پاکستان شوبز انڈسٹری کے نامور اور مزاحیہ اداکار یاسر حسین کا کہنا ہے کہ مشہور زمانہ تُرک سیریز دیریلیس ارطغرل میں حلیمہ سلطان کا کردار ادا کرنے والی تُرک اداکارہ ایسرا بلجیک کو ہم نے اسٹار بنایا ہے-

باغی ٹی وی : اپنے ایک انٹر ویو میں اسرا بلجیک نے کہا تھا کہ وہ پاکستان کے تین مختلف برانڈز کے ساتھ کام کرنے والی ہیں اور وہ اس بات کا باقاعدہ اعلان کچھ دن میں ایک پریس ریلیز کے ذریعے کریں گی۔تاہم اب گذشتہ روزان میں سے ایک برانڈ کے لیے اداکارہ کے اشتراک کا اعلان ہوگیا ہے اور انہیں ایک موبائل کمپنی کا برانڈ ایمبسیڈر بنادیا گیا ہے۔

اسمارٹ فون کمپنی کیو موبائل نے سوشل میڈیا پوسٹ پر اعلان کیا تھا کہ ترک اداکارہ ان کی نئی ڈیوائس ویو میکس پرو کے لیے برانڈ ایمبیسڈر بن گئی ہیں کمپنی کا کہنا تھا کہ وہ پہلا پاکستانی برانڈ ہے جس نے ارطغرل ڈرامے سے شہرت پانے والی اداکارہ کو اپنے نئے فون کی مہم کا حصہ بنایا ہے۔

کمپنی کے اس اعلان کے بعد اداکار یاسر حسین نے غیر ملکی برانڈ ایمبیسیڈر کے خلاف آواز بلند کی جس کی حمایت اداکارہ ایمن خان اور اداکارہ منال خان نے بھی کی-

یاسر حسین نےاپنی انسٹاگرام سٹوری میں لوگوں سے سوال پوچھا تھا کہ آپ کو نہیں لگتا کہ پاکستانی برانڈ کی برانڈ ایمبسیڈر پاکستانی ہونی چاہئے؟ نہ بھارتی اور نہ ترک اداکارہ؟یاسر حسین نے کہا تھا کہ کیا ماہرہ خان، صباقمر، سونیاحسین، منال خان، ایمن خان، امر خان، زارا نور عباس، ہانیہ عامر ، ثنا جاوید، یمنی زیدی، ارمینہ خان، سارہ اور حرامانی کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟

یاسر حسین نے لکھا تھا کہ پاکستانی اداکاراؤں کو سپورٹ کریں پاکستان زندہ باد۔ یاسر حسین نے اپنی اہلیہ اقرا عزیز کا نام نہ لکھنے کی وجہ بتاتے ہوئے کہا کہ اقرا کانام اس لیے نہیں ہے کیونکہ وہ پہلے ہی ایک موبائل برانڈ کی ایمبسیڈر ہے۔

یاسر حسین کے ان بیانات کے بعد پاکستان شوبز انڈسٹری کے فنکار اس موضوع پر بٹے ہوئے نظر آ رہے ہیں کچھ فنکاروں کا کہنا ہے کہ فنکاروں کے فن کی کوئی سرحد نہیں ہونی چاہیے جبکہ کچھ کا کہنا ہے کہ ترکش ڈرامے کی کامیابی کے بعد ترک اداکار بھی پاکستان میں آئیں گے جس سے مقامی فنکاروں کا نقصان ہوگا ۔
https://www.instagram.com/p/CC0UdoohJdp/?igshid=e5r5yz4rdvo3
تاہم حال ہی میں اپنے ایک اور بیان میں یاسر حسین کا کہنا تھا کہ ایسرا بلجیک کو ہم نے اسٹار بناہیا ہے-

اداکار نے انوشے اشرف کے ساتھ لائیو ویڈیو میں ایسرا بلجیک کو پشاور زلمی کا بتنڈ ایمبیسیڈر بنانے پر اپنے خیالات کا اظہار کرتے ہوئےمزید کہنا تھا کہ وہ پی ایس ایل سیزن سکس میں قومی فنکاروں کو برانڈ ایمبیسیڈر دیکھنا چاہتے ہیں-

انہوں نے کہا لیکن اگر غیر ملکی فنکاروں کو برانڈ ایمیبیسیڈر بنانا ہے تو ایسرا بلجیک کو برانڈ ایمبیسیڈر بنا کر ہمیں انٹر نیشنلی کیا فائدہ ہو رہا ہے ان کی جگہ انجلینا جولی کو لائیں امریکہ دیکھے گا تو ہماری کرکٹ کو فائدہ ہو گا-

یاسر حسین کے اس بیان کے بعد ایک ٹویٹر صارفین نے اداکار کو آڑے ہاتھوں لیتے ہوئے ایسرا بلجیک کی حمایت میں کہا کہ کیا تم نے اُسے سٹار بنایا ہے نہیں بلکہ وہ پہلے سے ہی ایک بہت بری سٹار ہیں اُن کا ڈرامہ دُنیا کے 160 ملکوں میں دیکھا گیا ہے-

واضح رہے کہ پشاوری زلمی فرنچائز کے مالک جاوید آفریدی نے مداحوں سے سوال کیا تھا کہ اگر حلیمہ سُلطان (ایسرا بلجیک) کو ہشاور زلمی کی برانڈ ایمبیسیڈر بنا لیا جائے تو کیسا رہے گا جاوید آفریدی کے اس ٹویٹ پر مداحوں نے بھر ہور خوشی کا اظہار کیا یہاں تک کہ حلیمہ سلطان ٹویٹر پر ٹاپ ٹرینڈنگ بن گیا تھا-

کیا پاکستانی اداکاراؤں میں کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟ یاسر حسین

اسرا بلجیک پہلی پاکستانی کمپنی کی برانڈ ایمبیسیڈر مقرر

دوسرے ممالک کے فنکاروں کو پاکستان میں خوش آمدید کہیں اور اپنے لوگوں کو غیر محفوظ محسوس نہ کروائیں ، آغا علی کا اسراء بلجیک کو پاکستانی کمپنی کا برانڈ ایمبیسڈر بنائے جانے پر تنقید کرنے والے فنکاروں کو جواب

پاکستانی فنکاروں کا اسراء بلجیک کو پاکستانی کمپنی کا برانڈ ایمبیسڈر بنائے جانے پر تنقید کرنے والے فنکاروں کو جواب