کراچی : باغی ٹی وی کی دسویں سالگرہ پر صوبائی دفتر کراچی میں جشن کا سماں ، سالگرہ کا کیک کاٹا گیا۔
تفصیلات کے مطابق باغی ٹی وی کی دسویں سالگرہ کے موقع پر صوبائی دفتر کراچی میں سالگرہ کا کیک کاٹا گیا ۔ جس میں صوبائی دفتر کراچی کے بیورو چیف ملک ضمیر نے کیک کاٹا ۔ اس موقع پر باغی ٹی وی کے اہم ذمہ داران نے شرکت کی جن میں باغی ٹی وی کراچی کی نیوز ایڈیٹرمہر رضا ، نیوز اینکر شبانہ شیخ ، نیوز اینکر مس اریبہ رمل ، ہر دلعزیز ہوسٹ اسد احمد خان ، کیمرہ مین راجا محمد طلحہ اس کے علاوہ اے آر جی کے وائس پریزیڈنٹ فیضان رضا ، باغی ٹی وی کی ٹیم کے وقار ، کندن لال ، محمد وارث اور دیگر نے شرکت کی ۔
باغی ٹی وی کے دس سال مکمل ہونے پر باغی ٹی وی ٹیم کراچی نے سینئر صحافی و اینکر پرسن مبشر لقمان صاحب کی لمبی زندگی کے لئے دعا بھی کی اور نیک تمناؤں کا اظہار کیا ۔ مبشر لقمان صاحب نے دس سال پہلے اس سفر کا آغاز اپنی انتھک محنت سے کیا پچھلے سال وہ کراچی آئے اور کراچی میں باغی چینل کے صوبائی دفتر کی بنیاد رکھی جس کے بیورو چیف ملک ضمیر صاحب ہیں ۔
باغی نیوز کے مطابق بیورو چیف ملک ضمیر صاحب ٹیم کے ساتھ گھل مل گئے سالگرہ کا کیک کاٹا اس کے بعد خوشی کا اظہار کرتے ہوئے ٹیم کے ساتھ خوشیوں میں شامل ہو گئے ۔
اس موقع پر ایڈیٹر باغی ٹی وی ممتاز اعوان کا بھی شکریہ ادا کیا اور باغی ٹی وی کی دن دوگنی رات چوگنی ترقی کے لئے دعائیں مانگی گئیں ۔باغی ٹی وی کے دس سال مکمل ہونے پر سیاسی و سماجی رہنماؤں کی مبارکباد کا سلسلہ بھی جاری ہے ، مختلف وکلاء برادری نے بھی مبارکباد دی اور نیک تمناؤں کا اظہار کیا ۔
باغی ٹی وی کی دسویں سالگرہ، ٹویٹر پر #10YearsOfBaaghiTv ٹاپ ٹرینڈ
باغی ٹی وی کی کامیابی کے دس برسوں کا سہرا مبشر لقمان کے سر۔خراج تحسین
باغی ٹی وی”کی آج 10 ویں سالگرہ:پاکستان سمیت دنیابھرمیں لوگوں کے دل کی دھڑکن بن گیا
کراچی دھماکہ،باغی ٹی وی بیورو آفس کے شیشے ٹوٹ گئے
باغی ٹی وی کی دسویں سالگرہ، دفتر میں کاٹا گیا کیک،مبشر لقمان کو دی مبارکباد
