fbpx

وہیل چیئر پر شہباز گل کو ملنے جانیوالی خاتون واقعی شہباز گل کی والدہ تھیں؟

اسلام آباد:باغی ٹی وی کی رپورٹ کے مطابق تحریک انصاف کے چیئرمین عمران خان کے چیف آف سٹاف شہباز گل کا عدالت نے دوبارہ جسمانی ریمانڈ دیا تو انکی طبیعت خراب ہو گئی جس کے بعد شہباز گل کو ہسپتال منتقل کر دیا گیا ۔ شہباز گل کو آج عدالت وہیل چیئر پر لایا گیا عدالت نے فیصلہ سناتے ہوئے شہباز گل کو دوبارہ ہسپتال منتقل کرنے کا حکم دیا

شہباز گل کو دوبارہ ہسپتال منتقل کر دیا گیا یے ہسپتال کے باہر پی ٹی آئی کے کارکنان موجود ہیں عمران خان بھی شہباز گل سے ملنے آئے لیکن ملاقات نہیں کرنے دی گئی۔ ہسپتال کے باہر سیکورٹی کے سخت انتظامات کیے گئے ہیں پولیس کی بھاری نفری تعینات کی گئی یے

شہباز گل کو ملنے وہیل چیئر پر ایک بزرگ خاتون آئیں جس کے بارے میں پی ٹی آئی سوشل میڈیا ایکٹوسٹ نے دعوی کیا کہ یہ شہباز گل کی والدہ ہے ۔ پی ٹی آئی کی سوشل میڈیا ایکٹوسٹ نے پروپیگنڈہ کیا کہ شہباز گل کی والدہ ملنے آئیں لیکن نہیں ملنے دیا گیا کسی نے لکھا کہ خالہ ملنے آئیں لیکن حقیقت کچھ اور ہی نکلی ۔ وہیل چیئر پر شہباز گل سے ملنے آنے والی بزرگ خاتون شہباز گل کی والدہ نہیں تھیں۔

 

 

اسلام آباد سے حیدر شیرازی نے سماجی رابطے کی ویب سائٹ ٹویٹر پر ویڈیو شیئر کی ہے جس میں بزرگ خاتون کہتی ہیں کہ ایک ماں ملنے آئی ہے اپنے بیٹے کو لیکن نہیں ملنے دیا گیا اس خاتون کے ساتھ دیگر خواتین کا بھی یہی کہنا تھا جب حیدر شیرازی نے سوال کیا کہ آپ کہاں سے آئی ہیں تو خواتین نے جواب دیتے ہوئے کہا کہ ہم ڈی ایچ اے سے آئی ہیں۔ شیرازی نے دوبارہ سوال کیا کہ کیا یہ شہباز گل کی سگی والدہ ہیں جس پر خواتین کا کہنا تھا کہ نہیں یہ شہباز گل کی سگی والدہ نہیں ہیں اور نہ ہی ہم سگی بہنیں ہیں