یوکرین میں بھارتی طلبا کے ساتھ بدسلوکی،ویڈیو وائرل،مودی پر اپوزیشن کی تنقید

باغی ٹی وی کی رپورٹ کے مطابق روس کے یوکرین پر حملوں کے دوران ایک بھارتی طالب علم بھی ہلاک ہو گیا ہے

بھارتی حکام نے بھارتی طالب علم کی ہلاکت کی تصدیق کی ہے،بھارتی وزارت خارجہ کا کہنا ہے کہ یوکرین کے خارکیف میں ایک بھارتی طالب کی موت ہوئی ہے ،طالب علم حملوں کے دوران گولہ باری سے ہلاک ہوا، بھارتی وزارت خارجہ کا کہنا ہے کہ طالب علم کے اہلخانہ سے رابطے میں ہیں

روس کے یوکرین پر حملے کے بعد کئی ممالک کے شہری یوکرین میں پھنسے ہوئے ہیں ،پاکستان بھی اپنے شہریوں کو یوکرین سے نکال رہا ہے، بھارت کے بھی شہری یوکرین میں پھنسے ہوئے ہیں، ایسے میں جنگ کے دوران یوکرین میں بھارتی باشندوں نے مودی سرکار سے مدد مانگی ہے اور کہا ہے کہ انہیں فوری نکالا جائے انکی زندگیوں کو خطرہ ہے، یوکرین کے شہر خار کیف میں بنکر کے اندر پھنسے بھارتی طالب علم اسیوین حسین جس کا تعلق کیرالہ سے ہے نے خبر رساں ادارے سے بات کرتے ہوئے کہا کہ یوکرین کی صورتحال انتہائی خراب ہے انہیں خوراک اور ادویات بھی بڑی مشکل سے مل رہی ہیں کیونکہ مقامی لوگوں کو ترجیح دی جا رہی ہے یہاں بنکر میں درجہ حرارت اتنا نیچے چلا گیا ہے جیسے برف جم گئی ہو پچھلے 48 گھنٹوں میں ہمارے پاس روٹی کا صرف ایک ٹکڑا بچا ہے کھانے اور پانی کے لیے گھنٹوں انتظار کرنا پڑ رہا ہے یوکرین انتظامیہ کی جانب سے دی جا رہی مدد میں صرف یوکرین کے لوگوں پر توجہ دی جا رہی ہے

بھارتی طالب علم کا مزید کہنا تھا کہ یہاں کے حالات بہت خراب ہیں بنکر میں بہت رش ہے۔ ہمارے پاس چار پانچ بستروں کی چادریں تھیں ہم ریلوے ٹریک کے قریب اور پلیٹ فارم پر انہیں چادروں پر سو رہے ہیں ہماری جیکٹس خراب ہوگئی ہیں بہت سردی ہے سمجھ میں نہیں آرہا کہ آخر کیا کروں

یوکرین پر روسی فوج کے حملے کے بعد بھارتی طالب علم بے یارو مدد گار ہیں، بار بار ویڈیو پیغامات بھیج رہے ہیں لیکن مودی سرکار دعوے تو کر رہی ہے عملی طور پر کچھ نہیں کر رہی، گزشتہ روز کیف میں پھنسے طالب علموں کو انخلاء کے لیے ریلوے اسٹیشن پہنچنے کا حکم دیا گیا جہاں طالب علموں کے یوکرین سے انخلاء کے لیے خصوصی ٹرینیں موجود تھیں بی بی سی کی ایک رپورٹ میں بھارتی طالب علموں نے انخلاء کے وقت یوکرینی فورسز کی جانب سے کی جانے والی بدسلوکی اور تشدد کا انکشاف کیا رپورٹ کے مطابق متعدد طالب علموں کا کہنا ہے کہ انہیں پولینڈ کی سرحد پریوکرینی گارڈز کی جانب سے نہ صرف ہراساں کیا گیا بلکہ سلاخوں سے ان پر تشدد کیا اور بال کھینچ کھینچ کر انہیں سرحد عبور کرنے سے روکا گیا

یوکرین میں بھارتی طلبا کے پھنسے ہونے اور انکی جانب سے دہائیاں دینے پر بھارتی اپوزیشن جماعت کانگریس کے رہنما راہول گاندھی مودی سرکار پر برس پڑے ہیں، راہول نے ٹویٹر پر ایک ویڈیو شیئر کی ہے جس میں فوجیوں کو لوگوں کو گھسیٹتے اور مارتے پیٹتے دیکھا جاسکتا ہے راہول گاندھی نے طالب علموں پر ہونے والے تشدد پر افسوس کا اظہار کیا اور بھارتی حکومت سے جلد اپنے شہریوں کے یوکرین سے انخلاء کا بھی مطالبہ کیا

My heart goes out to the Indian students suffering such violence and their family watching these videos. No parent should go through this.

GOI must urgently share the detailed evacuation plan with those stranded as well as their families.

We can’t abandon our own people. pic.twitter.com/MVzOPWIm8D

— Rahul Gandhi (@RahulGandhi) February 28, 2022

دوسری جانب مودی سرکار کی کوشش ہے کہ طلبا کو جلد سے جلد نکالا جائے، یوکرین میں پاکستانی طلبا کی تعداد زیادہ ہے، یوکرین میں پھنسے بھارتی طلبا کے والدین ،عزیز و اقارب بھی پریشان ہیں، ساری صورتحال کو مدنظر رکھتے ہوئے مودی سرکار نے چار وزراء کو یوکرین کے سرحدی ممالک میں بھیجنے کا فیصلہ کیا ہے تا کہ طلبا کا محفوظ انخلا کیا جا سکے

علاوہ ازیں یوکرین میں بھارتی بھی پھنسے ہوئے ہیں، بھارت اپنے شہریوں کو نکال رہا ہے تا ہم اب خبر رساں ادارے کے مطابق بھارتی وزیراعظم مودی نے یوکرین سے شہریوں کو نکالنے کے لئے بھارتی فضائیہ سے مدد طلب کرنے کا فیصلہ کیا ہے، بھارتی وزیر اعظم نریندر مودی نے آپریشن گنگا کے تحت یوکرین سےبھارتی شہریوں کو محفوظ نکالنے کے لئے بھارتی ایئر فورس سے تعاون مانگا ہے، اور کہا ہے کہ ایئر فورس یقینی بنائے کہ تمام شہریوں کو نکالا جائے، اور انہیں امداد بھی دی جائے، بھارتی فضائیہ کی جانب سے آج ہی بھارتی شہریوں کو نکالنے کے لئے آپریشن شروع کئے جانے کا امکان ہے

قبل ازیں یوکرین میں چینی سفارت خانے کے مطابق، چین نے پیر کو یوکرین سے اپنے شہریوں کو نکالنا شروع کر دیا ہے، ایران نے بھی اپنے شہریوں کو نکالنا شروع کر دیا ہے، پولینڈ سے یوکرین میں مقیم ایرانی طلباء کو لے کر پہلا طیارہ آج منگل کی صبح امام خمینی ایئرپورٹ پہنچا ہے، یوکرین میں مقیم 100 طلبا اورایرانی شہریوں کو پولینڈ کے راستے وطن واپس لایا گیا ،ارنا کے مطابق وزارت خارجہ اور یوکرین اور پڑوسی ممالک میں ایرانی سفارتخانوں کی جانب سے ہم وطنوں کو کم سے کم مشکل کے ساتھ وطن واپس لانے کی بھرپور کوشش کی جا رہی ہے۔

ایرانی سپریم لیڈر آیت اللہ خامنائی کا کہنا ہے کہ امریکہ پر بھروسہ کرنے کی وجہ سے یوکرین جنگ کا شکار ہوا یوکرین امریکہ کے پیدا کردہ بحرانوں کا شکار بنا ،ثابت ہوگیا کہ امریکہ پر کبھی بھی بھروسہ نہیں کرنا چاہیے یوکرین تنازعہ کا حل مذاکرات کے ذریعے ہونا چاہیے،یوکرین کی صورتحال سے دو اہم سبق ملے،امریکہ اور یورپ پر بھروسہ کرنے والوں کو علم ہونا چاہیے کہ ان کی حمایت حقیقی نہیں،آج کا یوکرین کل کا افغانستان ہے

ممکن ہے آپ مجھے آخری بار زندہ دیکھ رہے ہوں،ہم آگ میں جھونکنے والا امریکہ مدد کو نہ آیا:یوکرینی صدرکا ویڈیو پیغام

امریکی صدر جوبائیڈن کا ہنگامی فیصلہ:یوکرین کوفوجی کمک دینے کےلیے 350 ملین ڈالرامداد کا اعلان

یورپ روس سے جنگ کرنے کےلیےتیار:سخت اقدامات،حالات تیسری عالمی جنگ کی طرف گامزن

روسی صدر پیوٹن نے یوکرین میں فوجی آپریشن کا حکم دے دیا-

:یوکرائن میں ایمرجنسی نافذ:سائرن بج گئے:شہریوں کو روس چھوڑنے کا حکم

برطانیہ آسٹریلیا اور جاپان نے روس پر پابندیاں عائد کرنے کا آغاز کردیا ہ

پوتن کوملک سے باہر روسی فوج کی تعیناتی:نیٹو کے جنگی طیارے سائرن بجانےلگے:پابندیاں بھی لگ گئیں‌

:روس جنگ کےلیے تیار:ولادی میرپوتن نے ملک سے باہر فوج استعمال کرنے کیلیے قانونی رائے مانگ لی

یوکرینی وزیردفاع کا فوجیوں کو روس سے جنگ کیلئے تیار رہنےکا حکم،

پانچ روسی طیارے، ایک ہیلی کاپٹر گرا دیا، یوکرینی وزارت دفاع کا دعویٰ

کون ہے جو ہمارا ساتھ دے؟ یوکرینی صدر کی دہائی

روس نے یوکرین کو بات چیت کی مشروط پیشکش کردی