وفاقی حکومت نے سیلاب متاثرین کیلئے کچھ نہیں دیا،وزیراعلیٰ پنجاب

وزیراعلیٰ پنجاب چودھری پرویزالٰہی سے اخوت کے سربراہ ڈاکٹر امجد ثاقب کی ملاقات ہوئی ہے

وزیراعلیٰ چودھری پرویزالٰہی نے ڈاکٹر امجد ثاقب کی سربراہی میں اخوت کی سماجی خدمات کو خراج تحسین پیش کیا، وزیراعلیٰ پنجاب چودھری پرویز الہیٰ کا کہنا ہے کہ اخوت کے اشتراک سے کم آمدن والے لوگوں کیلئے اپنے گھر کا خواب پورا کریں گے کم آمدن والے لوگوں کیلئے گھروں کی تعمیر کیلئے قرضوں کا پروگرام کا از سر نو آغاز کررہے ہیں۔ حکومت پنجاب اوراخوت کے درمیان معاہدے کی تجدید،وزیراعلیٰ چودھری پرویز الٰہی نے منظوری دے دی پنجاب ہاؤسنگ اینڈ ٹاؤن پلاننگ ایجنسی کے ذریعے800 ملین کے فنڈز کی منظوری بھی دی گئی

چودھری پرویز الٰہی کا کہنا تھا کہ اخوت اسلامک مائیکرو فنانس کم آمدن والے افراد کو گھروں کی تعمیر کیلئے قرضے فراہم کرے گی۔ سیلاب متاثرہ علاقوں میں گھروں کی تعمیر کیلئے ترجیحی بنیادوں پر قرضے دیئے جائیں گے۔ سیلاب متاثرین کو چھت کی فراہمی ہماری ترجیحات میں سرفہرست ہیں۔ وفاقی حکومت نے سیلاب متاثرین کیلئے کچھ نہیں دیا،اپنے وسائل سے گھر بنائیں گے۔ سیلاب متاترین کو اخوت کے ذریعے گھر بنانے کیلئے ممکنہ وسائل مہیا کیے جا ئیں گے۔

ڈاکٹر امجد ثاقب کا کہنا تھا کہ 25 لاکھ گھرانوں کو قرضے دیئے،100 فیصد ریکوری کی۔ کم آمد ن والے لوگوں کی 36ہزار گھر بنانے میں مالی معاونت کی۔ عام آدمی کے مسائل کے حل کیلئے چودھری پرویزالٰہی کا جذبہ قابل تحسین ہیں ،اجلاس میں صوبائی وزیر میاں محمود الرشید،پرنسپل سیکرٹری وزیراعلیٰ محمد خان بھٹی، سیکرٹری ہاؤسنگ اوردیگر حکام نےشرکت کی

عمران خان نا اہل قرار
میاں بیوی نے مل کر قومی خزانے کو لوٹا، مریم نواز کا عمران خان کی نااہلی پر ردعمل

تحریک انصاف نے پاکستان کے کئی شہروں میں احتجاج کا اعلان کر دیا ہ

جھوٹ پھیلانے والا رنگے ہاتھوں پکڑا گیا ،عمران خان کی نااہلی پر بلاول کا ردعمل

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے