زلفی بخاری کے دورہ اسرائیل کی خبریں، بلاول نے حکومت سے بڑا مطالبہ کر دیا

زلفی بخاری کے دورہ اسرائیل کی خبریں، بلاول نے حکومت سے بڑا مطالبہ کر دیا

باغی ٹی وی کی رپورٹ کے مطابق زلفی بخاری کی اسرائیل کے دورے کی خبروں پر پیپلز پارٹی کے چیئرمین بلاول زرداری بھی میدان میں آ گئے

بلاول زرداری کا کہنا تھا کہ ہمارا مطالبہ ہے کہ حکومت پاکستان زلفی بخاری اور اسرائیل حکام کے درمیان کی ملاقات کے حقائق عوام کے سامنے لائے۔ بلاول زرداری نے صحافیوں کے سوالوں کے جوابات دیتے ہوئے کہا کہ صدر زرداری صاحب کا لاہور کا ٹرپ تھا وہ ڈاکٹر کے پاس گئے تھے اس موقع پر کچھ لوگوں کو ملنے آئے، دوسرا میرا صدر جوبائیڈن سے ملنے کا کوئی پروگرام نہیں ہے، ہم مطالبہ کرتے ہیں کہ زلفی بخاری کے دورہ اسرائیل کے حوالہ سے حقائق لے کر آئے اگر وہ نہیں گیا تو جو جہاز جو اسرائیل پہنچا تھا جو جہاز کی ڈیٹیل ہے وہ قوم کے سامنے لائے، سب پتہ چل جائے گا، دوسرا بتایا جائے کہ اگر جہاز کا یہی روٹ تھا تو کس نے اجازت دی، زلفی بخاری کو جہاز نے نہیں اٹھایا تو کس نے اٹھایا یہ خبر اسرائیل کے اخبار نے اسرائیل کے سنسر بورڈ سے اجازت لے کر شائع کی، پی پی مطالبہ کرتی ہے کہ اس جہاز کی تفصیل سامنے لائی جائے، سوشل میڈیا پر بھی یہ بحث چل رہی ہے

“ہمارا مطالبہ ہے کہ حکومت پاکستان زلفی بخاری اور اسرائیل حکام کے درمیان کی ملاقات کے حقائق عوام کے سامنے لائے۔”
چیئرمین پاکستان پیپلز پارٹی بلاول بھٹو زرداری@BBhuttoZardari
1/2 pic.twitter.com/APJMRO5U4D

— Salaam Bibi Benazir (@Salaam_Benazir) June 28, 2021

بلاول زرداری کا مزید کہنا تھا کہ پیپلز پارٹی کی کشمیر پر پالیسی واضح ہے، فلسطین پر بھی واضح ہے، میں بھٹو کا نواسہ ہوں، فلسطین کے ساتھ جو تعلق تھا وہ واضح ہے، ہمارے بڑے گہرے اور مضبوط تعلق ہیں فلسطین کی عوام کے ساتھ، ہم کشمیریوں کی طرح چاہتے ہیں کہ فلسطین کا فیصلہ بھی وہاں کے عوام کریں

واضح رہے کہ اسرائیلی اخبار نے دعویٰ کیا ہے جس میں کہا ہے کہ پاکستانی وزیر اعظم عمران خان کے سینئر مشیر ، سید زلفی بخاری نے نومبر کے آخری ہفتے میں اسرائیل کا مختصر دورہ کیا ،اخبار کے مطابق وزیراعظم عمران خان کے مشیر برطانوی شہری ہیں اور انہوں نے برطانوی پاسپورٹ پر اسرائیل کا دورہ کیا اور تل ابیب پہنچے، اور موساد کے سربراہ سے ملاقات کی