سی ٹی ڈی کی بڑی کاروائی، کالعدم تنظیم کے کتنے دہشت گرد کئے گرفتار؟

سی ٹی ڈی کی بڑی کاروائی، کالعدم تنظیم کے کتنے دہشت گرد کئے گرفتار؟

باغی ٹی وی کی رپورٹ کے مطابق سی ٹی ڈی پنجاب نے لیہ میں کارروائی کی ہے اور کالعدم تنظیم کے3 دہشتگرد گرفتار کئے ہیں،سی ٹی ڈی ترجمان کے مطابق گرفتاردہشتگردوں سے دھماکہ خیزمواد برآمد ہوا ہے. سی ٹی ڈی ڈی جی خان کی ٹیم نےکارروائی چوبارہ ڈگری کالج کےقریب کی،گرفتاردہشتگردوں میں محمدسلیم،محمدقاسم اورجمیل الرحمان شامل ہیں

سی ٹی ڈی ترجمان کے مطابق گرفتار دہشت گردوں کا تعلق کالعدم تنظیم سے ہے ،انہیں تفتیش کے لئے نامعلوم مقام پر منتقل کر دیا گیا ہے.

قبل ازیں رواں ماہ ایک ہفتہ قبل پنجاب کے ضلع چنیوٹ سے سی ٹی ڈی نے کارروائی کرکے ایک مبینہ دہشتگرد کو گرفتارکیا،،سی ٹی ڈی ذرائع کے مطابق گرفتار کیے جانے والے دہشتگرد کا تعلق کالعدم تنظیم سے ہے ،سی ٹی ڈی ترجمان کے مطابق گرفتار مبینہ دہشت گرد کے قبضہ سے ہینڈ گرنیڈ و دیگر سامان برآمد کیا گیا ہے، سی ٹی ڈی نے ملزم کو تفتیش کے لئے نامعلوم مقام پر منتقل کر دیا

قبل ازیں پنجاب کے ضلع بہاولنگرسے کالعدم تنظیم کے 2مبینہ دہشت گرد گرفتار کیے گئے، سی ٹی ڈی ترجمان کے مطابق گرفتاردہشت گرد حساس تنصیبات کونشانہ بنانا چاہتے تھے، گرفتاردہشت گردوں میں سعید اکبراورحسیب جاوید شامل ہیں جن کا تعلق کالعدم تنظیم سے ہے، گرفتار دہشت گردوں کے قبضے سے اسلحہ بھی برآمد ہوا ہے.

کوئٹہ، سی ٹی ڈی کا آپریشن مکمل، خاتون خودکش بمبار سمیت چھ دہشت گرد ہلاک

سی ٹی ڈی نے راولپنڈی میں دہشت گردی کا بڑا منصوبہ ناکام بنا دیا

قبل ازیں سی ٹی ڈی نے 13 ستمبر کو جنوبی پنجاب کے علاقے راجن پور میں کاروائی کرتے ہوئے 3 دہشت گردوں کو گرفتارکیا تھا جن کے قبضے سے اسلحہ و بارودی مواد برآمد ہوا تھا.