ایچ آئی وی ،ایڈز پر کینیڈا میں بین الاقوامی ایڈز کانفرنس منعقد ہوئی جس میں نوجوان رہنماؤں نے پاکستان کی نمائندگی کی
ایڈز کے حوالہ سے بین الاقوامی کانفرنس میں پاکستان کی نمائندگی کرنے والوں میں جوشوا دلاور (بانی – انسٹی ٹیوٹ فار سوشل اینڈ یوتھ ڈویلپمنٹ – ISYD، لاریب عابد (بانی – مشال)، عمیر آصف (بانی – کافکا ویلفیئر آرگنائزیشن)، ابیشے گل (تخلیقی ڈائریکٹر – انسٹی ٹیوٹ فار سوشل اینڈ یوتھ ڈویلپمنٹ – ISYD)، چناں ڈویلپمنٹ ایسوسی ایشن سے ثمرین سہیل، خواجہ سرا سوسائٹی سے ماہ نور، ڈاکٹر سارہ گل اور دیگر کارکنان شامل تھے
کینیڈا میں ہونے والی بین الاقوامی ایڈز کانفرنس مین 161 ممالک سے تقریباً 12,300 افراد نے حصہ لیا۔ پچھلے پانچ دنوں کے دوران، انہوں نے سائنس، پالیسی اور سرگرمی میں اپنی اجتماعی مہارت کو ایک ایسی دنیا کے مشترکہ وژن کی طرف پیش رفت کرنے کے لیے دوبارہ شامل کیا جس میں ایچ آئی وی اب صحت عامہ اور انفرادی فلاح و بہبود کے لیے خطرہ نہیں ہے۔
نوجوان رہنماؤں نے کانفرنس کے دوران تحقیقی مقالے پیش کیے، مختلف سیشنز کا انعقاد کیا گیا تھا جن میں نوجوانوں نے شرکت کی،، مختلف پینلز بنا کر تقاریر بھی کروائی گئیں، اور کانفرنس کے گلوبل یوتھ ویلج میں پاکستانی ثقافتی پرفارمنس پیش کی گئی جو کہ ملک اور خطے کی ثقافت کو دکھانے کا ایک بہت بڑا موقع تھا۔
جوشوا دلاور نے مونٹریال یوتھ فورس کے زیر اہتمام ایک سیشن جس کا عنوان تھا "نوجوانوں کو بااختیار بنانا اور نوجوان آوازوں کو مضبوط بنانا”۔میں بطور مہمان مقرر شرکت کی جوشوا نے ایچ آئی وی ایڈز کے حوالہ سے بھی بات کی، انہوں نے کینیڈا کے وفاقی وزیر صحت جین – یویس ڈوکلوس اور منسٹر آف مینٹل ہیلتھ اینڈ ایڈکشن کیرولین بینیٹ سے بھی ملاقات کی
شیخ رشید کی جانب سے سندھ کو ایڈزستان کہنے پر بلاول نے کیا کام کیا؟
بلاول کے شہر لاڑکانہ میں مزید 617 افراد میں ایڈز کی تشخیص
نیب متحرک، ایڈزکنٹرول پروگرام کے مالی امور،فنڈنگ کی تفصیلات طلب
جیلوں میں 140 نوزائیدہ بچے بھی ماؤں کے ہمراہ قید، جیلوں میں ایڈز کے مریض کتنے؟
پنجاب میں ایڈز کے مریضوں کی تعداد کے حوالے سے رپورٹ پنجاب اسمبلی میں جمع
عمیر نے گلوبل ولیج اور یوتھ پویلین میں منعقدہ کھیلوں اور ایچ آئی وی/ایڈز کی وکالت کے سیشن میں بطور مقرر شرکت کی۔ اس کے علاوہ، وہ مونٹریال یوتھ فورس، گلوبل ولیج اور یوتھ پویلین کمیٹی اور یوتھ پویلین ورکنگ گروپ کا حصہ تھے۔
لاریب نے مونٹریال یوتھ فورس کے تحت ’ینگ لیڈرز‘ کے ایک پینل سے خطاب کیا۔ انہوں نے نچلی سطح سے لے کر پالیسی کی سطح تک نوجوانوں کی آوازوں اور نوجوانوں کی بامعنی شرکت کی اہمیت پر بات کی، ابیشے، جوشوا اور لاریب نے گلوبل یوتھ ویلج میں پاکستان اور خطے کی ثقافت کو اجاگر کرنے کے لیے ثقافتی پرفارمنس کا بھی اہتمام کیا۔
کینیڈا میں ہونے والی بین الاقوامی ایڈز کانفرنس میں پاکستان کی نمائندگی کرنے والے ان نوجواانوں نے کینیڈا کی سینیٹر رینی گریشیا سے بھی ملاقات کی
