+9251
مراکش کے وسطی صوبے ازیلال میں اتوار کے روز پیش آنے والے بدترین سڑک حادثے میں 24 افراد ہلاک ہو گئے ہیں جبکہ مسافروں کو ہفتہ وار بازار لے جانے والی ایک منی بس قصبہ دمنات میں واقع ایک موڑ پر الٹ گئی اور اس حادثے کی تحقیقات شروع کردی گئی ہے، مراکش اور شمالی افریقہ میں واقع دیگر ممالک کی سڑکوں پر اکثر مہلک حادثات پیش آتے رہتے ہیں اور اس خطے میں سالانہ ہزاروں افراد سڑک حادثات کی نذر ہوجاتے ہیں۔
مراکشی اخبار کے مطابق مارچ میں مراکش کے دیہی قصبے البراشوہ میں ایک منی بس ڈرائیور سے بے قابو ہوکر درخت سے ٹکرا گئی تھی جس کے نتیجے میں 11 افراد ہلاک ہو گئے، ان میں زیادہ تر زرعی مزدور تھے اور بہت سے غریب شہری دیہی علاقوں میں سفر کرنے کے لیے کوچ اور منی بسوں کا استعمال کرتے ہیں۔
جبکہ گذشتہ سال اگست میں مراکش کے اقتصادی دارالحکومت کاسابلانکا کے مشرق میں واقع ایک موڑ پر ایک بس الٹ گئی تھی جس سے 23 افراد ہلاک اور 36 زخمی ہو گئے تھے جبکہ نیشنل روڈ سیفٹی ایجنسی کے مطابق مراکش میں سالانہ اوسطاً 3500 افراد سڑک حادثات میں جانیں گنوا بیٹھتے ہیں اور 12000 افراد زخمی ہوتے ہیں۔گذشتہ سال حادثات میں مرنے والوں کی تعداد قریباً 3200 رہی تھی۔حکام نے 2026 تک سڑک حادثات میں اموات کی شرح کو نصف کرنے کا فیصلہ کیا ہے۔
19 جولائی کو ہمسایہ ملک الجزائر میں ایک مسافر بس اور ایندھن کے ڈبے لے جانے والے ٹرک کے درمیان تصادم کے نتیجے میں 34 افراد ہلاک ہو گئے تھے۔اس حادثے میں 12 افراد زخمی ہوئے تھے اور ان میں سے بعض بری طرح جھلس گئے تھے۔ اور لیبیا کی سڑکوں کا شمار دنیا کی مہلک ترین شاہراہوں میں ہوتا ہے۔لیبیا کی وزارت داخلہ کے ٹریفک ڈپارٹمنٹ کے مطابق 2018 میں ملک بھر میں 4115 سڑک حادثات ہوئے جن میں 2500 افراد ہلاک اور 3000 سے زیادہ زخمی ہوگئے تھے۔
مزید یہ بھی پڑھیں؛
ریلوے کیرج فیکٹری کو آؤٹ سورس کرنے کا منصوبہ
ایلون مسک کا ایک بار پھر مارک زکربرگ کیساتھ ایم ایم اے فائٹ کا عندیہ
طالبان نے لڑکیوں پر کلاس 3 سے آگے پڑھنے پر بھی پابندی عائد کردی
پی آئی اے کی لینڈنگ کی وجہ سے سالانہ 71 ارب کا نقصان ہو رہا ہے،اسحاق ڈار
ہمارے دو تین دن رہ گئے، ڈر تھا کہ کوئی حادثہ نہ ہو جائے اور ایسا ہی ہوا،سعد رفیق
جبکہ تُونس کے بدترین سڑک حادثات میں سے ایک 2019 میں پیش آیا تھا جب ایک بس کھائی میں گرنے سے 24 افراد ہلاک اور 18 زخمی ہو گئے تھے۔سرکاری اعداد و شمار کے مطابق 2020 میں عرب دنیا کے سب سے زیادہ آبادی والے ملک مصر کی سڑکوں پر قریباً 7,000 افراد اپنی جانوں سے ہاتھ دھو بیٹھے تھے۔ عالمی ادارہ صحت اور عالمی بینک کے مطابق سوڈان میں 2016 سے 2019 کے درمیان سڑک حادثات سالانہ 10 ہزار ہلاکتیں ریکارڈ کی گئی تھیں۔
