سکیورٹی فورسز نے لکی مروت میں دہشت گردوں کے 3 حملے ناکام بنا دیئے

0
34
opration

سکیورٹی فورسز نے لکی مروت میں دہشت گردوں کے 3 حملے ناکام بنا دیئے

ڈی جی آئی ایس پی آر کے مطابق گزشتہ رات لکی مروت میں دہشتگردوں نے تین جگہ پر حملہ کیا، فورسز کی چوکی کے قریب موٹرسائیکل سوار خودکش بمبار نے خود کو اڑا لیا ،فوجیوں اور دہشت گردوں کے درمیان شدید فائرنگ کا تبادلہ ہوا ,سکیورٹی فورسز سے لڑائی میں 4 دہشت گرد جہنم واصل ہوئے، امیرکلام اور تاجبی خیل میں دہشت گردوں کے ساتھ دو مقابلے ہوئے،دہشت گرد کمانڈر موسیٰ خان سمیت 3 گنا مزید دہشت گرد مارے گئے،

ڈی جی آئی ایس پی آر کے مطابق فائرنگ کے تبادلے میں 3 جوان شہید ہو گئے،صوبیدار تاج میر، حوالدار ذاکر احمد، سپاہی عابد حسین نے جام شہادت نوش کیا پاک فوج کے جوانوں نے بہادری سے لڑ کر شہادت کو گلے لگایا،

پی پی پی چیئرمین و وزیر خارجہ بلاول بھٹو زرداری نے لکی مروت میں سیکیورٹی فورسز پر حملے کی مذمت کی ہے، پی پی پی چیئرمین نے واقعے میں تین اہلکاروں کی شہادت پر افسوس کا اظہار کیا ہے،اور کہا ہے کہ شہید اہلکاروں نائیک صوبیدار تاج میر، حوالدار ذاکر احمد اور سپاہی عابد حسین کو مادر وطن کی خاطر جان نچھاور کرنے پر سلام پیش کرتا ہوں ،شہید اہلکاروں کے لواحقین کے غم میں پوری قوم برابر کی شریک ہے، شہداء قوم کو بہادر بیٹے تھے، چیئرمین بلاول بھٹو زرداری نے دہشگردوں کو جہنم رسید کرنے پر سکیورٹی فورسز کو شاباش دی اور کہا کہ دنیا دیکھ لے، پاکستان دہشتگردی کے خلاف نبرد آزما ہے، فتح انسانیت کی ہوگی

نگران وزیر اعلی پنجاب محسن نقوی نے لکی مروت میں دہشت گردوں کے حملے ناکام بنانے پر سکیورٹی فورسز کی بہادری کو خراج تحسین پیش کیاہے۔محسن نقوی نے کہا کہ شہید نائب صوبیدار تاج میر، شہید حوالدارذاکر احمد او رشہید سپاہی عابد حسین کی عظیم قربانی کو خراج عقیدت پیش کرتے ہیں۔شہداء نے اپنی جان دے کر دہشت گردوں کے مذموم عزائم کو ناکام بنایا او رانہیں جہنم واصل کیا۔انہوں نے کہاکہ شہدائے وطن قوم کے ہیرو ہیں جنہو ں نے شہادت کا بلند رتبہ پایا ہے۔ قوم شہداء کی لازوال قربانیوں کو فراموش نہیں کرسکتی۔شہداء کے خاندانوں کے ساتھ مکمل یکجہتی او ردلی ہمدردی کااظہار کرتے ہیں

سینئرصحافی و اینکر پرسن مبشر لقمان نے سابق وزیراعظم عمران خان کے حوالہ سے اہم انکشافات کئے ہیں

بیرونی سازش ہو اور فوج خاموشی سے بیٹھی رہے، یہ گناہ کبیرہ ہے،آرمی چیف

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

بنوں آپریشن کے بعد سپہ سالار جنرل عاصم منیر کا وزیرستان،ایس ایس جی ہیڈکوارٹر کا دورہ بھی اہمیت کا حامل 

Leave a reply