ایران تنازع میں ایک اور امریکی فوجی ہلاک، تعداد سات ہو گئی

امریکا اور ایران کے درمیان جاری تنازع کے دوران ایک اور امریکی فوجی ہلاک ہو گیا ہے جس کے بعد اس جھڑپ میں مارے جانے والے امریکی فوجیوں کی تعداد سات ہو گئی ہے۔
‎امریکی میڈیا کے مطابق ہلاک ہونے والا فوجی کینٹکی سے تعلق رکھنے والا 26 سالہ آرمی سارجنٹ تھا۔ اس کی شناخت کی تصدیق سی این این کی جانب سے جاری بریکنگ نیوز میں کی گئی ہے۔
‎رپورٹس کے مطابق مشرق وسطیٰ میں جاری کشیدگی کے باعث امریکی افواج خطے میں مختلف فوجی کارروائیوں میں مصروف ہیں۔ اس دوران حالیہ مہینوں میں تنازع شدت اختیار کر چکا ہے جس نے عالمی سطح پر تشویش پیدا کر دی ہے۔
‎امریکی محکمہ دفاع نے تاحال فوجی کی ہلاکت کی تفصیلات جاری نہیں کیں اور واقعے کی تحقیقات جاری ہیں۔
‎ماہرین کے مطابق یہ واقعہ مشرق وسطیٰ میں جاری فوجی کشیدگی اور وہاں تعینات اہلکاروں کو درپیش خطرات کو نمایاں کرتا ہے۔