سونے کی قیمت میں تیسرے روز بھی کمی

سونے کی قیمت میں مسلسل تیسرے دن بھی کمی ہو گئی۔

 عالمی بلین مارکیٹ میں فی اونس سونے کی قیمت 18 ڈالر کمی کے بعد 4314 ڈالر کی سطح پر آ گئی ہے،جس کے بعد آل پاکستان جیمز اینڈ جیولرز صرافہ ایسوسی ایشن کے مطابق مقامی صرافہ بازاروں میں فی تولہ سونے کی قیمت میں مزید 1800 روپے کمی ہوئی ہے۔ قیمت میں مسلسل کمی کے بعد فی تولہ سونا 4 لاکھ 53 ہزار 936 روپے کی سطح پر آ گیا،اسی طرح 10 گرام سونے کی قیمت 1544 روپے کمی کے بعد 3 لاکھ 89 ہزار 176 روپے ہوگئی ہے،گزشتہ روز سونے کے نرخ میں 1800 روپے فی تولہ کمی ہوئی تھی ، تین دن کے دوران سونا 6300 روپے سستا ہو گیا ہے۔

صرافہ ایسوسی ایشن کے اعداد و شمار کے مطابق ملک میں فی تولہ چاندی کی قیمت بھی 30 روپے کم ہوئی، جس کے بعد ایک تولہ چاندی 7008 روپے میں فروخت ہورہی ہے-