مظفرگڑھ کینال میں باراتیوں کا رکشا گرنے سے ہلاکتوں کی تعداد 6 ہوگئی

کوٹ ادو میں مظفرگڑھ کینال میں گزشتہ روز باراتیوں سے بھرا رکشا نہر میں گرنے کے افسوسناک حادثے کے بعد ریسکیو آپریشن جاری ہے، جبکہ نہر سے مزید 3 افراد کی لاشیں نکال لی گئی ہیں۔

ریسکیو حکام کے مطابق حادثے میں جاں بحق افراد کی تعداد 6 ہوگئی ہے، جن میں خواتین اور بچے بھی شامل ہیں۔ریسکیو حکام کا کہنا ہے کہ نہر میں ڈوبنے والے مزید 9 بچوں کی تلاش جاری ہے۔ لاپتا بچوں کی عمریں 3 سے 14 سال کے درمیان بتائی گئی ہیں۔ریسکیو کے مطابق حادثے کے بعد 11 افراد کو بحفاظت نکال لیا گیا تھا، جبکہ دیگر لاپتا افراد کی تلاش کے لیے امدادی کارروائیاں جاری ہیں۔