سانحہ اے پی ایس کی 5 ویں برسی ڈی پی او آفس میں دعائیہ تقریب

چنیوٹ
سانحہ اے پی ایس کی 5 ویں برسی ڈی پی او آفس میں دعائیہ تقریب پولیس افسران اور ملازمین نے شہدا اے پی ایس کو خراج عقیدت پیش کیا دہشتگردوں کے خلاف عزم کو کوئی کمزور نہیں کرسکتا ڈی پی او چنیوٹ سید حسنین حیدر کی میڈیا سے گفتگو
سانحہ اے پی ایس کے شہداء کی 5 ویں برسی کے موقع پر ڈی پی او آفس میں دعائیہ تقریب کا انعقاد کیا گیا.دعائیہ تقریب میں ڈی پی او سید حسنین حیدر اور دفتری عملہ نے شرکت کی.اس موقع پر شہداء کے درجات کی بلندی کے لیے خصوصی دعا کی گئی.میڈیا سے گفتگو کرتے ہوئے ڈی پی او کا کہنا تھا کہ معصوم بچوں کی قربانی کو بھلایا نہیں جاسکتا اور ہم انکے خاندانوں کے دکھ میں برابر کے شریک ہیں.دہشت گرد بزدلانہ حملے کر کے ہمارے حوصلے پست نہیں کر سکتے .ہم امن کے دشمنوں کیساتھ لڑنے کے لیے پوری طرح تیار ہیں اور دشمن کے عزائم کو ہمیشہ خاک میں ملاتے رہیں گے. سانحہ اے پی ایس کے شہداء کو سلام پیش کرنے کے ساتھ ساتھ قانون نافذ کرنے والے مختلف اداروں کے ان جوانوں کوبھی خراج تحسین پیش کرتا ہوں جنہوں نے اپنی جانوں کی پرواہ نہ کرتے ہوئے دہشت گردوں کو کیفرِ کردار تک پہنچایا۔ اور یہ عہد کرتے ہیں کہ ارضِ پاک سے آخری دہشتگرد کے خاتمے تک چین سے نہیں بیٹھیں گے۔