لاہور کو پیرس بنانے کے لئے عثمان بزدار بھی میدان میں آ گئے، غریب عوام کے لئے ہسپتالوں میں ادویات بند لیکن فضول خرچیاں جاری .آرائشی دروازہ اڑھائی کروڑ روپے کی لاگت سے تعمیر کیا جا رہا ہے۔آرائشی دروازے کی تعمیر کا کام دو ماہ میں مکمل کیا جائے گا۔

باغی ٹی وی کی رپورٹ کے مطابق وزیراعلی پنجاب سردار عثمان بزدار کی ہدایت پر پر لاہور کے داخلی راستوں کو خوبصورت  بنانے اور ان کی بہتری کا کام جاری ہے۔لاہور ڈویلپمنٹ اتھارٹی کی ڈائریکٹر جنرل محمد عثمان معظم نے بتایا ہے کہ ٹھوکر نیاز بیگ چوک کے ذریعے لاہور میں داخل ہونے والے راستے پر آرائشی دروازے کی تعمیر کا کام کل شر وع کیا جا رہا ہے۔ یہ آرائشی دروازہ اڑھائی کروڑ روپے کی لاگت سے تعمیر کیا جا رہا ہے۔آرائشی دروازے کی تعمیر کا کام دو ماہ میں مکمل کیا جائے گا۔

لاہور پریس کلب کے مسائل کیا واقعی عثمان بزدار نے حل کر دیئے؟

وزیر اعلی پنجاب کی ہدایت پر ٹھوکر نیاز بیگ چوک کی خوبصورتی، بہتری اور بحالی اور یہاں ٹریفک کا بہاؤ بہتر بنانے کا کام بھی تکمیل کے قریب ہے۔ دوسرے شہروں سے یہاں آنے والوں کے لئے لاہور کا خوشگوار تشخص اجاگر کرنے کی خاطر ٹھوکر نیاز بیگ کے علاقے کو صاف ستھرا اور خوبصورت بنانے کا کام جلد مکمل کر لیا جائےگا- نہر کنارے دونوں طرف گرین  ایریاز قائم کر کے شہریوں کے لئے تفریح گاہ بنائی جا رہی ہے۔علاقے سے تجاوزات کا خاتمہ کیا جا رہا ہے اور ٹریفک مینجمنٹ بہتر کی جا رہی ہے – منصوبے کے تحت مختلف مقامات پر سبزہ لگانے اور شجر کاری کا کام جاری ہے-

مریم نواز کی ابا سے ملاقات کی درخواست مسترد کیوں ہوئی؟ باغی ٹی وی حقائق سامنے لے آیا

اس مقصد کے لئے پلانٹرز کی تعمیر کے ساتھ ساتھ ان پر آرائشی ٹائلیں لگانے کا کام بھی جاری ہے-علاقے میں سٹریٹ لائٹ کے 50نئے پول نصب کر دئیے گئے ہیں .ٹھوکر چوک سے رائے ونڈ روڈ کی طر ف سڑک کی ایک جانب ایک ہزار فٹ طویل نئی سیور لائن بچھانے جبکہ دوسری طرف 400میٹر طویل ڈرین کی تعمیر کا کام مکمل کر لیا گیا ہے-لالہ زار پارک کے اردگرد آرائشی جنگلے لگانے کا کام تیزی سے جاری ہے جبکہ جوڈیشل کالونی کی بیرونی دیوار پر رنگ کرنے کا کام مکمل کر لیا گیا ہے-

آزادی مارچ، پہلی بڑی گرفتاری …جے یو آئی رہنما ضمانتیں کروانے پر مجبور

نواز اور شہباز میں ختم نہ ہونے والی جنگ چھڑ گئی

آزادی مارچ کی ابھی تیاریاں جاری اور حکومت کےاستعفے آنا شروع ہو گئے، کس نے استعفیٰ دیا؟ اہم خبر

ٹھوکر نیاز بیگ فلائی اوور کے نیچے سے تجاوزات کا خاتمہ کر دیا گیا ہے – فلائی اوور کے دونوں طرف شہریوں کے لئے تفریح گاہ اور گرین ایریاز قائم کرنے‘ لینڈ سکیپنگ اور ہارٹی کلچر کا کام جاری ہے۔کینال روڈ پرنہر کے دونوں ا طراف گرین ایریا کی تعمیر کے لیے زمین ہموار کرنے کا کام جاری ہے۔پیدل چلنے والوں کے لئے کینال روڈ کے ساتھ ساتھ واک ویز کی تعمیر جاری ہے جس کے ساتھ حفاظتی جنگلہ بھی نصب کیا جا رہا ہے ۔

آرائشی پھولوں کی پتیاں تعمیر کرنے کا کام جاری ہے۔ ٹھوکرنیازبیگ انٹرسیکشن کی خوبصورتی کے لیے مختلف مقامات اراضی پر لینڈ سکیپنگ اور سبزہ کاری اور فواروں کی تعمیر کا کام جاری ہے۔ ٹریفک کی رہنمائی کے لئے لیے سائن بورڈز کی تنصیب کا کام بھی مکمل کرلیا گیا ہے۔ علاقے میں تقریبا چار کلومیٹر طویل سڑکوں پر اسفالٹ کی کارپٹنگ کر دی گئی ہے۔ سڑکوں کے ساتھ ساتھ کرب سٹون لگا کراس پر رنگ و روغن کردیا گیا ہے۔سڑکوں کی لین مارکینگ اور کیٹ آئیز لگانے کا کام جلد شروع کیا جا رہا ہے