ٹوئٹر نے صارفین کو بڑی خوشخبری سنا دی

معروف مائیکرو بلاگنگ سائٹ ٹوئٹر کو بڑی تعداد میں لوگ، کاروباری حضرات، سیاستدان، فنکار اور دیگر شخصیات استعمال کرتے ہیں اگر یہ کہا جائے گا موجودہ وقت میں اپنا پیغام دوسروں تک پہنچانے کے کئے یہ پلیٹ فارم بڑا ذریعہ بن گیا ہے تو یہ غلط نہیں ہو گا-

باغی ٹی وی : ٹوئٹر پر صارفین کے لئے ایک بڑی پریشانی یہ ہے کہ وہ کچھ بھی پوسٹ کرتے ہوئے کوئی غلطی کر دیں تو اسے درست کرنے کے لیے صارفین کے پاس کوئی آپشن نہیں ہوتا ان کے پاس صرف اس ٹوئٹ کو ڈیلیٹ کرنے کا آپشن ہوتا ہے۔

لیکن اب صارفین کے پرزور مطالبے کے بعد ٹوئٹر پر ٹوئٹ کو اَن ڈو یعنی پوسٹ کرنے کے بعد اسے ایڈٹ کرنے کا فیچر شامل کیا جا رہا ہے۔

اس فیچر کے بعد جب صارف بٹن پر کلک کر دے گا تو اُس کا یہ ٹویٹ پبلش ہونے کے بجائے ڈرافٹ میں چلا جائے گا جس کو اپنی مرضی سے تبدیل کر کے دوبارہ ٹویٹ کیا جاسکے گا۔

Twitter is working on “Undo Send” timer for tweets pic.twitter.com/nS0kuijPK0

— Jane Manchun Wong (@wongmjane) March 5, 2021

ٹیکنالوجی پر نظر رکھنے والی خاتون صحافی نے چند روز قبل ایک ٹویٹ شیئر کر کے بتایا تھا کہ ٹویٹر انتظامیہ نے ایک نئے فیچر پر کام شروع کردیا ہے جس کو آزمائش کے بعد جلد متعارف کرایا جائے گا-

اس فیچر کے تحت صارفین کے پاس ٹوئٹ پوسٹ کرنے کے بعد 5 سیکنڈ کا وقت موجود ہو گا اور اگر وہ ان 5 سیکنڈز میں اپنی ٹوئٹ کو درست کرنا چاہتے ہیں تو وہ اسے ایڈٹ کرسکیں گے۔

ٹوئٹ ایڈٹ کرنے کا طریقہ:
ٹویٹ کرنے کے بعد صارف کے سامنے ایک بٹن ظاہر ہوگا جس پر کلک کرنے کے بعد پوسٹنگ رک جائے گی اور صارف اپنے ویٹ کو تبدیل کرسکے گا۔

دوسری جانب ٹویٹر کے ترجمان نے بھی تصدیق کرتے ہوئے بتایا کہ ابھی یہ فیچر تیاری اور آزمائشی مراحل میں ہے، جیسے ہی کام مکمل ہوجائے گا یہ سہولت تمام صارفین کو دستیاب ہوگی تاہم اس فیچر کی سہولت کب تک دنیا بھر کے صارفین کے لیے پیش ہو گی اس حوالے سے کسی تاریخ کا اعلان نہیں کیا گیا ہے۔