ہم مخالف ٹیم کے ہر اٹیک کے لیے تیار ہیں: مصباح الحق کی میڈیا سے گفتگو

0
36

اسلام آباد میں پاکستان کے ہیڈ کوچ مصباح الحق نے کہا ہے کہ جنوبی افریقہ کے خلاف 4 فروری کو پنڈی اسٹیڈیم راولپنڈی میں شروع ہونے والے دوسرے ٹیسٹ میچ میں قومی ٹیم شاندار کارکردگی کا مظاہرہ کرکےسیریز جیتنے کی کوشش کریں گے، ٹیم نے پہلے ٹیسٹ میں مشکل صورتحال سے مقابلہ کیا اور شاندار کارکردگی کا مظاہرہ کیا۔ ہم دوسرے ٹیسٹ کے منتظر ہیں، یہاں کےحالات مختلف ہوں گے لیکن ہم پہلے ٹیسٹ کی طرح کارکردگی کو جاری رکھیں گے اور ان شعبوں میں بہتری لائیں گے جہاں بہتری کی ضرورت ہے۔ پیر کو ایک ورچوئل میڈیا کانفرنس میں گفتگو کرتے ہوئےمصباح الحق نے کہا کہ جنوبی افریقہ ایک مشکل ٹیم ہے اور دوسرے ٹیسٹ میں وہ تیاری کے ساتھ آئے گی۔

انہوں نے کہا وہ سیریز برابر کرنے کی کوشش کریں گے اور ہمیں اس کے لئے تیار رہنا چاہئے لیکن ہم سیریز جیتنے کی کوشش کریں گے۔
ایک سوال کے جواب میں انہوں نے کہا کہ پلیئنگ الیون کے بارے میں حتمی فیصلہ موسم اور پچ کی صورتحال دیکھ کر کیا جائے گا، میری توجہ اس بات کی ہے کہ سیریز جیتنا کتنا اہم ہے۔مصباح الحق نے حارث رؤف کی بھی تعریف کرتے ہوئے کہا کہ وہ بہت عمدہ کارکردگی کا مظاہرہ کر رہے ہیں۔ انہوں نے کہا وہ پرانی گیند سے بھی اچھی بائولنگ کر رہے ہیں۔ انہوں نے کہا کہ ہم جنوبی افریقی اسپنر تبریز شمسی کے لئے تیار ہیں، ہم ان کو کھیلنے کےلئے تیار ی کر رہے ہیں۔ مصباح نے حسن علی کی تعریف کرتے ہوئے کہا کہ انہوں نے پورے ڈومیسٹک سیزن میں اچھی بائولنگ کی ہے،ہمیں کسی ایسے کھلاڑی کو تھوڑا سا مارجن دینا ہوگا جس کی طویل عرصے کے بعد واپسی ہو۔

انہوں نے کہا کہ شاہین شاہ آفریدی کو زیادہ بوجھ نہیں دیا جارہا ہے۔ انہوں نے کہا ، “فزیکو ، میڈیکل پینل ، ٹرینر ، بولنگ کوچ سبھی اس کی طرف دیکھ رہے ہیں۔ محمد حفیظ کے بارے میں انہوں نے کہا کہ بحیثیت کوچ ہم انہیں یاد کریں گے چیف سلیکٹر محمد وسیم نے اس معاملے پر واضح کیا ہے کہ وہ سکواڈ میں کیوں نہیں ہے، میرے خیال میں وہ ہم سے بہتر سمجھتے ہیں اور ہم اس کے بارے میں کچھ نہیں کرسکتے ہیں۔ بحیثیت کوچ ہم اسے یاد کریں گے لیکن یہ کسی اور کیلئے موقع ہے، قومی ٹیم کا تربیتی سیشن یہاں پنڈی کرکٹ سٹیڈیم میں منعقد ہوا جس میں کھلاڑیوں نے فیلڈنگ ، بیٹنگ اور بائولنگ پر پریکٹس کی۔

Leave a reply