا کہ حالات نارمل ہو جائیں گے، چینی کی قیمت کاتعین مارکیٹ فورسز کریں گی، گنےکے نرخ مقرر کرنا صوبوں کا اختیار ہے۔

خیال رہے کہ ملک بھر میں چینی کا بحران پیدا ہوگیا تھا جس کی وجہ سے گزشتہ دنوں فی کلو قیمت 160 روپے تک جاپہنچی تھی۔