باغی رائیٹرز فورم کے اراکین کی شاعری، 28 ستمبر

کبھی جو سوچتی تھی میں

از قلم: مبراء عبدالقیوم

کبھی جو سوچتی تھی میں

کہ زندگی بس ایک خواب ہے،

جہاں ہر راستہ آسان ہوگا

اور ہر چہرہ بے حساب ہے۔

کبھی جو سوچتی تھی میں

کہ اپنوں کا ساتھ عمر بھر ہوگا،

نہ کوئی دور جائے گا مجھ سے،

نہ کوئی دل کبھی بے خبر ہوگا۔

کبھی جو سوچتی تھی میں

کہ لفظوں میں خوشیاں سجا لوں گی،

جو خواب آنکھوں میں پالے ہیں

انہیں حقیقت بنا لوں گی۔

مگر وقت نے آہستہ سے

میرے سب خواب بدل ڈالے،

کچھ اپنے مجھ سے دور ہوئے،

کچھ راستے خود ہی بدل ڈالے۔

اب زندگی کو جانا ہے میں نے،

یہ صرف خواہش کا نام نہیں،

کچھ پانے کے لیے کھونا پڑتا ہے،

ہر مسکراہٹ کے پیچھے آرام نہیں۔

اب جو سوچتی ہوں تو لگتا ہے،

جو تھا، وہ بھی کم خوبصورت نہ تھا،

جو چھن گیا، وہ سبق بن گیا،

اور جو بچا ہے… وہ بھی کم قیمتی نہیں۔

کبھی جو سوچتی تھی میں

وہ زندگی کچھ اور تھی،

اب جو سمجھتی ہوں اسے،

وہ شاید پہلے سے بہتر ہے۔

کہ خواب اگر ٹوٹ بھی جائیں

تو آنکھیں خالی نہیں ہوتیں،

کچھ دعائیں دیر سے ملتی ہیں،

مگر بے معنی نہیں ہوتیں۔

اور اب میں نے سیکھ لیا ہے

کہ ہر خواہش کا پورا ہونا ضروری نہیں،

کبھی رب کا روک لینا بھی

کسی نعمت سے کم نہیں۔

..................................

آنکھوں میں ماہِ تاب فروزاں کیے ہوے

مدت ہوئی وہ شوخ بہ داماں کیے ہوئے

کتنے حسیں ستارے چمکتے تھے کل یہاں

دنیا خیال کی تھے چراغاں کیے ہوے

اب یاد کے جزیروں میں پھرتے ہیں سرگراں

برباد زندگی کا گلستاں کیے ہوے

اک روز سامنا جو ہوا گل عذار کا

اُس روز سے ہیں چاک گریباں کیے ہوے

آتش درونِ قلب زبس شعلہ زن رہے

اعضا تمام راکھ کا گلداں کیے ہوے

یا رب دلِ خراب پہ اب رحم کیجیے

عرصہ ہوا ہے بیعتِ عصیاں کیے ہوے

بلبل نزار بیٹھی تھی اک شاخ پر کہیں

سینہ وفورِ جوش سے لرزاں کیے ہوے

سننے لگا میں اس کو بڑے انہماک سے

دل کے سبھی چراغ نمایاں کیے ہوے

گرہیں تمام قلب کی کھلتی چلی گئیں

یادوں کا دشتِ جاں میں چراغاں کیے ہوے

سورج اُتر رہا تھا افق سے پرے کہیں

تاریک سب جہانِ درخشاں کیے ہوے

آمد بہار کی تھی کہ چنگیز خان تھا

تاراج باغ مثلِ زمستاں کیے ہوے

اک اژدہام کوچے میں اُس کے تھا ہر گھڑی

خواہش برائے شوخِ شبستاں کیے ہوے

صفدر ہمارے عہد کے بچوں کی خیر ہو

ان کی روش ہے سخت پریشاں کیے ہوے

صفدر بھٹی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل

ردا فاطمہ اعوان

کہاں ہجر والوں کو ہیں راس آتے

رُلانے چلے سے ہیں آتے یہ موسم

ملی ہم کو وصلِ سحر ہی نہیں ہے

عذابوں کی صورت ہیں چھاتے یہ موسم

ہر اک چیز ہنستی نظر آئے لیکن

ہماری ہی آنکھیں رُلاتے یہ موسم

کمی ایک انساں کی پوری نہ ہو جو

اسی کی کسک ہیں بڑھاتے یہ موسم

چھپائے ہیں ہم نے تو اپنے ہی گھاؤ

مگر یاد پھر سے جگاتے یہ موسم

ردا ہجرتوں کے جو مارے ہیں ہر سو

انہیں تو ہمیشہ ستاتے یہ موسم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرے بابا جان اور گاؤں کے نام۔

صنف: آزاد نظم

از قلم: سَیَّدْ آزادْ گِیلانِی

وہاں لوگوں نے سارے ہی درخت کاٹ ڈالے ہیں

میرے گاؤں کی کچی نالیاں بھی پختہ کر ڈالیں

سنا ہے کچھ دنوں سے وہاں بجلی بھی ہوتی ہے

میرے جیون سفر کو روشنی دیتا

وہ اک چہرہ

کچھ ایسے گم ہوا

کہ اب کبھی دکھنے نہیں والا

اکیلا چھوڑ کر مجھ کو

کبھی مڑنے نہیں والا

وہاں جاؤں تو ہر سُو مجھے وہ چہرہ ہی دکھتا ہے

میرے زخموں سے تازہ ہو کے میرا خون رستا ہے

میرے ہمدرد! واپس لوٹ جا، مجھ کو نہیں جانا

مجھے واپس نہیں جانا

بابا کے بنا اٰزَادْ کو گاؤں نہیں جانا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سید سلمان گیلانی کی یاد میں

۔

سائباں جیسا جو لگتا تھا مجھے تیرا وجود

ایسا میں پیکر ایثار کہاں سے لاؤں

آسماں جیسا سجائیں جو تیری تربت کو

میں وہ تاروں کے حسیں ھار کہاں سے لاؤں

تو کے کردار میں گفتار میں یکتا ھی رھا

تیرا لہجہ تیرے افکار کہاں سے لاؤں

تیرے پاکیزہ سخن سے جو سدا آتی رھی

اپنے لفظوں میں وہ مہکار کہاں سے لاؤں

تو پیمبر کی محبت میں ہوا خلد مکیں

تیرے جیسا میں وفادار کہاں سے لاؤں

زبیر احمد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شاعرہ: شمسہ رانی

غزل

جب اہل درد کے چہروں پہ اضطراب دیکھا

میں نے ہنستے ہوئے موسم میں بھی عذاب دیکھا

کسی کے ہاتھ میں روٹی نہ سر پہ چھت کوئی

کسی کی انکھ میں خوابوں کو بے حجاب دیکھا

کسی کے گھر میں فقیری کا راج تھا لیکن

کسی کے محل میں بھی دل کو اداس دیکھا

کسی کے ننھے لبوں پر سکوت بھوک تھا طاری

کسی کے گھر میں مصیبت کا ایک سیلاب دیکھا

کسی کے جسم پہ بیماریوں کے پہرے تھے

کسی کے دل میں تمناؤں کو سراب دیکھا

مگر یہ راز بھی وقت سفر کھلا مجھ پر

خزاں کے بعد ہی گلشن کو پھر شاداب دیکھا

غموں کی دھوپ میں جل کر ہی ادمی نے یہاں

وفا کے چہرے کو روشن بے حساب دیکھا

جو درد خلق میں رویا وہی سمجھ پایا

خدا کے قرب کا راستہ بھی لاجواب دیکھا

دعا ہے ہر دل غمگین کو کچھ سکون مل جائے

ہر ایک انکھ میں خوشیوں کا ایک گلاب دیکھا

شمسہ جس نے بھی انسان کے دکھ کو محسوس کیا

اسی کے دل میں خدا کا نیا نصاب دیکھا۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عنوان۔۔ننھی جھلسی روحیں پوچھتی ہیں

(سانحہ پمز ہاسپٹل)

صنف۔آزاد نظم۔

شاعرہ ۔کنیز سسیلیا منظور

معصوم چیخیں گونجتی رہیں

کلیاں راکھ ہوتی رہیں

بےبس بدن تڑپتے رہے

اگ سے جھلستےرہے

کہاں تھے مسیحا ہمارے ؟

کیوں شعلوں میں چھوڑ چلے گئے؟

دکھی انساں کی خدمت کے

کئے تھے دعوے وہ کیا ہوئے؟

اجڑیں گودیں کتنی ماوں کی

ہم کتنی ماوں کی دعائیں تھیں

نہ سنی گئی جو صدائیں تھیں

کیا گزری ہماری ماوں پہ

محروم کیا جنکی ٹھنڈی چھاؤں سے

کاش ماوں کی آہیں ننھی چیخیں

پہنچیں انصاف کے ایوانوں تک

وہاں بیٹھے گونگے بہرے ذمہ دار انسانوں تک

ظالمو! ہمارا قصور کیاتھا بتانا؟

ماں باپ کا غریب ہونا؟

سرکاری اسپتال میں پیدا ہونا؟

یا بے حس مسیحاوں کے ہتھے چڑھنا؟

نہ سنی گئیں ہماری کلکاریاں

ابھی اٹھائی جانی تھیں راج دلاریاں

کینوس جیون پہ کرنی تھیں گل کاریاں

کہاں ہے ماں سی ریاست؟

کب ہوگی ختم جبر کی سیاست؟

تمہارے ظلم کی اگ کھا گئ ننھی جانیں

کیا اب بھی نہ تم کو ظالم مانیں

کوئی شرم کوئ حیا باقی ہے کہ نہیں

کوئی مانتا خود کو پاپی ہے کہ نہیں

شکایت کریں گے خالق سےتمہاری

کر دے معاف وہ جہالت تمہاری

تاکہ پھر کسی ماں کی گود نہ یوں اجڑے

کوئی پھول نہ پھر یوں اگ میں نہ جھلسے۔

،،،،،،،،،،،،،،،،،،،،،،،،،،،،،،،،،،،،،،،،،،

غزل

حمزہ ارشد

فرض تو فرض ہے احسان نہ سمجھا جائے

روح اور قلب کو زندان نہ سمجھا جائے

ہم نے آنکھوں میں کئی خواب سجا رکھے ہیں

اشک کو موجِ پریشان نہ سمجھا جائے

کیسے ہم بھول گئے دردِ جدائی تیرا

عشق میں کچھ بھی تو آسان نہ سمجھا جائے

عمر بھر کے لیے رہنا ہے تمہارے دل میں

اپنے گھر پر مجھے مہمان نہ سمجھا جائے

یہ فضا کیسی مری نگری میں چلنے ہے لگی

کیسے انسان کو انسان نہ سمجھا جائے؟

میری خواہش بھی تقاضا بھی ہے تم پیار کرو

پیار کے سودے کو نقصان نہ سمجھا جائے

ابنِ آدم ہیں فقط یاد ہے اتنا ہم کو

ہم سے درویش کو سلطان نہ سمجھا جائے،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میں خود کو تباہ کر رہا ہوں مگر احساس کیوں نہیں

میں خود سے ہی دور جا رہا ہوں مگر احساس کیوں نہیں

یہ نصحیتیں یہ وعظ بدل نہ سکے مجھے

میں بکھرتا جارہا ہوں مگر احساس کیوں نہیں

زندگی کا سورج ڈوبنے کو ہے افق پہ

اندھیروں میں کھو رہا ہوں مگر احساس کیوں نہیں

خدا بھی پکار رہا ہے لوٹ آمیری طرف

میں سن کے بھی چپ ہوں مگر احساس کیوں نہیں

ادھر موت کھڑی ہے ادھر ہے زندگی کا سفر

میں دونوں کے بیچ کھڑا ہوں مگر احساس کیوں نہیں

(سید ضیغم حسن عابدی)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل

فراقِ یار نے لوٹا جمال کا موسم

نگل گیا مرے دل کو ملال کا موسم

ترانہ عشوہ گری کا ، نہ ساز اداؤں کا

گیا وہ حسن کے سُر اور تال کا موسم

کھلی جو آنکھ تو ہر سمت دھند پھیلی تھی

ملا فضا پہ مسلّط زوال کا موسم

نگاہِ شوق نے ہر زخم مسکرا کے سہا

تھا ہجر میں بھی عجب اک وصال کا موسم

وفا کے پھول بھی روندے گئے تکبّر سے

کسے دکھاؤں دلِ پائمال کا موسم

کھلے ہیں خواب مرے نیم وا دریچوں میں

ٹھہر گیا ہے پھر اس کے خیال کا موسم

لپٹ کے روئی ہیں تنہائیاں بہت مجھے سے

جو یاد آیا محبّت کی شال کا موسم

تھی اتنی تیز تر آندھی فراقِ یار کی آج

اجڑ گیا مرے دل کا کمال کا موسم

بچھڑ کے مجھ سے بہت خوش ہے  وہ اُدھر ، تو اِدھر

مجھے بھی آگیا راس اعتدال کو موسم

وہ کر کے شعلہ بیانی چلا گیا لیکن

تمام شہر میں دیکھا وبال کا موسم

جسے دعاؤں میں مانگا تھا عمر بھر طوبیٰ

دیا ہے اس نے ہی حزن و ملال کا موسم

یاسمین اختر طوبیٰ

(گوجرہ پاکستان)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مَیں ایسی آواز اٌٹھانے نکلا ہٌوں

نفرت کی دیوار گرانے نکلا ہٌوں

جو بچوں سے جنسی بھوک مٹاتے ہیں

اٌن کے جسم کو آگ لگانے نکلا ہٌوں

مفلس اور امیر کا یکساں فیصلہ ہو

ایسا اک قانون بنانے نکلا ہٌوں

خاکی ہو کر جو بھی نور سے لڑتا ہے

دنیا سے وہ نام مٹانے نکلا ہُوں

جن ہاتھوں نے پیار کی مالا تھامی ہے

ان کو دار کے نیچے لانے نکلا ہٌوں

روٹھ کے جس نے خط بھی لکھنا چھوڑ دیا

اٌس ظالم کو پیار سکھانے نکلا ہٌوں

جو ناراش ہے جیون کی ہر کوشش سے

اٌس کو پُر اٌمید بنانے نکلا ہُوں

جس نے ساجد کے جذبے سنگسار کٸے

اٌس کی اینٹ سے اینٹ بجانے نکلا ہٌوں

پروفیسر سہیل ساجد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صنف: غزل

عنوان: داستان ہماری

از قلم: سائرہ علی

درد ہلکا ہے، مگر سانس بہت بھاری ہے،

تیرے بن جینے کی اک رسم سی جاری ہے!

تو نہیں، تو بھی ہر اک لمحہ، ہر اک ساعت—

تیرے خیالوں کے ساتھ ہی گزاری ہے!

رات بھر آنکھوں نے کتنے ہی چراغ جلائے،

پھر بھی دل پر تری جدائی کا غم بھاری ہے!

پھول تو آج بھی کھلتے ہیں چمن میں ویسے،

بس تری چاہت کی مہک سب سے پیاری ہے!

کل تلک جو بھی کہانی تھی، وہ بس تیری تھی،

آج جو باقی ہے، وہ داستان ہماری ہے!

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل

ندیم یعقوب گوہر

وہ اپنے گھر میں سکون سے، رہتے ہیں الگ الگ

ہم اس نگر میں جنوں سے، پاتے ہیں الگ الگ

​

وہ دور جا کے ملیں گے کیوں؟ کس لیے ملیں گے؟

جب ان کے دل کے قرینوں سے، جاتے ہیں الگ الگ

​

وہ یاد کر کے چلے گئے، لوٹ کر نہ آئے

وہ دل کے زخم نئے دے کر، آتے ہیں الگ الگ

​

یہی تو حال ہے وقت کا، کیا کہا تھا پہلے؟

تمام وعدے، یقین سے، رہتے ہیں الگ الگ

​

کہاں وہ ساتھ کی باتیں تھیں؟ وہ پیار و الفت

عجب ہے رنج، جبینوں سے، پاتے ہیں الگ الگ

​

ہر ایک لمحہ گزر گیا، اور ہم نہ سمجھے

وہ پل جو خواب نگینوں سے، جاتے ہیں الگ الگ

​

کبھی تو عشق ہمارا تھا، بس یہی تو دکھ ہے

وہ بات آج مشینوں سے، آتے ہیں الگ الگ

​

سفر بھی ختم نہیں ہوا، راستہ کہاں ہے؟

سو اپنے پاؤں زمینوں سے، رہتے ہیں الگ الگ

​

کوئی بھی ہمدم نہیں رہا، کون ساتھ دے گا؟

سبھی تو آج قرینوں سے، پاتے ہیں الگ الگ

​

یہ قسمتیں ہیں گوہر کی، کوئی بھی نہ سمجھے

یہاں پہ نام جبینوں سے، جاتے ہیں الگ الگ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

21 ستمبر " عالمی یوم امن"

" امن اور ادیب "

" امن کو ہم پھیلائیں گے"

جب دکھ کے بادل چھاتے ہیں

ہم سکھ کے دیپ جلاتے ہیں

جب درد بہت ہی بڑھ جائے

ہم درد مٹانے آتے ہیں

ہمدرد کوئی نہ ہو جس کا

ہم سہارا دینے آتے ہیں

آنسو تو سب ہی دیتے ہیں

ہم حوصلہ بن کر آتے ہیں

رشتہ گرچہ خوں کا نہیں

رگوں میں خون بن کر آتے ہیں

جہاں ضرورت ہو جس کو

ہم مسیحا بن کر آتے ہیں

طوفاں ہو یا آندھی چلے

ہم کشتی بن کر آتے ہیں

جب دم توڑ جائے ہر اُمید

ہم امید جگانے آتے ہیں

جن کے قدم رک جاتے ہیں

ہم اُن کو چلانے آتے ہیں

ہم خادم ہیں انسانوں کے

ہم خدمت کرنے آتے ہیں

مال و زر کی ہوس نہیں

انصاف کی شمع جلانے آتے ہیں

روتے ہوئے چہروں کے لئے

ہم ہنسی بن کر آتے ہیں

جب کوئی بھوکا سوتا ہے

ہم روٹی بن کر آتے ہیں

جب سرد ہوا میں لرزے کوئی

ہم گرم آغوش بن کر آتے ہیں

محروم ہوں جو تعلیم سے

ہم قلم کتاب بن کر آتے ہیں

جہالت کے اندھیروں میں

علم کا چراغ بن کر آتے ہیں

مذہب کی کوئی قید نہیں

ہم پیغام محبت بن کر آتے ہیں

ہر دل میں پیار محبت ہو

ہم پیار جگانے آتے ہیں

ظلمت کا اندھیرا ہو جہاں

ہم جگنو بن کر آتے ہیں

ماں باپ ہوں بے آسرا جہاں

ہم بیٹے بن کر آتے ہیں

نفرت کی آگ لگی ہو جہاں

ہم پانی بن کر آتے ہیں

آو مل کر عہد کریں

سب کے دکھ ہم بانٹیں گے

زخموں پر مرہم لگائیں گے

ہر دل کو اپنا بنائیں گے

دنیا میں امن پھیلائیں گے

فائزہ شہزاد( خیبر پختونخوا)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل

ڈاکٹر نازیہ ندیم

دل کی دنیا میں تری یاد کا منظر رہتا ہے

تو نہیں ہوتا مگر تیرا تذکر رہتا ہے

چاند تاروں سے تری بات کیا کرتا ہوں

رات بھر آنکھ میں اک خوابِ منور رہتا ہے

فاصلوں نے تو ہمیں اور قریب کر ڈالا

دل سے دل تک کوئی آباد سا بے در رہتا ہے

ہم نے چاہا ہے تجھے ٹوٹ کے دنیا سے الگ

پھر بھی لب پر تری الفت کا فسونگر رہتا ہے

وقت بدلتا ہے، بدل جاتے ہیں رشتے سارے

کچھ محبت کا مگر دل میں اثر رہتا ہے

تو اگر لوٹ کے آ جائے کبھی شام ڈھلے

تیرے رستے پہ سدا دیدۂ تر رہتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل

از قلم: ایس اے شازِم

زمانے سے تمہیں بچانا چاہتا ہوں

میں بس تمہیں اپنانا چاہتا ہوں

شبِ فرقت کا حال مت پوچھو ہم سے

اس آگ کو میں اب بجھانا چاہتا ہوں

کٹھن راہ گزر، تنہائی، لمبی مسافت

میں فاصلوں کو مٹانا چاہتا ہوں

میں اپنا سب کچھ بیچ کر بھی

فقط اک تمہیں کمانا چاہتا ہوں

طوالتِ عشق کا بھی اپنا مزہ ہے

تمہیں یہ مزہ میں چکھانا چاہتا ہوں

سیکھا یہی زیست سے ہم نے شازِم

تبسّم کی آڑ میں اشک چھپانا چاہتا ہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شاعرہ: سیدہ الماس فاطمہ

غزل

نہ کوئی خواب ہے، نہ کوئی آس ہے اب تو

ہمارے پاس بس اک تیری پیاس ہے اب تو

وہ دن بھی تھے کہ جب اک دُور کا تعلق تھا

یہ حال ہے کہ تُو ہی دل کے پاس ہے اب تو

ہوا کا جھونکا بھی چھو کر ہمیں گزرتا ہے

تو دل کو لگتا ہے کوئی اداس ہے اب تو

نہ جانے کون سے رستے پہ لے آئی یہ حیات

جہاں بھی جائیے بس اک ہراس ہے اب تو

خوشی کی بات بھی صمصام اب رُلاتی ہے

کہ غم کا ہر ایک لمحہ راس ہے اب تو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل...

تم ہو پیارے، مگر اب پیار سے ڈر لگتا ہے

پھر کسی شخص پہ اعتبار سے ڈر لگتا ہے

مدتوں بعد سنبھل پایا ہے یہ دل میرا

اب کسی خواب کے دیدار سے ڈر لگتا ہے

ہم نے کئی بار محبت کو بکھرتے دیکھا

اب کسی وعدہ و اقرار سے ڈر لگتا ہے

وہ جو اپنا تھا، وہی راہ میں چھوڑ گیا

اب کسی مونس و دلدار سے ڈر لگتا ہے

عشق آسان نہیں، دل کو خبر ہے اس کی

اس لیے جذبوں کے اظہار سے ڈر لگتا ہے

کون جانے کہ محبت میں کیا ہو جائے

اب کسی جھوٹے وفادار سے ڈر لگتا ہے

تم جو ساتھ رہو، خوف نہیں رہتا کوئی

پھر بھی دل کو ترے پیار سے ڈر لگتا ہے

سرمئی زلف کی چھاؤں میں رہا کرتا تھا

اب تو ہر سایۂ دیوار سے ڈر لگتا ہے

زخم بھر جائیں تو پھر درد ابھر آتا ہے

کسی یادِ دلِ آزار سے ڈر لگتا ہے

جو مخلص ہیں، وہ سر آنکھوں پر، لیکن

ہر ریاکار و مکار سے ڈر لگتا ہے

دل کی باتیں نہ آئیں گی لبوں تک، آزادؔ

مجھے ہر محرمِ اسرار سے ڈر لگتا ہے

سید آزاد گیلانی.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فغانِ بےحاصل

از قلم: سماویہ اعظم

بدنصیب لوگوں کی اک یہی نشانی ہے

سجدے جتنے کر لیں، ہاتھ کچھ نہیں آتا

مقدر کے فیصلوں سے بھلا کون ہے جیتا

کوشش جتنی کر لیں، ہاتھ کچھ نہیں آتا

تھی جس کی تمنا وہ صُبحِ نَو نہ آئی

خواب جتنے بُن لیں، ہاتھ کچھ نہیں آتا

وفا کے نام پہ کھائے ہیں کئی دھوکے

قسمیں جتنی کھا لیں، ہاتھ کچھ نہیں آتا

وقت گزرا تو سبھی رنگ ماند پڑ گئے

رنگ جتنے بھر لیں، ہاتھ کچھ نہیں آتا

کسی سے کیا کریں شکوہ حیات کا

سزا جتنی کاٹ لیں، ہاتھ کچھ نہیں آتا

مر جائیں گے اک دن اس قید میں ہم

آنسو جتنے بہا لیں، ہاتھ کچھ نہیں آتا

بجھا ہے یہ دل اندھیری شب میں

چراغ جتنے جلا لیں، ہاتھ کچھ نہیں آتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عنوان: میں ایک عورت ہوں

تحریر: سماویہ اعظم

میں ایک عورت ہوں

مگر میری تعریف

کسی لغت میں مکمل نہیں ملتی

میرے معنی ہمیشہ

کسی اور کے جملے میں

قید رہتے ہیں

میں ایک عورت ہوں

اور میری کہانی

کسی ایک دن کی نہیں

صدیوں کے سفر کی داستان ہے

میں ایک عورت ہوں

کبھی مجھے چار دیواری کے

اندر چپ رہنے کا ہنر سکھایا گیا

کبھی میری آنکھوں میں

خوابوں کی پوری کائنات آباد رہی

میں ایک عورت ہوں

میری کہانی صرف رشتوں

یا ذمہ داریوں کی محتاج نہیں

میں خود ایک کتاب ہوں

جو ہر صفحے پر

تاریخ کی دھندلی لکیروں میں

اپنے رنگ بھرتی ہے

میں ایک عورت ہوں

میں نے دیکھا ہے

ماں کی ہتھیلی پر

دن بھر کی تھکن

اور لب پر دعائیں

میں نے سنا ہے

بیٹی کے دل کی خاموش فریاد

بہن کی چھپی ہوئی آنکھوں کی گہرائی

اور اپنے ہی وجود کی تنہائی

میں ایک عورت ہوں

میں نے تاریخ کے

ہر ظلم کے خلاف اپنے قدم جمائے

اور ہر زخم سے نیا عزم پیدا کیا

خوف کو حوصلے میں بدلا

اور آنسوؤں کو روشنی میں پرویا

کیوں کہ

میں ایک عورت ہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل

وہ بے وفا تھا مگر غم شناس تھا اپنا

اگرچہ جیسا بھی تھا ، پر لباس تھا اپنا

زمانہ دنگ ہے ہم پیاسے مر گئے کیسے

بھرا ہوا تو لبا لب گلاس تھا اپنا

ہماری خوئے انا پر سوال اٹھاتا یے

کبھی یہ رنگ زمانے کو راس تھا اپنا

کسی نے پوچھا محبت کا حال کیا ہے اب

تو مسکرا کے کہا بس قیاس تھا اپنا

عجب نہیں ہے کہ ہم خود نگل گئے خود کو

کہ اپنے آپ کی جانب نکاس تھا اپنا

ہمیں کسی نے بھی تفصیل سے نہیں دیکھا

پڑھا جو سب نے وہ بس اقتباس تھا اپنا

بری خبر کوئی ملنی ہی تھی ہمیں ثوبی

کہ آج صبح سے ہی دل اداس تھا اپنا

ثوبیہ راجپوت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محمد سبحان شوقؔ

ردیف و قافیہ سے معنی بھی اُٹھنے لگے

بحر میں ڈھل کے مرے سب حرف بھی سجنے لگے

یہ زبر یہ زیر اور یہ پیش نے دی ہے جِلا

لفظ جو بکھرے ہوئے موتی سے پھر بننے لگے

وزن کے میزان نے جب شعر کو پر کھا ذرا

خام مصرعے خود ہی آئینے سے بھی ڈرنے لگے

فاعلاتن فاعلاتن فاعلن کی راہوں میں

ہم نوآموزوں کے آہستہ قدم جمنے لگے

شاعری جذبات ہی کا نام کب رہتی فقط

علم آیا تو سخن کے در بھی یوں کھلنے لگے

قافیہ جب مصرعے کے شانہ بہ شانہ آ ملا

سننے والے بے ارادہ داد بھی دینے لگے

بحر سے باہر جو نکلا شعر بے توقیر تھا

بحر میں آیا تو گویا لفظ بھی سجنے لگے

شوقؔ اب اوزان سے نسبت ہوئی ایسی کہ بس

شعر کے بکھرے ہوئے رستے بھی اب ملنے لگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نعتِ رسولِ مقبول ﷺ

(محمد شاہد نسیم)

طیبہ کی طرف مانگ سدا ہاتھ اٹھا کر

تو شام و سحر صلِّ علیٰ ، صلِّ علیٰ کر

رکھ لب پہ ہمیشہ ہی درود اور سلامی

دل اپنا تو بے تاب یونہی زندہ کیا کر

دنیا کے گناہوں سے تو کر توبہ مدامی

دامن میں نبی پاک ﷺ کے ہر لمحہ چھپا کر

گر دل میں اٹھے لہر کوئی رنج و الم کی

تو ذکر نبی اور خدا دل میں جپا کر

دنیا میں کوئی خطرہ ہو گھبرانا نہ ہرگز

رکھ دل میں سدا نامِ محمدؐ کو بسا کر

مشکل نہ رہے کوئی کسی راہ میں تجھ کو

سرکار کی نسبت کو رکھو دل میں سجا کر

شاہدؔ تجھے گر دولت تسکین ہے درکار

تو شام و سحر صلِّ علیٰ ، صلِّ علیٰ کر

محمد شاہد نسیم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیم تاریک اجالوں میں سفر کرتے ہیں

زندگی تیرے خیالوں میں بسر کرتے ہیں

تیری یادوں کی مہک ساتھ لیے پھرتے ہیں

دشتِ تنہائی کو گلزار نگر کرتے ہیں

وقت کے سرد تھپیڑوں سے نہ ڈرنے والے

ہم تو پتھر کو بھی اشکوں سے گہر کرتے ہیں

سانپ ڈستے ہوئے پھرتے ہیں گلی کوچوں میں

ہم وہ تریاق جو صدیوں سے اثر کرتے ہیں

کوئی سورج نہ ستارہ نہ ہی جگنو جیسے

حسن والے ہوں تو چہرے بھی سحر کرتے ہیں

ہم جو زندہ ہیں تو الفت کا اثر ہے سارا

مر ہی جائیں گے اگر تم سے مفر کرتے ہیں

کربلا والوں سے ہے اپنی عقیدت شاہد

ہم ہیں عشاق ہمیشہ سے صبر کرتے ہیں

شاعر عبدالحفیظ شاہد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عنوان: خواب ابھی زندہ ہے

رات کتنی بھی گہری ہو، سحر باقی رہتی ہے

دل میں امیدوں کی اک روشن خبر باقی رہتی ہے

راہ میں کانٹے ملیں تو مسکرا کر چل پڑو

زندگی ہر موڑ پر کچھ حوصلے دیتی ہے

آندھیوں سے کہہ دو، چراغوں کو بجھانا چھوڑ دیں

دل کے اندر روشنی کو یوں مٹانا چھوڑ دیں

ٹوٹ جائیں خواب تو آنکھیں نہیں مرتیں کبھی

زخم جتنے بھی ملیں، امید نہیں مرتی کبھی

وقت چھینے لاکھ خوشیاں، غم سے گھبرانا نہیں

اپنے حصے کی خوشی کو ڈھونڈنا، ہارنا نہیں

جو سفر مشکل ہو، وہی یادگار بنتا ہے

آدمی ٹھوکر سے گر کر پھر نیا کردار بنتا ہے

لوگ کہتے ہیں کہ سب کچھ ختم ہو جاتا ہے

دل میں زندہ ہو یقین تو راستہ بن جاتا ہے

خواب کو سینے میں رکھنا، یہ خزانہ ہے ترا

کل اسی خواب سے روشن ہوگا چہرہ پھر ترا

از قلم: رئیس عنایت اللہ چاچڑ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل ۔۔۔

کاش آہوں میں وہ اب اثر آئے

وہ کبھی چل کے میرے گھر آئے

وہ میرے ساتھ تو نہیں لیکن

جہاں جاؤں وہی نظر آئے

آج ہر حد توڑ دی ہم نے

سارے وعدوں سے ہم مکر آئے

اے مرے نورِ عین تیرے لئے

جو نہ کرنا تھا وہ بھی کر آئے

میرے کچھ خواب نامکمل تھے

تیری چوکھٹ پہ وہ بھی دھر آئے

جو بھی سن لے اسی کا ہو جائے

اس کو باتوں کا وہ ہنر آئے

کاش وہ وقت بھی خدا آئے

میں بلاؤں وہ دوڑ کر آئے

اس نے پوچھا کہ کیسے ہو آزاد

میری آنکھوں میں اشک بھر آئے

سید آزاد گیلانی...

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل

عکس پانی میں محبت کا اتارے کوئی

زندگی تیری طرح ہم کو نہ مارے کوئی

ایک امید بڑی دور تلک لے کے گئی

جانتا ہے تری آنکھوں کے اشارے کوئی

میری ہر ایک صدا حلقہء زنجیر بنی

بس رسن بستہ صلیبوں سے اتارے کوئی

بے یقینی کی گھڑی میں بھی دلاسہ دے دے

کاش آ جائیں بنا پوچھے سہارے کوئی

کانپتی خوف سے سانسوں کو تھپک دے آ کر

زخمِ جاں پر کہیں مرہم ہی اتارے کوئی

شب کی دیوار میں پیوست ہے نیزہ لوگو

میری تنہائی کے منظر کو سنوارے کوئی

کون سمجھے گا مری چپ کے معانی حمزہ

جانتا تو ہے ہمارے بھی خسارے کوئی

حمزہ ارشد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل۔۔۔

از قلم ۔۔۔ سید آزاد گیلانی

زندگی ایک سی رہتی ہی نہیں ہے صاحب

ہر خوشی میں بھی چھپا کوئی غم ہوتا ہے

جسے دنیا سمجھتی ہے بہت خوش قسمت

اس کے حصے میں بھی درد و الم ہوتا ہے

اک وہ چہرہ جو ہے ہنستا سرِ محفلِ یاراں

اس کے سینے میں کوئی گہرا زخم ہوتا ہے

ہم جسے اپنی محبت کا امیں کہتے ہیں

وہی رشتہ باعثِ رنج و غم ہوتا ہے

کچھ تعلق بھی زمانے میں عجب ہوتے ہیں

دوریاں ہوں تو بھی اک درد بہم ہوتا ہے

یہ محبت تو بچھڑ کر بھی نہیں مرتی میاں

دور رہ کر بھی کوئی دل کا محرم ہوتا ہے

شہر میں شور بہت ہے اسی شور کے بیچ

آدمی اپنے ہی سناٹے میں گم ہوتا ہے

صرف خاموشی سے نہیں رشتے نبھائے جاتے

یاں تو اک حرفِ تسلی بھی مرہم ہوتا ہے

آئینہ دیکھ کے اب یہ خیال آتا ہے آزادؔ

چہرہ بھی یاد میں اک نقشِ صنم ہوتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ شخص ہنستا بہت ہے محفلوں کے بیچ مگر

کسی کونے میں جا کر ٹوٹ جاتا ہے چپکے سے

سبھی کو لگتا ہے اس کے نصیب روشن ہیں

وہ خود ہی اپنے اندھیروں میں ڈوب جاتا ہے چپکے سے

کبھی جو دل میں چراغِ وفا جلایا تھا

اب اُس کی راکھ کو دل میں چھپاتا ہے چپکے سے

ایک رشتہ بھی آخر نہ ٹھہر سکا اُس کا

اب ہر تعلق سے خود کو بچاتا ہے چپکے سے

نظر میں صبر، لبوں پر ہلکی سی مسکراہٹ ہے

مگر وجود اندر سے بکھر جاتا ہے چپکے سے

نہ کوئی اسکا حال پوچھے، نہ کوئی اسکا درد سمجھے صومی

وہ خود ہی خود کو ہر روز مٹاتا ہے مگر چپکے سے

صومی عباسی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عنوان ۔مٹی

صنف۔غزل

شاعرہ۔کنیز سسیلیا منظور

چاک تے رکھی مٹی وانگ

گھمدی رہی میں چکی وانگ

لبھناہ کیہ سی مٹی وچوں

ہن دی گئ میں مٹی وانگ

ہجر نے ایسا روگ چا لایا

بھر دی گئی میں مٹی وانگ

کدے بنایا،بنا کے ڈھایا

بولی نیئں میں مٹی وانگ

کدے تے ربا پڑھی میں جاندی

پریم ناں لکھی چھٹی وانگ

اتھرو نیئں فر بن دے موتی

سپی جے ہووے مٹی وانگ

وید حکیم بتھیرے کیتے

رل گئ جندڑی مٹی وانگ

کیہ اوہ سن دے واعظ دی

کن سن کچے مٹی وانگ

نہ کوئ رولا نہ کوئ شکوہ

ڈھیر ہوئ آں مٹی وانگ

ناری ویکھ کےبھونکدےنے

بچیاں تے بیٹھی کتی وانگ

سونا چاندی لال جواہر والی

بن کے رہو اوس مٹی وانگ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محبت کی م سے ہے ماں

پہلا لفظ جو ادا ہو ہے ماں

دل و نظر گل و گلزار ہے ماں

میری روح کا سکون ہے ماں

میں کیا کہوں میں کیا سنوں

میرے ہر درد کا احساس ہے ماں

دل و نگاہ جسم و جاں

میری سوچ میرا یقین

میری ذات ہے عکس نو اے مری ماں

کیا کیا کہوں کیا کیا لکھوں

میری زندگی کی روح رواں ہے میری ماں

میری سوچ میری فکر میری خوشی میرا غم میری ہر بات کا ہے بیان میری ماں

میری سوچوں میں ہے پنہا

میرے عمل سے ہے عیاں میری ماں

یو ں تو زندگی گل و گلزار نہیں

پر میں ہوں عکس ماں اے میری ماں

کہا زینب نے سب کچھ ہے مرا میری ماں

کلثوم افتخار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صنف: سائرہ علی

عنوان: حاصلِ زیست

از قلم: سائرہ علی

حاصلِ زیست، بس تیرا خیال رہ گیا!

دل میں اترا تو بس اک ملال رہ گیا۔

ہم نے دنیا سے کنارہ کر لیا تھا؛

پھر بھی دنیا میں ترا سوال رہ گیا۔

عمر بھر جن کو سنوارا خواب سمجھ کر،

آنکھ کھلی تو ہاتھ میں زوال رہ گیا!

تو ملا بھی تو کچھ اس طرح سے ملا،

جیسے صحرا میں کوئی محال رہ گیا۔

سائرہ! سن لو، یہی ہے عشق کا دستور؛

دل نے چاہا جسے، وہی خواب رہ گیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہائیکو ( جاپانی صنف )

کتاب: الفاظ جاگ اٹھے سے منتخب ہائیکو

شاعر: ندیم یعقوب گوہر

​اُجلا اک آنچل

بادل میں ہے چھپا ہوا

چاند کا جادو

صدیوں کا رستہ

تھک کر کہیں سو گیا ہے

وقت کا دھارا

پھول کھلتے ہیں

خوشبوؤں کے میلے میں

رنگ بستے ہیں

یادوں کی خوشبو

کمرے میں مہکتی ہے

آنکھ ہے پُرنم

پتے گرتے ہیں

خاک میں مل جاتے ہیں

رزقِ زمیں ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ردا فاطمہ اعوان

عمرِ رواں___

اے عمرِ رواں زرا تیز چل

مجھے یہ جہاں اچھا نہیں لگتا

میرے بکھر گئے ہیں خواب سارے

کہ اب پانے کو بچا ہی کیا ہے

مٹ گئی ہیں حسرتیں ساری

کہ زندگی اب تیرا ارمان کیا ہے

بکھرا ہوا وجود تنکوں کی طرح

اب تعمیر کرنے کو بچا ہی کیا ہے

میں نے خواہشوں کا گلا گھونٹ لیا

اے زندگی اب تجھ سے گلہ ہی کیا

اٹھ گیا ہے رنگوں سے دل میرا

زندگی میں سیاہی کے سوا بچا ہی کیا ہے

میرا اعتبار ریزہ ریزہ ہو گیا ہے

پیچھے آزمانے کو بچا ہی کیا ہے

میں تیری سختیوں سے تھک گئی ہوں

اب چوٹ کھانے کو بچا ہی کیا ہے

میری خوشیاں میرا سکون لٹ گیا ہے

اب میرے پاس گنوانے کو بچا ہی کیا ہے

اے عمر رواں ختم کر دے یہ قصہ

نئی دنیا بسانے کو بچا ہی کیا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فاطمہ زہراء

تری جانب سے آیا خط، وہ جس میں تم نے لکھا تھا

میرے حالات کسیے ہیں میرے دن رات کیسے ہیں

تکلّف سے بھرا تھا خط، پڑھا تو من ہی من ہنسی

عجب یہ ہے کہ تم اب تک مری خاموشیاں نہ سمجھے

تو پھر نا پوچھو دن کٹھن کیسے، کڑی دھوپیں کیسی ہیں

ترے بن کیسے جیتے ہیں، یہ دمِ سکرات کیسے ہیں

کوئی بھی خواب آنکھوں میں ٹھہرنے کیوں نہیں پاتا

ترے ہجرِ مسلسل میں یہ دن اور رات کیسے ہیں

تمہیں کیا علم جاناں، کس طرح گزری ہے تنہائی

تمہارے بعد جینے کے مرے حالات کیسے ہیں

اداس شامیں، اداس راتیں تنہائیاں ہیں زہراء کی

میرے حالات ایسے ہیں میرے دن رات ایسے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عنوان: زندگی کی کتاب (غزل)

شاعرہ: سیدہ الماس فاطمہ

شہر: کراچی

یہ جو زندگی کی کتاب ہے

اس کا ہر ورق ایک باب ہے

کبھی مسکراتی سی دھوپ ہے

کبھی غم کا ایک عذاب ہے

یہاں ہر طرف ہیں منافقتیں

ہر ایک چہرے پہ نقاب ہے

کوئی بچ سکا نہ گناہ سے

یہاں ہر کوئی محوِ خواب ہے

جو کیے ہیں ہم نے جہاں میں کام

انہی کا تو روزِ حساب ہے

مری لغزشوں کو معاف کر

دلِ الماسؔ اب بے تاب ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مصحف پہ ترے زلف کی ترتیل سلامت

نگران یہ کعبے کے ابابیل سلامت

یہ ہونٹ پلک آنکھ ذقن ماتھا کشادہ

گل برگ سے رخسار کی تشکیل سلامت

کرتا ہوں شب و روز ادب سے جو تلاوت

پرکیف سکوں بخش سی انجیل سلامت

رعنائیِ پستان شکم ران فسوں خیز

اس حسنِ جواں سال کی تکمیل سلامت

جاتا ہے کوئی جان سے تو جائے بلا سے

صفدر کہ رہے یار کی تعطیل سلامت

صفدر بھٹی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل

کبھی خاموش رہ کر بھی صدا بن جایا کرتے ہیں

ہم اپنے درد کو اکثر دعا بن جایا کرتے ہیں

جو دل میں گھر بنا لیتے ہیں اک لمحے کی خاطر

وہی پھر عمر بھر کی اک سزا بن جایا کرتے ہیں

زمانہ لاکھ کوشش کرے ہمیں توڑنے کی مگر

ہم اپنے حوصلوں سے راستہ بن جایا کرتے ہیں

محبت میں ضروری ہے فقط اظہار ہی ہرگز

کبھی آنکھوں کے آنسو بھی گواہ بن جایا کرتے ہیں

رئیسؔ اہلِ وفا کی یہ عجب دنیا ہے دنیا میں

جو خود مٹتے ہیں، اوروں کی بقا بن جایا کرتے ہیں

از قلم: رئیس عنایت اللہ چاچڑ