دوماہ کے بچے نے بول کردنیا کوحیران کردیا ، ویڈیو وائرل

نیویارک:دنیا میں دوماہ کے بچے نے بول کرسب کوحیران کردیا ، ویڈیو وائرل ،اطلاعات کے مطابق امریکا سے ایک حیران کن خبر آئی ہے جہاں پر دو ماہ کے بچے نے والدہ کے الفاظ دہرا دئیے جس کی ویڈیو وائرل ہوگئی۔

غیرملکی خبررساں ادارے کی رپورٹ کے مطابق امریکی ریاست نیویارک سے تعلق رکھنے والی خاتون کیسیا کیمرون نے اپنے دو ماہ کے بیٹے روان کو کہا کہ میں تم سے پیار کرتی ہوں، بچے نے یہی الفاظ دہرا کر والدہ سمیت دیکھنے والوں کو حیران کردیا۔

ویڈیو میں دیکھا جاسکتا ہے کہ ماں کی جانب سے میں تم سے پیار کرتی ہوں کہنے پر بچہ اپنی لڑ کھڑاتی زبان میں کہہ رہا ہے کہ میں ’آپ سے پیار کرتا ہوں۔‘

بچے کی والدہ کیسیا کیمرون بچے کی اس حرکت پر حیران رہ گئیں اور مسکرا دیں۔مذکورہ ویڈیو کو روان کی دادی لارا اسکیڈسن نے ٹک ٹاک پر شیئر کیا اور لکھا کہ ’ میرا پوتا باصلاحیت ہے۔‘ ویڈیو کو 10 لاکھ سے زائد افراد دیکھ چکے ہیں۔