ننکانہ،سی ای او ڈسٹرکٹ ایجوکیشن اتھارٹی کا سکول کا دورہ،تدریسی سرگرمیوں کا جائزہ

احسان اللہ ایاز باغی ٹی وی نامہ نگار ننکانہ صاحب

ننکانہ صاحب میں تعینات ہونے والے سی ای او ڈسٹرکٹ ایجوکیشن اتھارٹی گورنمنٹ گورونانک ہائیر سیکنڈری سکول پہنچ گئے، سکول میں طلباء اور اساتذہ کے لئے دستیاب تعلیمی سہولیات اور تدریسی سرگرمیوں کا جائزہ لیا نئے تعینات ہونے والے سی ای او ڈسٹرکٹ ایجوکیشن اتھارٹی شفقت محمود نے گورنمنٹ گورونانک ہائیر سیکنڈری سکول کا اچانک دورہ کیا، وہ ڈسٹرکٹ ایجوکیشن آفیسر سیکنڈری شکیل احمد رضوی اور سکول کے پرنسپل عبدالسلام طیب کے ہمراہ مختلف کلاس رومز میں گئے، انہوں نے طلباء سے سوالات کیے اور انہیں دل لگا کر اپنی ساری توجہ حصول علم پر دینے کی ہدائیت کی، سی ای او ڈسٹرکٹ ایجوکیشن اتھارٹی نے اساتذہ اور طلباء کی حاضری اور سکول میں صفائی ستھرائی کو چیک کیا، انہوں نے سکول میں بنائے گئے بابا گورونانک میوزیم کا بھی دورہ کیا اور وہاں سکول سے متعلقہ تاریخی دستاویزات اور اشیاء کو دیکھا اور اسے سراہا۔ اس موقع پر گفتگو کرتے ہوئے سی ای او ڈسٹرکٹ ایجوکیشن اتھارٹی نے کہا کہ ضلع میں نظام تعلیم اور معیار تعلیم میں مزید بہتری ہمارا مشن ہے جس میں ہم سب نے اپنے اپنے حصے کا کردار ادا کرنا ہے۔