لاس ویگاس: یوکرین کے صدر ولادیمیر زیلنسکی نے اتوار کو 64 ویں سالانہ گریمی ایوارڈز کی تقریب میں شرکت کی-
باغی ٹی وی : گریمی ایوارڈز کی لاس ویگاس میں منعقد کی گئی تقریب کے دوران بڑی اسکرین پر صدر ولادیمیر زیلنسکی کا ریکارڈ کیا ہوا ایک ویڈیو پیغام نشر کیا گیا صدر زیلنسکی نےاپنے اس ویڈیو پیغام میں یوکرین میں جاری جنگ کے موجودہ حالات کو بیان کیا اور اس جنگ کی وجہ سے پیدا ہونے والی خاموشی کو موسیقی کے ذریعےختم کرنے کے لیے تقریب میں موجود فنکاروں کی حوصلہ افزائی کی-
اُنہوں نےکہا کہ جنگ ہمیں یہ انتخاب نہیں کرنے دیتی کہ کون زندہ رہے گا اور کون ہلاک ہوجائے گا ہمارے موسیقار اپنے روایتی انداز میں نظر آنے کے بجائے حفاظتی لباس پہنتے ہیں اور وہ اسپتالوں میں زخمیوں کے لیے گاتے ہیں، یہاں تک کہ ان لوگوں کے لیےبھی گاتے ہیں جو انہیں سن بھی نہیں سکتے ہم اپنی آزادی کا دفاع کررہے ہیں، زندہ رہنے کے لیے اپنی سرزمین پر ہم روس سے لڑ رہے ہیں جس کی بمباری سےیہاں ایک خوفناک خاموشی طاری ہوگئی ہے۔
امریکا اوریورپی یونین کا روس پرمزید پابندیاں لگانے کا اعلان
یو کرینی صدر نے گریمی ایوارڈز کی تقریب سے اپیل کی کہاس خوفناک خاموشی کو اپنی موسیقی سے بھردیں ہماری کہانی سنانے کے لیے آج ہی اپنے سوشل نیٹ ورکس اور ٹی وی پر اس جنگ کے بارے میں سچ بتائیں، آپ جس طرح سے بھی دے سکتے ہیں ہمارا ساتھ دیں لیکن خاموش نہ رہیں-
یوکرین کے صدر کی تقریر کے بعد گلوکار جان لیجنڈ نے روس اور یوکرین کے درمیان جاری اس تنازعہ کے دوران یوکرین کی عوام کو خراج تحسین پیش کیا جس میں گلوکار جان لیجنڈ کا ساتھ یوکرینی موسیقاروں سیزانا ایگلیڈان، میکا نیوٹن اور شاعر لیوبا نے دیا۔
