2020 میں پاکستان میں گوگل پر سب سے زیادہ سرچ کئے جانے والے ڈرامے اور فلمیں

گوگل ٹرینڈز نے سال 2020 میں پاکستان میں سب سے زیادہ سرچ کیے جانے والے، ڈراموں، فلموں اور ویب سیریز کی فہرست جاری کردی ہے۔

باغی ٹی وی : گوگل ٹرینڈز نے سال 2020 میں پاکستان میں سب سے زیادہ سرچ کیے جانے والے، ڈراموں، فلموں اور ویب سیریز کی فہرست جاری کردی ہے اور پاکستان میں ایک کے بعد ایک اعزاز اپنے نام کرنے وال ترک ڈرامہ سیریل ارطغرل غازی’ سال 2002 میں انٹرنیٹ پر سب سے زیادہ سرچ کیا جانے والا ڈرامہ بن گیا اور اس نے مقبولیت میں پاکستانی ڈراموں، فلموں اور ہا لی وڈ اور با لی وڈ فلموں کو بھی پیچھے چھوڑ دیا۔

1:ارطغرل غازی سال 2020 میں انٹرنیٹ پر سب سے زیادہ سرچ کیا جانے والا ڈرامہ پہلے نمبر پر ہے اور اسے سب سے زیادہ آزاد جموں و کشمیر میں سرچ کیا گیا ارطغرل غازی کو دوسرے نمبر پر پنجاب، تیسرے نمبر پر خیبر پختونخوا اور چوتھے نمبر پر بلوچستان میں سرچ کیا گیاجبکہ حیران کن طور پر کراچی جیسے بڑے شہرمیں ارطغرل غازی کو صوبہ سندھ میں سب سے کم سرچ کیا گیا-

2: دوسرے نمبر پر پاکستان ڈرامہ انڈسٹری میں نئے ریکارڈز بنانے والے ہمایوں سعید اور عدنان صدیقی کے ڈرامے میرے پاس تم ہو کو اس کی کہانی کی وجہ سے پاکستان میں بہت زیادہ سرچ کیا گیا اس ڈرامے کو سب سے زیادہ صوبہ سندھ میں سرچ کیا گیا۔

3:نیٹ فلیکس کی ویب سیریز ’منی ہیسٹ‘ بھی رواں سال پاکستان میں سب سے زیادہ سرچ کی جانے والی سیریز کی فہرست میں تیسرے نمبر پر رہی اس ویب سیریز کی مرکزی کہانی ڈکیتوں کے ایک گروہ کے گرد گھومتی ہے جو اسپین کے مرکزی بینک اور ایک حکومتی مالیاتی ادارے سے چوری کرتے ہیں۔

4:بھارتی ریئلٹی شو بگ باس 14 سال 2020 میں پاکستان میں انٹرنیٹ پر سرچ کی گئی فہرست میں چوتھے نمبر پر رہا۔اس شو کو نہ صرف بھارت بلکہ پاکستان مین بھی شوق سے دیکھا جاتا ہے-

5: پاکستان میں سب سے زیادہ سرچ کی جانے والی فلموں، ڈراموں اور ویب سیریز میں بھارتی ویب سیریز مرزاپور 2 بھی شامل ہے اور یہ فہرست میں پانچویں نمبر پر ہے-

6:نجی ٹی وی چینل جیو پر نشر ہونے والا پاکستانی ڈرامہ سیریل دیوانگی کو بھی انٹرنیٹ پر اس کی کہانی کی وجہ سے زیادہ سرچ کیا گیا اور وہ فہرست میں چھٹے نمبر پر رہا۔

7:نجی ٹی وی چینل اے آر وائی پر نشر ہونے والا ڈرامہ سیریل میرا دل میرا دشمن کو بھی اس کی کہانی کی وجہ سے انٹرنیٹ پر زیادہ سرچ کیا گیا اور وہ سرچ فہرست میں ساتویں نمبر پر رہا۔

8:ترکی کا دوسرا مقبول ڈرامہ کورلش عثمان بھی سب سے زیادہ سرچ کیے جانے والوں ڈراموں میں شمار ہوا اس ڈرامے کے دوسرے سیزن کا آغاز اکتوبر 2020 میں ہوا تھا اور اگرچہ اس ڈرامے کو اردو میں پاکستان میں نشر نہیں کیا جا رہا تاہم اس کے باوجود اسے انٹرنیٹ پر سرچ کیا جاتا رہا اور وہ سرچ فہرست میں آٹھویں نمبر پر رہا-

9: آئی ایس پی آر کے تعاون سے بنا پاکستان کا مقبول ڈرامہ سیریل عہد وفا سرچ فہرست میں نوویں نمبر پر رہا-

10:ہا لی وڈ فلم جوکر سال 2020 میں پاکستان میں سب سے زیادہ سرچ کیے جانے والے فلموں اور ڈراموں میں دسویں نمبر پر رہی نہ صرف اس فلم کو سرچ کیا جاتا رہا بلکہ اس کے مرکزی کردار جوکر کو بھی سرچ کیا جاتا رہا۔