عمر شریف کی نماز جنازہ ادا کردی گئی –
باغی ٹی وی : عمر شریف کی میت کو ایدھی سردخانے سے گلشن اقبال میں واقع ان کی رہائش گاہ پر لایا گیا جہاں سکیورٹی کے سخت انتظامات کیے گئے تھے، علاقہ پولیس کی نفری اور ٹریفک پولیس اہلکاروں کو تعینات کیا گیا۔
عمر شریف کی نماز جنازہ کلفٹن میں واقع عمر شریف پارک میں ادا کردی گئی جس میں بڑی تعداد میں عوام نے شرکت کی۔
عمر شریف کی نماز جنازہ جرمنی میں ادا کر دی گئی
پولیس کے مطابق جنازے کی سکیورٹی کے لیے دو ڈی ایس پیز کی سربراہی میں 200 سے زائد اہلکار تعینات کیے گئے، پارک کے مین گیٹ پر واک تھرو گیٹ نصب کیے گئے جب کہ پارک میں جنریٹر اوراسپیکر لگائے گئے اس کے علاوہ عمر شریف پارک میں بم ڈسپوزل اسکواڈ کی جانب سے سرچنگ بھی کی گئی۔
نماز جنازہ کی ادائیگی کے بعد میت کو عبداللّہ شاہ غازی مزارکے احاطے میں تدفین کر دی گئی-
عمر شریف کی میت پاکستان پہنچ گئی نماز جنازہ سہ پہر تین بجے ادا کی جائے گی
واضح رہے کہ عمر شریف کا جسد خاکی آج صبح 5 بج کر 35 منٹ پرترکش کراچی پہنچا عمر شریف مرحوم کی میت کو ترکش ایئرلائن کی پرواز TK708 سے لایا گیا ہے عمر شریف کی فیملی میت وصول کرنے ایئرپورٹ پہنچی ترکش ایئرلائن کی پرواز TK708 نےاپنے مقررہ وقت سے دس منٹ پہلے کراچی ایئر پورٹ پر لینڈ کیا۔ پرواز کا کراچی ایئر پورٹ پر لینڈنگ کا مقررہ وقت صبح 45-05 تھا جب کہ پرواز نے صبح 35-05 پر کراچی جناح انٹر نیشنل ایئر پورٹ پر لینڈ کیا۔
عمر شریف کی میت بدھ کی صبح پاکستان پہنچے گی
عمر شریف کی بیوہ زرین غزل بھی میت کے ہمراہ کراچی پہنچیں کراچی پہنچنے کے بعد عمر شریف کی میت ائیر پورٹ کارگو ٹرمینل سے ان کے بیٹوں کے حوالے کردی گئی جس کےبعد میت کو کراچی کے ایدھی سرد خانے منتقل کیا گیا۔
عمر شریف ی میت کو قومی پرچم میں لپیٹا گیا میت لے جانے والی ایمبولینس پر پھولوں کی پتیاں نچھاور کی گئیں جب کہ میت کی سرد خانے روانگی کے دوران قافلے میں عزیز و اقارب، مداحوں اور شہریوں کی بڑی تعداد شریک تھی۔
