ترجمان طالبان ذبیح اللہ مجاہد نے کابل پر امریکی فضائی حملوں کی مذمت کرتے ہوئے کہا کہ دوسرے ممالک میں من مانے حملے کرنا غیر قانونی ہے-
باغی ٹی وی : ترجمان طالبان ذبیح اللہ نے چینی میڈیا سے گفتگو میں کہا کہ کابل پر امریکی فضائی حملوں کی مذمت کرتے ہیں کابل حملے میں شہری اموات ہوئیں، دوسرے ممالک میں من مانے حملے کرنا غیر قانونی ہے-
ذبیح اللہ نے کہا کہ امریکا کو کوئی خطرہ تھا تو ہمیں اطلاع دیتے۔
افغانستان صرف افغانیوں کا ہے اور افغانی کسی کا دباؤ برداشت نہیں کریں گے ذبیح اللہ مجاہد
واضح رہے کہ افغانستان کے دارالحکومت کابل میں گاڑی سے ایئرپورٹ پر راکٹ حملہ کیا گیا اور 6 راکٹ داغے گئےتفتیشی حکام کے مطابق گاڑی سے 6 راکٹ داغے گئے جن میں سے 5 ہوائی اڈے کی جانب گئے اور ایک راکٹ سے گاڑی تباہ ہوئی ہے حملوں میں بچوں سمیت نو افراد ہلاک ہو گئے ہیں پینٹاگون نے ڈرون حملے کی تصدیق کی اور بتایا کہ راکٹ میزائل ڈیفنس سسٹم سے روک دیئے گئے ہیں۔
امریکی حکام کا کہنا ہے کہ بغیرپائلٹ طیارے سے کابل ائیرپورٹ کی طرف جانے والی ایک گاڑی کو نشانہ بنایا گیا ہے اس میں داعش کے متعدد خودکش حملہ آور سوار تھے لیکن انھوں نے یہ نہیں بتایا ہے کہ اس حملے میں کتنے داعشی مارے گئے ہیں۔
