معاون خصوصی برائے اوورسیز پاکستانی زلفی بخاری اور فواد خان کا نام جنوبی ایشیا کے5 بہترین اسٹائل آئکن کی فہرست میں شامل

پاکستان شوبز انڈسٹری کے پُرکشش اور خوبرواداکار فواد خان اور وزیراعظم عمران خان کے معاون خصوصی زلفی بخاری کا نام جنوبی ایشیا کے 5 بہترین اسٹائل آئکن میں شامل کیا گیا ہے-

باغی ٹی وی : زلفی بخاری نے اپنے انسٹا گرم پر ایک پوسٹ میں زلفی بخاری ،فواد کان، رز احمد، ویرات کوہلی اور رنویر سنگھ کی تصاویر شئیر کیں جس میں انہیں ’ایشین اسٹائل میگزین‘ نے جنوبی ایشیا کے 5 بہترین ملبوسات زیب تن کرنے والے مرد (اسٹائل آئکن) کی فہرست میں نامزد کیا گیا ہے تصویر شئیر کرتے ہوئے معاون خصوصی برائے اوور سیز پاکستانی نے میگزین کا اس اعزاز کے لئے شکریہ ادا کیا-
https://www.instagram.com/p/CBaVCYqhpTN/?igshid=qbuondv8sqxl
حال ہی میں برطانیہ سے شائع ہونے والے ’ایشین اسٹائل میگزین‘ نے جنوبی ایشیا کے 5 بہترین ملبوسات زیب تن کرنے والے مرد (اسٹائل آئکن) کی فہرست جاری کی ہے جس میں اداکار فواد خان اور معاون خصوصی برائے اوور سیز زلفی بخاری اور فواد خان سمیت پاکستان کے تین اور بھارت کے دو نام شامل ہیں۔

فواد خان نے اپنی پرکشش شخصیت سے نہ صرف پاکستانیوں کو بلکہ سرحد پار مداحوں کو بھی دیوانہ بنایا ہوا ہے۔ حال ہی میں ٹی سی کینڈلراور انڈیپینڈنٹ کرٹکس ویب سائٹس کی جانب سے فواد خان کا نام دنیا کے 100 پرکشش چہروں کے لیے نامزد ہوا ہے اور اب ان کا نام ایشین اسٹائل میگزین کی جانب سے جنوبی ایشیا کے 5 اسٹائل آئکن میں شامل کیا گیا ہے۔

فہرست میں دوسرا نام پاکستانی سیاستدان اور وزیراعظم کے معاون خصوصی برائے سمندر اوورسیز پاکستانی زلفی بخاری کا ہے۔ انہیں ان کے بہترین اسٹائل کی وجہ سے فہرست میں جگہ دی گئی ہے۔ میگزین کے مطابق زلفی بخاری مشرقی اور مغربی لباس کو بہترین انداز میں زیب تن کرتے ہیں۔ زلفی بخاری کی بدولت پاکستانی سیاستدانوں کے لیے نیاٹرینڈ دیکھا گیا ہے-

فہرست میں تیسرے نمبر پر پاکستانی نژاد برطانوی ہالی وڈ اداکار رضوان احمد جنہیں بین الاقوامی طور پر رزاحمد کے نام سے جانا جاتا ہے کا نام بھی فہرست میں شامل ہے۔

اس کے بعد فہرست میں چوتھا اور پانچواں نام بھارتی کرکٹر ویرات کوہلی اور اداکار رنویر سنگھ کا ہے-

عمران عباس 2020 کے 100خوبصورت چہروں کے مقابلے کی فہرست میں شامل

فواد خان 2020 کے 100خوبصورت چہروں کے مقابلے کی فہرست میں شامل