کرونا سے مرنیوالے کے گھر ہسپتال نے بھجوایا 16 لاکھ کا بل
باغی ٹی وی کی رپورٹ کے مطابق بھارت میں کرونا وائرس کا پھیلاؤ تیزی سے جاری ہے، اموات اور مریضوں میں اضافہ ہو رہا ہے
ایسے میں ممبئی کے علاقے سانتا کروز کے رہائشی ایک شخص کی کرونا سے وفات کے بعد ہسپتال نے 16 لاکھ کا بل اسکے بیٹے کو بھجوا دیا، 74 سالہ شخص ممبئی کے ہسپتال کے آئی سی یو میں 15 دن زیر علاج رہا جہاں اس کی موت ہو گئی ہے
فوت ہونے والے شخص کے بیٹے کو ہسپتال کی جانب سے 16 لاکھ کا بل موصول ہوا تو اس کا کہنا تھا کہ یہ ہمارے لئے بہت بڑا دھچکا ہے، والد کی موت ہو چکی ہم یہ بل ادا نہیں کر سکتے، کوئی بھی غریب فرد ایک لاکھ روز کا برداشت نہیں کر سکتا، مودی سرکار نے غریبوں کو مرنے کے لئے چھوڑ دیا ہے.
دوسری جانب ناناوتی اسپتال جوہو کے ڈائریکٹر منپریت سہل نے اس بات کی تردید کی ہے کہ انہوں نے زیادہ بل نہیں بھجوایا بلکہ جو بل بنتا تھا وہی بھجوایا ہے،مریض کو کرونا کے ساتھ دیگر بیماریاں بھی لاحق تھیں انکا بھی علاج کیا گیا لیکن ہم مریض کو نہین بچا سکے
کرونا سے فوت ہونے والے مریض کے بیٹے کا کہنا ہے کہ ہسپتال انتظامیہ نے 8.6 لاکھ روپے ادویات اوردیگر سامان 2.8 لاکھ روپے کوڈ چارجزکے مانگے ہیں، ہم اتنی بڑی رقم نہیں دے سکتے. ہسپتال انتظامیہ زیادتی کر رہی ہے
کرونا کا خوف، بھارت میں فوج کے بعد پولیس والوں کو بھی چھٹی دے دی گئی
کرونا لاک ڈاؤن میں بھی جرائم کم نہ ہو سکے،15 روز میں 100 افراد قتل
کرونا وائرس سے لڑنے کی بھارتی صلاحیت جان کر مودی بھی شرمسار ہو جائے
دہلی میں سی آر پی ایف میں کرونا پھیلنے لگا، ایک ہلاک، 47 مریض
سبزی و فروٹ منڈی میں بھی کرونا پھیل گیا، 12 تاجروں میں تشخیص
کرونا وائرس سے خاتون سکول ٹیچر کی ہوئی موت
واضح رہے کہ بھارت میں 17 مئی تک لاک ڈاؤن نافذ ہے،مودی سرکار نے کرونا وائرس کی وجہ سے بھارت بھر میں لاک ڈاؤن کو مزید دو ہفتے برقرار رکھنے کا فیصلہ کیا ہے بھارتی حکومت کا کہنا ہے کہ 4مئی کے بعد مزید 2 ہفتے لاک ڈاؤن جاری رہے گا، جہاں خطرہ کم ہوگا، وہاں لاک ڈاؤن میں نرمی کر دی جائے گی،نئے احکامات کے تحت 17 مئی تک لاک ڈاؤن لاگو رہے گا۔
بھارت کا شمار ان چند ممالک میں ہوتا ہے جس نے کورونا کی وبا کے پیش نظر سخت سفری پابندیاں عائد کیں۔ 25 مارچ کوشروع ہونے والے اس لاک ڈاؤن کے بعد ملک بھر میں ٹرینوں کی آمدورفت پر بھی پابندی عائد کر دی گئی تھی۔
بھارتی وزارت داخلہ کے مطابق لاک ڈاؤن تھری میں ٹرانسپورٹ سروس بند رہے گی، نائی کی دکانیں، بیوٹی پارلز بھی بند رہیں گے،ریل ، فضائی سروس بھی بند رہے گی ،تعلیمی ادارے، سینما ہال، سپورٹس کلب،سیاسی ومذہبی تقریبات، مذہبی مقامات سب بند رہیں گے
