آصف زرداری کی ضمانت کی درخواست پر عدالت نے کیا حکم دے دیا؟
باغی ٹی وی کی رپورٹ کے مطابق سابق صدرآصف زرداری اور فریال تالپور کی ضمانت بعد از گرفتاری کی درخواستوں پر سماعت ہوئی، اسلام آبادہائیکورٹ نے فریال تالپور کی درخواست پر نیب سے جواب طلب کرلیا،اسلام آباد ہائیکورٹ کے 2رکنی خصوصی بینچ درخواستوں پر سماعت کی،
چیف جسٹس اطہرمن اللہ نے استفسار کیا کہ کیا آصف زرداری کا کوئی میڈیکل بورڈ بنا؟ کیا کوئی تازہ رپورٹ ہے؟ آصف زرداری کے وکیل نے کہا کہ آصف زرداری کو دل کا مرض لاحق ہے،پنجاب حکومت کی جانب سے میڈیکل بورڈ بنایا گیا تھا،
اسلام آبادہائیکورٹ نے پمز کےسربراہ کو آصف زرداری کیلئےمیڈیکل بورڈ بنانے کا حکم دیا،عدالت نے کہا کہ پمزکےسربراہ کوکہہ دیتے ہیں کہ میڈیکل بورڈ بنا کر رپورٹ پیش کریں،عدالت نے نیب کو آئندہ سماعت پر تحریری جواب جمع کرانے کا حکم دے دیا،
آصف زرداری اور فریال تالپور کی درخواستوں پر سماعت 11دسمبر تک ملتوی کر دی گئی،
سابق صدر آصف زرداری نے طبی بنیادوں پردرخواست ضمانت دائرکی ہے درخواست میں وفاقی حکومت اوردیگرکو فریق بنایا گیاہے ،درخواست میں عدالت سے استدعا کی گئی ہے کہ طبی حالات کے پیش نظرضمانت منظور کی جائے.
سابق صدر نے موقف اختیار کیا ہے کہ دل کی بیماری لاحق ہے، تین سٹنٹ ڈل چکے ہیں، شوگر کا مرض ہوں اور شوگر لیول کنٹرول کرنے کے لیے مستقل علاج کی ضرورت ہے۔ درخواست کے ساتھ میڈیکل رپورٹس بھی لف کی گئی ہیں۔
آصف زرداری کی جانب سے پارک لین اور منی لانڈرنگ میں الگ الگ درخواست ضمانت دائرکی گئی ہے،فریال تالپور کی جانب سے بھی اسلام آبادئیکورٹ میں درخواست ضمانت دائرکی گئی ہے، فریال تالپور نے عدالت سے استدعا کی ہے کہ اسپیشل بچی کی والدہ ہوں، اس کی دیکھ بھال کیلئےضمانت منظور کی جائے،
جج ویڈیو، مریم نواز سمیت سب کو ہو گی دس سال قید،نواز کی سزا میں ہو گا اضافہ
کیا آپ نے بھی کوئی ناصر بٹ رکھا ہوا ہے؟ سوال پرزرداری نے کیا جواب دیا،اہم خبر
نیب کے مطابق آصف زرداری اورفریال تالپورپرسمٹ بینک میں خوردبردکا الزام ہے،ملزمان پرمختلف کمپنیوں کوغیرقانونی طور پر فنڈز جاری کرنے کا بھی الزام ہے، ریفرنس میں 24 ملزمان نامزد کئے گئے ہیں، نیب نے اسلام آباد کی احتساب عدالت میں ریفرنس دائر کیا ہے.ملزمان پر 2150 ملین روپے کی رقم غیرقانونی طورپرمنتقل کرنے کاالزام ہے
نواز شریف کے عدالتی فیصلے کے بعد آصف زرداری سے انتہائی اہم شخصیت کی ملاقات
