سائفر کیس میں عمران خان نے سپریم کورٹ میں درخواست ضمانت دائر کر دی
عمران خان کی قانونی ٹیم کی جانب سے سپریم کورٹ میں درخواست ضمانت دائر کی گئی، درخواست میں سائفر کیس میں ضمانت دینے کی استدعا کی گئی،عمران خان کی جانب سے دائر درخواست میں کہا گیا کہ چیئرمین پی ٹی آئی مکمل یقین دہانی کرواتے ہیں کہ وہ ضمانت ملنے کے بعد مفرور نہیں ہونگے،عمران خان یقین دہانی کرواتے ہیں کہ وہ عدالت کی تسلی کیلئے معقول ضمانت دینے کو تیار ہیں ، یقین دہانی کرواتے ہیں کہ وہ استغاثہ کے گواہان کے ساتھ جعل سازی نہیں کریں گے،اسلام آباد ہائیکورٹ کے 16 اکتوبر کے فیصلے کیخلاف اپیل منظور کی جائے، چیئرمین پی ٹی آئی کی سائفر کیس میں بعد از گرفتاری ضمانت منظور کی جائے،
واضح رہے کہ سائفر کیس میں عمران خان کی درخواست ضمانت ہفتے کے روز اسلام آباد ہائیکورٹ نے مسترد کر دی تھی،اسلام آباد ہائیکورٹ کے چیف جسٹس عامر فاروق نے 20 صفحات پر مشتمل تفصیلی فیصلہ جاری کیا،تحریری فیصلے میں عدالت نے کہا کہ بادی النظر میں مقدمہ میں آفیشل سیکرٹ ایکٹ کی سیکشن فائیو کا اطلاق ہوتا ہے،پراسیکیوشن کا کیس ہے کہ وزارت خارجہ نے سائفر کو ڈی کوڈ کر کے پرائم منسٹر سیکرٹریٹ کو بھجوایا،چیئرمین پی ٹی آئی نے بطور وزیراعظم سائفر کو وصول کیا اور بظاہر گم کر دیا،چیئرمین پی ٹی آئی نے سائفر کے مندرجات کو ٹوئسٹ کر کے سیاسی مقاصد کے لیے استعمال کیا
واضح رہے کہ عمران خان سائفر کیس میں اڈیالہ جیل میں جوڈیشل ریمانڈ پر ہیں، عمران خان پر فرد جرم عائد ہو چکی ہے، عمران خان کے خلاف کیس میں اگلی سماعت پر گواہوں کے بیانات ریکارڈ ہونے ہیں.
جنرل عاصم منیر کے نام مبشر لقمان کا اہم پیغام
عمران خان پربجلیاں، بشری بیگم کہاں جاتی؟عمران کےاکاونٹ میں کتنا مال،مبشر لقمان کا چیلنج
ہوشیار۔! آدھی رات 3 بڑی خبریں آگئی
بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف
