fbpx

ملک میں 4 ماہ بعد کورونا کا بڑا وار،مثبت کیسز کی شرح 6.12 فیصد ہو گئی

پاکستان میں 4 ماہ بعد ایک ہی روز میں عالمی وبا کورونا وائرس کے 3 ہزار سے زائد کیسزسامنے آگئے اور دنیا بھر میں ایک دن میں 31 لاکھ سے زائد افراد کورونا سے متاثر ہوئے جبکہ 4 دنوں میں ایک کروڑ سے زائد کیسز کی تصدیق کی گئی-

باغی ٹی وی :نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 49 ہزار 270 کورونا ٹیسٹ کیے گئے مزید 3 ہزار 19 کورونا کیسز رپورٹ ہوئے جبکہ وبا سے 5 افراد جاں بحق ہو گئے-

بچ جاو:بچالو:احتیاط اپنالو:اومیکرون نہیں چھوڑے گا: بوسٹر شاٹ بھی نہیں بچا پائےگا:ڈاکٹروں کی…

این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 13 لاکھ 12 ہزار 267 جبکہ اموات کی مجموعی تعداد 28 ہزار 992 ہو گئی ہے اور مثبت کیسز کی شرح 6.12 فیصد رہی۔

سندھ میں کورونا کے کیسز کی تعداد 4 لاکھ 91 ہزار743، خیبر پختونخوا میں ایک لاکھ 81 ہزار 906، پنجاب میں 4 لاکھ 49 ہزار 843، اسلام آباد میں ایک لاکھ 9ہزار 944، بلوچستان میں 33 ہزار 675، آزاد کشمیر میں 34 ہزار 719 اور گلگت بلتستان میں 10 ہزار 437 ہو گئی ہے۔

کورونا کے سبب سب سے زیادہ اموات پنجاب میں ہوئی ہیں جہاں 13 ہزار084افراد جان کی بازی ہار چکے ہیں جبکہ سندھ میں 7 ہزار 691، خیبرپختونخوا 5 ہزار 948، اسلام آباد 967، گلگت بلتستان 186، بلوچستان میں 367 اور آزاد کشمیر میں 749 افراد جان کی بازی ہار چکے ہیں۔

دوسری جانب اسپین میں ایک لاکھ 79ہزار،برطانیہ میں ایک لاکھ 29 ہزارسے زائد کیسز رپورٹ،بھارت میں 2 لاکھ 41 ہزار، اٹلی میں ایک لاکھ 96 ہزارزائد کیسز رپورٹ، فرانس میں 3 لاکھ 61 ہزار سے زائد کیسز رپورٹ جبکہ امریکہ میں 6 لاکھ 57 ہزار سے زائد کیسز رپورٹ ہوئے-

کورونا وبا:ملک میں اموات اور مثبت کیسز کی شرح میں اضافہ

محکمہ سپیشلائزڈ ہیلتھ کیئر پنجاب میں کورونا ایکسپرٹ ایڈوائزری گروپ کا ہنگامی اجلاس ہوا، سیکرٹری پرائمری اینڈ سیکنڈری ہیلتھ کیئر عمران سکندر بلوچ اور چیئرمین سیاگ پروفیسر محمود شوکت کی زیر صدارت اجلاس کا انعقاد کیا گیا ،اجلاس میں پنجاب میں امیکرون کے بڑھتے ہوئے کیسز کا تفصیلی جائزہ لیا گیا ،گزشتہ 24 گھنٹوں میں لاہور میں کورونا کی 10.7 فی صد اور راولپنڈی میں 7.4 فیصد پازیٹوٹی شرح ریکارڈ کی گئی۔پنجاب میں گزشتہ 24 گھنٹوں میں 919 افراد کورونا کے رپورٹ ہوئے پنجاب میں 24 گھنٹوں میں 19580 افراد کے ٹیسٹ کئے گئے۔لاہور میں گزشتہ 24 گھنٹوں میں کووڈ کے 49 کیسز رپورٹ ہوئے۔لاہور میں RED کورونا مہم بھرپور انداز سے جاری ہے۔

پروفیسر محمود شوکت کا کہنا تھا کہ کووڈ کے کیسز میں اضافہ شادیوں اور دیگر اجتماعات کی وجہ سے ہورہا ہے کورونا ویکسینیشن اور ایس او پیز پر مکمل عملدرآمد کے لئے شہریوں کے رویوں میں تبدیلی لانا ضروری ہے۔ تمام ٹیچنگ ہسپتالوں نے کورونا کے کیسز کی شرح میں اضافہ کے پیش نظر ریمپ اپ پلان تیار کر لئے۔اجلاس میں سپیشل سیکرٹری محمد اجمل بھٹی، سپیشل سیکرٹری صحت صالحہ سعید، وائس چانسلر یونیورسٹی آف ہیلتھ سائنسز پروفیسر مسعود صادق اور تمام ٹیچنگ ہسپتالوں کے ایم ایس صاحبان نے شرکت کی

Facebook Notice for EU! You need to login to view and post FB Comments!