وزیر خزانہ پنجاب ہاشم جواں بخت کو کام سے روکنے کی درخواست پر سماعت کے دوران عدالت برہم

وزیر خزانہ پنجاب ہاشم جواں بخت کو کام سے روکنے کی درخواست پر سماعت کے دوران عدالت برہم

باغی ٹی وی کی رپورٹ کے مطابق لاہور ہائیکورٹ میں وزیر خزانہ پنجاب ہاشم جواں بخت کو کام سے روکنے کی درخواست پر سماعت ہوئی

وکیل کی تیاری نہ ہونے پر چیف جسٹس لاہور ہائیکورٹ برہم ہو گئے، چیف جسٹس لاہور ہائیکورٹ قاسم خان نے ریمارکس دیتے ہوئے کہا کہ آپ صرف پٹیشن دائر کرتے ہیں ،

عدالت نے ریمارکس دیتے ہوئے کہا کہ آپ نے اتنے زیادہ فریق بنا رکھے ہیں تیاری زیرو ہے، آئندہ سماعت پر مطمئن نہ کیا تو جرمانے کے ساتھ پٹیشن خارج کروں گا

قبل ازیں 12 اگست کو سپریم کورٹ لاہور رجسٹری میں وفاقی وزیر خسرو بختیار اور ہاشم جواں بخت کی نااہلی کی درخواست پر عدالت نے فیصلہ سنا یا تھا،عدالت نے وفاقی وزیر خسرو بختیارکی نااہلی کی درخواست مسترد کر دی،وزیر خزانہ پنجاب ہاشم جواں بخت کی نااہلی کی درخواست بھی مسترد کر دی گئی

درخواست گزار احسن عابد نے وفاقی وزیر اقتصادی امور خسرو بختیار اور ان کے بھائی ہاشم جواں بخت پر آمدن سے زائد اثاثے بنانے اور انہیں ظاہر نہ کرنے کا الزام عائد کرتے ہوئے درخواست دائر کی تھی۔

شوگر ملزسٹاک کی نقل و حمل اور سپلائی کی مکمل مانیٹرنگ کا حکم

چینی بحران رپورٹ، جہانگیر ترین کے خلاف بڑا ایکشن،سب حیران، ترین نے کی تصدیق

شوگر کمیشن رپورٹ، وزیراعلیٰ پنجاب،اسد عمر اور مشیر تجارت کے جوابات غیر تسلی بخش قرار

چینی بحران کے ذمہ داروں کیخلاف کب ہو گی کاروائی؟ اسد عمر نے اعلان کر دیا

اصل چینی چور کا نام رپورٹ سے غائب کر دیا گیا، مریم اورنگزیب کا دعویٰ

درخواست میں مؤقف اپنایا گیا ہے کہ دونوں بھائیوں نے آمدن سے زائد اثاثے بنائے اور انہیں ظاہر نہیں کیا جبکہ قومی احتساب بیورو (نیب) ملتان کو بھی ان کے خلاف کارروائی کے لیے درخواست دی گئی ہے۔ نیب کی جانب سے دونوں بھائیوں کے خلاف کارروائی نہ کرنے پر لاہور ہائی کورٹ سے رجوع کیا۔عدالت نے نیب کو قانون کے مطابق زیرالتوا درخواست کا فیصلہ تین ماہ میں کرنے کا حکم دیا لیکن نیب ملتان نے انکوائری اب مزید کارروائی کے لیے نیب لاہور کو بھجوادی ہے۔

درخواست گزار نے کہا کہ انکوائری کی پیش رفت سے بھی آگاہ نہیں کیا جارہا۔ دونوں بھائیوں کے اثاثے ایک سو ارب سے زائد ہیں، خسرو بختیار اور ہاشم جواں بخت صادق اور امین نہیں رہے۔

درخواست گزار نے سپریم کورٹ سے اپیل کرتے ہوئے مؤقف اپنایا کہ عدالت مخدوم خسرو بختیار اور ان کے بھائی کے خلاف ریفرنس دائر کرنے اور نام ایگزٹ کنٹرول لسٹ (ای سی ایل) میں شامل کرنے کا حکم بھی دے۔خسرو بختیار اور ہاشم جواں بخت کو آئین کے آرٹیکل 63 کے تحت نااہل قرار دیا جائے۔