1965میں ملک کی فضائی حدود کا بہادری سے دفاع کرنے والوں کی یاد میں آج یوم فضائیہ قومی جوش و جذبے کے ساتھ منایا جارہا ہے
ملک بھر میں یوم فضائیہ ملی جوش وجذبے سے منایا جا رہا ہے، جنگ ستمبر میں پاکستان ائیر فورس نے بھارتی سورماؤں کو ناکوں چنے چبوا دیئے تھے،سات ستمبر کو یوم فضائیہ کے موقع پر نشان حیدر پانے والے پاک فضائیہ کے پائلٹ آفیسر شہید راشد منہاس کی قبر پر ان کے عزیزواقارب اور فضائیہ کے افسران نے حاضری دی،یومِ فضائیہ کے موقع پر وطن پر اپنی جان قربان کر کے مثال قائم کرنے والے پائلٹ نشانِ حیدر یافتہ شہید راشد منہاس کو خراجِ عقیدت پیش کرنے کی تقریب کا انعقاد کیا گیا،تقریب کے مہمانِ خصوصی ایئر وائس مارشل عامر شہزاد تھے،تقریب میں شہید راشد منہاس کے بھائی انجم منہاس نے بھی شرکت کی،شہید پائلٹ راشد منہاس کی قبر پر پھول رکھے گئے اور پی اے ایف کے چاق و چوبند دستے نے سلامی دی۔
ہر سال 7 ستمبر کو یومِ فضائیہ منانا 1965ء کی جنگ میں پاک فضائیہ کے ناقابلِ فراموش کردار کی یاد دلاتا ہے،وہ تاریخی دن جب پاک فضائیہ کے شاہینوں نے جرأت اور بہادری کی لازوال مثالیں قائم کرتے ہوئے پاک سر زمین کی حفاظت کی تھی۔
واضح رہے کہ 20 اگست 1971ءکو پائلٹ راشد منہاس نے تربیتی پرواز کے دوران اپنی جان اس وقت وطن پر قربان کی جب وہ اپنی تربیتی پرواز پر روانہ ہو رہے تھے کہ اچانک ان کے انسٹرکٹر مطیع الرحمٰن طیارے میں سوار ہو گئے اور جہاز کا رخ دشمن ملک بھارت کی جانب موڑ دیا،20 سالہ راشد منہاس نے اپنی بہادری اور جذبۂ حب الوطنی کا ثبوت دیتے ہوئے طیارے کا رخ دشمن ملک کی بجائے زمین کی طرف موڑ دیا اور یوں، اپنے وطن کی حرمت پر جان قربان کر دی،راشد منہاس کی اس عظیم قربانی پر انہیں پاکستان کا سب سے بڑا فوجی اعزاز نشانِ حیدر عطاء کیا گیا اور ان کی یہ قربانی آج بھی ہر پاکستانی کے دل میں جوش و جذبے کی ایک مثال بنی ہوئی ہے۔
افریقی ایئر لائن بندروں کی غیر قانونی سمگلنگ میں ملوث نکلی
امریکن ایئر لائنز پھر بحران کا شکار،ملازمین نوکریوں سے فارغ
کوکین سمگل کرنے کا جرم،امریکن ایئر لائن کے سابق مکینک کو سزا
جہاز میں بم ہے،پرچی ملنے کے بعد ہنگامی لینڈنگ
بم کی دھمکی ملنے کے بعد بھارتی ایئر لائن کا رخ موڑ دیا گیا
ایئر انڈیا کو بم سے اڑانے کی دھمکی افواہ نکلی
احمد آباد میں کچھ اسکولوں کو بم سے اڑانے کی دھمکیاں
ممبئی میں تین بڑے بینکوں کو دھمکی آمیز ای میل موصول
ویڈیو لیک ہونے سے کیسے بچا جا سکتا ہے؟ڈیٹا ریکوری کا طریقہ
ایئر انڈیا کی پرواز کو بم سے اڑانے کی دھمکی کے بعد ہر طرف افرا تفری
بھارت میں طیارے کا اے سی نہ چلنے پر مسافر برہم ہو گئے
پوری قوم کو پاک فضائیہ پر فخر ہے، وزیراعظم
وزیرِ اعظم محمد شہباز شریف نےیوم فضائیہ پر پیغام میں کہا ہے کہ 7 ستمبر 1965ء کے دن پاک فضائیہ کے شاہینوں نے جرأت و بہادری کی تاریخ رقم کی، پاک فضائیہ کے بہادر جوانوں نے اپنی بہادری سے دشمن کے ناپاک عزائم کو خاک میں ملا دیا تھا۔ ایم ایم عالم نے 1 منٹ کے اندر دشمن کے 5 طیارے تباہ کر کے دشمن کے غرور کو خاک میں ملا دیا تھا، پوری قوم کو پاک فضائیہ پر فخر ہے، وطن کی خاطر اپنی جانوں کا نذرانہ پیش کرنے والے پاک فضائیہ کے شہداء کو سلام پیش کرتے ہیں،
یوم فضائیہ،پی اے ایف کے تمام بیسز پر یوم شہداء کی تقریب
ایئر چیف مارشل ظہیر احمد بابر سدھو نے کہا ہے کہ پاک فضائیہ کی قربانیوں، بہادری اور پیشہ ورانہ مہارت کی قابل فخر تاریخ ہے،ڈی جی آئی ایس پی آر کے مطابق ملک بھر میں پی اے ایف کے تمام بیسز پر یوم شہداء منایا گیا، 1965ء اور 1971ء کی جنگوں کے شہداء کی قربانیوں کو خراج عقیدت پیش کیا گیا،ایئر ہیڈ کوارٹرز اسلام آباد میں یومِ شہداء کی مناسبت سے تقریب ہوئی،تقریب کے مہمان خصوصی ایئر چیف مارشل ظہیر احمد بابر سدھو نے کہا کہ ہم اپنے ہیروز کے شکر گزار ہیں کہ وہ ہماری آنے والی نسلوں کے لیے قربانی کی اعلیٰ مثال قائم کر رہے ہیں، ہم ان ہیروز کو دل کی گہرائیوں سے خراج تحسین پیش کرتے ہیں، جنہوں نے وطن کے لیے لازوال قربانیاں دیں۔
وفاقی وزیر نجکاری عبدالعلیم خان نے کہا ہے کہ یوم فضائیہ کے موقع پر وطن کی خاطر جانیں قربان کرنے والے بہادر ہوا بازوں کو خراج عقیدت اور سلام،یوم فضائیہ ہوائی جانبازوں کی سنہری داستانوں کا دن ہے۔ پاک فضائیہ کا 1965کی جنگ میں کردار ناقابل فراموش ہے جب بہادر ہوا بازوں نے محدود وسائل کے باوجود نہ صرف بھارتی فضائی جارحیت کو ناکام بنایا بلکہ بھارت کو اپنی بے مثال شجاعت کے ذریعے عبرتناک شکست سے دوچار کیا۔ قومی ہیرو ایم ایم عالم نے1منٹ میں دشمن کے 5 طیارے گرا کر اُن کا غرور خاک میں ملایا۔ پوری قوم کو پاک فضائیہ اور ان کی صلاحیتوں پر فخر ہے۔
قوم کو پاک فضائیہ کے شاہینوں کی پیشہ ورانہ صلاحیتوں اور جرات و بہادری پر فخر ہے۔ مریم نواز
وزیراعلی پنجاب مریم نوازشریف نےیوم فضائیہ پر پیغام میں کہا ہے کہ پاک فضائیہ کے شاہینوں کو سلام پیش کرتے ہیں- آج پاک فضائیہ کے شاہینوں کے پیشہ ورانہ مہارت اور لازوال قربانیوں کوخراج تحسین پیش کرنے کا دن ہے۔ 7ستمبر 1965ء کا دن پاک فضائیہ کی تاریخ کا روشن باب ہے،پاک فضائیہ کے شاہین صفت پائلٹ ایم ایم عالم نے 1965 کی جنگ میں ایک منٹ کے میں 5 بھارتی طیارے تباہ کر کے ریکارڈ بنا دیا۔راشد منہاس شہید نے جرأت، شجاعت اور بہادری کی داستان رقم کیں۔پاک فضائیہ کا ناقابل فراموش کردار دفاعی تاریخ میں سنہری حروف سے لکھا جائے گا۔ قوم کو پاک فضائیہ کے شاہینوں کی پیشہ ورانہ صلاحیتوں اور جرات و بہادری پر فخر ہے۔
