عثمان بزدار کے آبائی علاقے کے لوگ پانی کی بوند بوند کو ترس گئے

ڈیرہ غازیخان(ڈاکٹرغلام مصطفی بڈانی )سابق وزیراعلیٰ عثمان بزدار کے آبائی علاقے کے لوگ پانی کی بوند بوند کو ترس گئے۔

عثمان بزدارکے زرعی فارم پرباغات کوسیراب کرنے کیلئے واٹر سپلائی کا پانی دستیاب، گذشتہ 5 ماہ سے بارشیں نہ ہونے کی وجہ سے وہاں کے تالاب خشک ہو چکے ہیں ،لوگ سارا دن پانی کی تلاش میں گذاردیتے ہیں، یہاں کے لوگوں کی زندگی کا دارومدار جوہڑوں کے گندے پانی پرہے،سردارعثمان خان بزدار وزیراعلیٰ بننے سے قبل 10سال تک تحصیل ٹرائبل ایریا کے ناظم رہے ،عثمان بزدار کا چھوٹا بھائی سردارجعفرخان بزدار ہے ،یونین کونسل مبارکی سے4،5 بارچیئرمین منتخب ہوا جو سردارعثمان بزدار کے دورحکومت میں سیاہ سفید کا مالک اورڈیرہ غازیخان کے وزیراعلیٰ سمجھے جاتے تھے نے اپنی یونین کونسل کی عوام کیلئے ایک بھی واٹر سپلائی سکیم منظورنہ کرائی اور وہاں کی عوام کے مقدر میں گندہ جوہڑوں والا بدبودار پانی لکھ دیا ۔

باغی ٹی وی کی رپورٹ کے مطابق ڈیرہ غازیخان کا قبائلی علاقہ مبارکی جوسابق وزیراعلیٰ سردارعثمان خان بزدارکا آبائی علاقہ ہے یونین کونسل مبارکی عوام گذشتہ پانچ ماہ سے بارشیں نہ ہونے کی وجہ پانی کی بوند بوند کوترس گئے،تالاب خشک ہوچکے ہیں ہرطرف خشک سالی ہے ،اس علاقہ کی عوام اورجانوروں کی زندگیاں دائو پر لگی ہوئی ہیں یہاں منتخب ہونیوالے صوبائی حلقہ پی پی 287 کے ایم پی اے کے علاوہ اورقومی حلقہ سے منتخب ہونے والے سردار امجدخان کھوسہ نے ووٹ لینے کے بعدعرصہ چارسال گذرجانے کے بعد بھی اس علاقہ میں ایک باربھی نہ گیا۔

ستم ظریفی تویہ کہ سردارعثمان خان بزدار وزیراعلیٰ بننے سے قبل 10سال تک تحصیل ٹرائبل ایریا کے ناظم رہے ،عثمان بزدار کا چھوٹا بھائی سردارجعفرخان بزدار ہے جواس یونین کونسل مبارکی سے4،5 بارچیئرمین منتخب ہوا،سردارعثمان بزدار کے دورحکومت میں سیاہ سفید کے مالک اورڈیرہ غازیخان کے وزیراعلیٰ سمجھے جاتے تھے نے اپنی یونین کونسل کی عوام کیلئے ایک بھی واٹرسپلائی سکیم منظورنہ کرائی اور وہاں کی عوام کے مقدر میں گندہ جوہڑوں والا بدبودار پانی لکھ دیا ۔موضع مبارکی بڑی بستیاں جن میں موضع جہاں نانی ڈب،موضع زہراف ڈب،بیل بتر،سُرتھوخ،موضع منجھیل اورہنگلون ودیگربستیوں کوشدیدپانی کی قلت کا سامنا ہے،ستم ظریفی تویہ ہے سردارعثمان خان بزدارنے اپنے باغ کوسیراب کرنے کیلئے بستی سلاری کی واٹرسپلائی بھی اپنے باغ میں لگوالی ،ان علاقوں کے رہنے والے لوگوں کے پینے کیلئے ایک بھی واٹر سپلائی سکیم پایہ تکمیل کو نہ پہنچائی ،پبلک ہیلتھ کے ریکارڈ میں کئی واٹرسپلائی سکیم چل رہی ہیں لیکن زمین پرکہیں بھی واٹر سپلائی کاوجود نہیں ہے۔

نیب نے سابق خاتون اول کی دوست کے حوالے سے وضاحت کردی

عثمان بزدار نے سیمنٹ فیکٹری کے 16 لائسنس بیچے،مفتاح اسماعیل کا دعویٰ

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

بشریٰ بی بی کی قریبی دوست فرح نے خاموشی توڑ دی

سائیں بزدار کا کمال،پہاڑ میں سرکاری خرچ پر 14 ایکڑ رقبے پر زیتون کا باغ لگوا لیا

عثمان بزدار کے گرد بھی گھیرا تنگ،ایک گرفتاری بھی ہو گئی

اس علاقہ میں ایک ایسی پرانی واٹرسپلائی کی ٹینکی کو نیا ظاہرکے کرپشن کی گئی جس میں ایک دن بھی پانی نہیں ڈالا جس کی چھت کا پرانا ٹوٹا ہوال ینٹر صاف دکھائی دے رہا ہے ،اس کی ٹوٹیوں والے پرانے پائپ پر ٹوٹیاں بھی نہ لگائی گئیں ۔یہاں کے عوام پانی کیلئے سردارعثمان خان بزدار کوچیخ چیخ کرپانی کی فراہمی کیلئے پکارتے رہے لیکن سردارعثمان بزدار ٹَس سے مَس نہ ہوئے،بالآخرتھک ہارکریہاں کے باسیوں نے اپنی مدد آپ کے تحت چندہ اکٹھا کرکے پانی کے کچھ ٹینکوں کا بندوبست کیا،اس کے علاوہ ایک صحافی کی بھرپور کوشش اور ریکوئسٹ پرپولیٹیکل اسسٹنٹ نے بھی دو ٹینک پانی کے بھجوائے۔