دنیاپور : سرچ آپریشن کے دوران منشیات برآمد

دنیاپور(نمائندہ باغی ٹی وی))ڈسٹرکٹ پولیس آفیسر ملک جمیل ظفر کی ہدایت پر نیشنل ایکشن پلان کے تحت ایس ایچ او تھانہ صدر دنیاپور خالد محمود سنگھیڑا نے پولیس کی بھاری نفری،ایلیٹ فورس اور حساس اداروں کے جوانوں کے ہمراہ چک نمبر 2 ایم میں سرچ آپریشن کیا،سرچ آپریشن کے دوران 24 سے زائد گھروں کی تلاشی لی گئی،تلاشی کے دوران منشیات فروشوں افضل،آصف اور بیزاد سے 740 گرام چرس برآمد ہوئی،تھانہ صدر دنیاپور پولیس نے ملزمان کو گرفتار کر کے ان کے خلاف الگ الگ مقدمات درج کر دئیے ہیں،سرچ آپریشن کے دوران 31 مشکوک افراد کے شناختی کارڈز کی بائیو میٹرک تصدیق کی گئی اور ان کی گاڑیوں کی رجسٹریشن کی تصدیق بھی کی گئی،سرچ آپریشن کے دوران فورتھ شیڈول میں شامل شخص کو بھی چیک کیا گیا،ڈسٹرکٹ پولیس آفیسر ملک جمیل ظفر نے میڈیا سے گفتگو کرتے ہوئے کہا کہ شہریوں کے جان و مال کے تحفظ اور جرائم پیشہ عناصر کی سرکوبی کے لئے ضلع بھر میں غیر امتیازی سرچ آپریشن جاری ہیں،سرچ آپریشن کا مقصد شہریوں کے جان و مال اور عزت کے تحفظ کو یقینی بنانا ہے-