یونیورسٹی کی زمین پر بہارہ کہو بائی پاس کی تعمیر،سماعت ملتوی
قائداعظم یونیورسٹی کی زمین پر بہارہ کہو بائی پاس کی تعمیر کے خلاف کیس کی سماعت ہوئی
یونیورسٹی پروفیسرز کی سنگل بنچ کے فیصلے کے خلاف اپیل پر سماعت ہوئی، عدالت نے کہا کہ سنگل بنچ کا تفصیلی فیصلہ آجائے پھر کیس سنیں گے، اسلام آباد ہائیکورٹ نے عدالتی چھٹیوں کے بعد کیس سماعت کے لیے مقرر کرنے کی ہدایت کردی، عدالت نے کہا کہ سنگل بنچ کا مختصر فیصلہ آیا، تفصیلی فیصلہ ابھی آنا باقی ہے، ہم کیسے فیصلہ کریں کہ کن وجوہات کی بنا پر سنگل بنچ کا فیصلہ درست نہیں؟ تفصیلی فیصلے میں وجوہات کا ذکر آجائے پھر یہ کیس سن لیں گے، وکیل کاشف ملک نے کہا کہ عدالتی حکم امتناع ختم ہونے کے بعد منصوبے پر دوبارہ کام شروع ہو چکا ہے، عدالت نے یونیورسٹی پروفیسرز کے وکیل کاشف ملک سے استفسار کیا کہ آپ کیسے متاثرہ فریق ہیں؟
وکیل نے کہا کہ ہم فیکلٹی ممبرز ہیں مفاد عامہ میں یہ معاملہ عدالت کے سامنے لائے ہیں ،عدالت نے استفسار کیا کہ یونیورسٹی کے اندر کیا کچھ بن رہا ہے؟ کیا سڑک کوئی بلڈنگ توڑ کر بنا رہے ہیں؟ وکیل نے کہا کہ انہوں نے دیوار توڑ کر کام شروع کیا سینڈیکیٹ ممبرز کی اجازت بھی نہیں تھی، عدالت نے ریمارکس دیتے ہوئے کہا کہ یونیورسٹی تو متاثرہ فریق ہو سکتی ہے پروفیسرز کیسے متاثرہ فریق ہیں؟ وکیل نے کہا کہ یونیورسٹی نے بھی پٹیشن فائل کی تھی، عدالت نے ریمارکس دیتے ہوئے کہا کہ وہ معاملہ ابھی ہمارے سامنے نہیں، ہو سکتا ہے یونیورسٹی سنگل بنچ کے فیصلے سے مطمئن ہو، عدالت نے استفسار کیا کہ کیا انجینئرنگ بلاک میں سے کوئی سڑک گزر رہی ہے؟ وجوہات آجانے دیں پھر کیس سنیں گے، عدالت نے کیس کی سماعت چھٹیوں کے بعد تک ملتوی کردی
وزیراعظم شہباز شریف نے بہارہ کہو بائی پاس منصوبے کا سنگِ بنیاد کی تقریب سے خطاب کرتے ہوئے کہنا تھا کہ اس منصوبے سے وفاقی دارالحکومت میں ٹریفک کا رش ختم ہوگا 5 اعشایہ 4 کلومیٹر طویل منصوبے کو 4 ماہ کی ریکارڈ مدت میں مکمل کرنے کا ہدف ہے، بھارہ کہو بائی پاس منصوبے کا ٹھیکہ شفاف بولی کے ذریعے دیا گیا اور کمپنی کو منصوبے کی کوالٹی انتہائی معیاری رکھنے کا کہا گیا ہے منصوبہ تیار کرنے والی کمپنی کو ہدایت دی گئی ہے کہ وہ اس منصوبے کو 3 ماہ میں مکمل کرے ایسے منصوبے 3 ماہ کے بجائے ڈیڑھ ماہ میں بھی مکمل ہو جایا کرتے ہیں
دو کمسن لڑکیوں کو برہنہ کر کے گھمانے والے کیس میں اہم پیشرفت
ماموں کی بیٹی کے ساتھ گھناؤنا کام کرنیوالا گرفتار
پانی پینے کے بہانے گھر میں گھس کر لڑکی سے گھناؤنا کام کرنیوالا ملزم گرفتار
زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار
